In concert legendar dal grond chantautur e poet canadais.

En l'Artg musical dad oz udis la segunda part dal concert da Leonard Cohen, registrà il 2013 a Dublin. Cohen – naschì il 1934 e mort il 2016 cun 82 onns – è stà in dals pli gronds poets e chantauturs. El ha cumponì e chantà classichers sco «Suzanne», «Im your man», «Famous Blue Raincoat» e «Hallelujah», ed ha fascinà cun sia vusch bassa e vibranta che ha procurà per pel-giaglina. In fil cotschen tras sia musica è adina er stada la melancolia profunda, sia confruntaziun cun la disperaziun, la depressiun e l'esser uman cun ses limits e la mort.