Zanter gëschter gi mer “dé-confinéiert”, lues a lues dierf an den nächste Wochen a verschiddene Secteuren nees geschafft ginn – virausgesat, d’Verbreede vum neie Corona-Virus kann a Moosse gehale ginn. Eng Impfung gëtt et nach net, de Virus wäert eist Liewen also nach eng Zäit beaflossen. Symbol vum Dé-Confinement, dem konditionellem Retour an d’ëffentlecht Liewen, ass d’Otemschutzmask. A sengem Commentaire haut mécht d’Fanny Kinsch sech e puer Gedanken iwwert dëst Element vun eiser neier Normalitéit.