In concert legendar dal grond chantautur e poet canadais.

Leonard Cohen è senza dubi in dals gronds chantauturs dals ultims 50 onns. El è naschì 1934 e mort 2016. Dal 2013 ha el dà in concert remartgabel a Dublin en l'Irlandia, ed ha preschentà blers da ses titels enconuschents, e surtut bleras chanzuns da ses disc dal 2012 «Old ideas». Sia band: Roscoe Beck, bass – Neil Larsen, tastas – Rafael Gayol, batteria – Mitch Watkins e Javier Mas, ghitarra – Alex Bublitzkhi, violina e las vuschs da Sharon Robinson, Charley e Hattie Webb. «L'Artg musical» dad oz preschenta l'emprima part dal concert da Dublin. La segunda datti lura en in'emna.