Conxecturas

Conxecturas

By José Antonio MartínezSociety & CulturePersonal Journals
Download on the App Store

Conxecturas episodes

  • 140. Follow Presto Friday. Ufonias @rnf

    https://prestocast.com/rnf/

    Venres, 16 de outubro. Son José Antonio, e isto é Conxecturas.

    Non hai nada mellor que celebrar e recomendar a chegada dun novo presto. Nado co espírito dos primixenios blogs, que se abrían a todos cun "ola, mundo".
    Fala do impacto da portada dun libro. E canto podería contar dos inicios de obras literarias
    Viaxa dende o vidro á Arde Bogotá. De Emmanuel Carrere, ao tempo. E de aí a nova premio nobel de literatura, para rematar cos "señores do vento". Cada presto co seu propio sentido, mais marabillosamente ligados.
    Ufonías, de Ramón Noche. Tomando a referencia de Blade Runner, por sorte, eu podo acreditar que non é obra da intelixencia artifiicial.

    1 min
  • 139. Paranoias, algoritmo e Youtube

    This is episode 140 of the podcast Conxecturas by @joseantonio, published on 14 de outubro de 2026. You can leave text and audio comments at this link.

    Es de quen se soprende coas recomendacións que te ofrece Youtube?

    Mércores, 14 de outubro. Son José Antonio, e isto é Conxecturas.
    Por circunstancias tiven que iniciar unha nova conta de YouTube. Fun subscribíndome unha a unha nas canles que máis sigo, aproveitando a oportunidade para limpar a listaxe de máis de 260 canles ás que un día, en moitos casos, non sei por que, me subscribín. A YouTube debeulle parecer insuficiente e encheume a sección todo de recomendacións, entendo que seguindo os meus intereses. Vexo un vídeo, e recomendáme contidos semellantes doutras canles. Até aquí nada singular, agás que, sorpresa, unha chea de canles de contidos próximos á extrema dereita e a que malo é Pedro Sánchez aparecían a páxina de inicio. E aínda que os borrase, aparecían novas recomendacións similares. Algoritmo? Paranoia?

    1 min
  • 138. A túa tele te espía?

    This is episode 139 of the podcast Conxecturas by @joseantonio, published on 13 de outubro de 2026. You can leave text and audio comments at this link.

    Es de quen desconecta a tele cando vai para cama?

    Martes, 13 de outubro. Son José Antonio, e isto é Conxecturas.
    Nun mundo onde calquera mínimo aparato tecnolóxico está conectado á rede, non é de estrenar que a xente sospeite de que a están a espiar. Resulta que hai estudos independentes que indican que televisores da marca LG, conectados á rede local, recollían información sobre dispositivos conectados á rede, enderezos IP e outros temas. Para que? Non se sabe.
    Tamén hai acusacións de que se está a recoller gravacións de conversas, a través dos micros da tele. Mesmo que o podían facer coa pantalla apagada. A falta de información das empresas de por que fai isto dá cobertura a que comportamentos que poderían parecer paranoicos, atopen unha explicación ou xustificación.

    1 min
  • 137. Sonrisas y Lágrimas, bandeiras e o 12 de outubro

    https://elpais.com/opinion/2026-10-12/el-roto-la-bandera.html

    Es de quen ves a tele pública ás 5 da tarde?

    Luns, 12 de outubro. Son José Antonio, e isto é Conxecturas.
    Están botando agora, neste prestomomento, Sonrisas y Lágrimas na Primera. Non sei o número de reposicións deste filme, mais hoxe podemos vela cunha flamante bandeira de España na parte superior dereita da pantalla. Cousas do Día de Hispanidade.
    Como isto vai de bandeiras, nada máis recomendable que admirar a viñeta de El Roto en El País, que tamén ten como fondo o "rojo y gualda": "La bandera está muy bien, pero preferiría un techo".
    Teño unha proposta. Pontenciar a marca España. Que mellor que este día para lembrarnos e difundir a sanidade pública, a educación pública, os servizos sociais públicos, as forzas de seguridade públlicas, a propia TV pública. E que mellor que situar na pantalla, ben visible, o logotipo da Axencia Tributaria. Porque Facenda somos todos, e a España que tanto defendemos non existiría sen ela.

    1 min
  • 136. Rotondas

    This is episode 137 of the podcast Conxecturas by @joseantonio, published on 9 de outubro de 2026. You can leave text and audio comments at this link.

    Es de quen dubidas ao acceder a unha rotonda?

    Venres, 9 de outubro.
    Son José Antonio, e isto é Conxecturas.
    Hai algo máis perigoso que estar totalmente convencido de ter a razón e estar a facelo mal? Si, cumprir coas normas de circulación para saírmos co coche dunha rotonda. Ao entrarmos nunha rotonda, só teremos que indicar co intermitente para marcar a nosa saída. Con todo, moitos condutores seguen a crer, cando están agardando a entrar, que se vas continuar a volta até chegar a túa saída, tes que indicalo cos intermentes. Hai ousados que mesmo se alporizas, cando seguindo a rotonda, falo como marca o código de circulación. Se o resto non sabe as normas, temos nós que facelo mal para evitarmos posibles accidentes? Ou hai que ousar con cumprir co que indica o código de circulación?

    1 min
  • 135. Tiranos e dereito divino

    This is episode 136 of the podcast Conxecturas by @joseantonio, published on 8 de outubro de 2026. You can leave text and audio comments at this link.

    Es de quen te preguntas para que serve a historia?

    Xoves, 8 de outubro. Son José Antonio, e isto é Conxecturas.
    O alumnado da ESO ten que coñecer que o sistema político do Antigo Réxime caracterizábase por un absolutismo monárquico onde a soberanía real era de orixe divina.
    Pasaron os séculos, mudaron moito as cousas, mais as igrexas cristiás continúan con esa fixación co poder político. Moito están a reflexionar sobre isto nos Estados Unidos, e moitas veces ás achegas veñen desde os puntos que menos agardas. Así temos "Desafiando Tiranos. Seguindo a Xesús nun mundo de anticristos cristiáns", de Matthew D. Taylor. Que Trump conte co apoio de numerosos líderes de igrexas cristiás non é anecdótico. Moitos líderes cristiáns están a utilizar a teoloxía, a Biblia, para xustificar o odio e a violencia das políticas do noso tempo. Inmigración e Maricarmes incluídas.

    1 min
  • 134. Limiar en sons. Do que escoito cando estou a correr

    [sons.red/podcast/limiar](https://sons.red/podcast/limiar/)

    Es de quen gosta que lle recomenden novos podcasts?

    Mércores, 7 de outubro. Son José Antonio, e isto é Conxecturas.
    Hai podcast que me gustan. Hai podcasts que me sorprenden. E está Limiar en Sons, un podcast (in)frecuente de Fidel Mouzo, breve, sincero e íntimo, como el mesmo o presenta.
    Imaxina que quero contar algo. Contarcho. E cando estou a darlle voltas, chega aos meus ouvidos "Has pagado y no has entendido nada", do 17 de setembro, e "Maricarmen y el precio de volver a casa", do 29 dese mes. E fico estupefacto, porque Fidel conta exactamente o que a min me gustaría transmitir e el o fai dun xeito que eu non podería.
    Nun mundo podcasteiro onde se insiste na regularidade de publicación, sempre me vai quedar a emoción de atopar no meu podcacher un novo episodio deste Limiar en sons, por moi infrecuente que isto aconteza.

    1 min
  • 133. Normas e convivencia

    This is episode 134 of the podcast Conxecturas by @joseantonio, published on 6 de outubro de 2026. You can leave text and audio comments at this link.

    Es de quen desconfía das normas?

    Martes, 6 de outubro. Son José Antonio, e isto é Conxecturas.
    Para que queremos normas? Son necesarias para vivir en comunidade? Xogan un papel , sempre que se baseen na xustiza e no ben común, e que axuden a limitar a arbitrariedade e a explotación dos poderosos. É curioso que no s. IV, persoas que buscaban a Deus e se retiraron a vivir en comunidade, asumisen que aquela experiencia colectiva só podía properar dotándose nunhas normas comúns. Así nacía o monacato cristiá. Mais tamén é certo que Henry David Thoreau, a mediados do s. XIX tamén se retirou ao medio da natureza e na súa obra Walden rexeitaba as normas sociais, non por seren malas en si, senón porque entendía que o ser humano non podía ceder a súa vontade a ningunha autoridade exterior. Son visións contraditarias ou complementarias?

    1 min
  • 132. Prestos e "síndrome" da impostora

    This is episode 133 of the podcast Conxecturas by @joseantonio, published on 2 de outubro de 2026. You can leave text and audio comments at this link.

    Es de quen querería escoitar máis voces en prestocast?

    Venres, 2 de outubro.Son José Antonio, e isto é Conxecturas.
    Levo uns días pensando en que hai detrás de que outras persoas non den o paso para gravar un minuto neste prestocast e veume á cabeza a idea da síndrome da impostora, esa sensación que temos en non apreciar os nosos logros e potencialidades, e cando facemos algo, acabamos por vinculalo á sorte, ás circunstancias ou a outras persoas.
    Hai xente que podería facer prestos ben interesantes, e non se animan. Non sei se será por isto, polo medo a exporse publicamente e a sofrer "críticas", ou porque queren facer uns 60 segundos tan impresionantes que nada do que se lles ocorre cumpre coas súas expectativas.
    Sirva este presto para mostrar que aínda que non se supere esa sensación de sermos unha fraude, todas podemos compartir 60 segundos.

    1 min
  • 131. Manténgase a la espera

    This is episode 132 of the podcast Conxecturas by @joseantonio, published on 1 de outubro de 2026. You can leave text and audio comments at this link.

    Es de quen cre na apolítica?

    Xoves, 1 de outubro. Son José Antonio, e isto é Conxecturas.
    "En estos momentos todos nuestros agentes están ocupados. Por favor, manténgase a la espera". Non un, senón no tempo de 60 prestos estou a escoitar esta frase.
    Teño o móbil en altavoz, conectado con cable. Porque isto pode ir para longo. E é por unha urxencia, non estou a agardar por amor á arte.
    Si, quero prohibir e regular, unha función básica para defender os dereitos do consumidor. Prohibir voces e atención automatizadas, que non te levan a ningún lado. Regular que ante problemas con seguros, compañías de electricidade, gas, auga ou telefónicas, as persoas deben atender a persoas, e non rebotarte cara a ningún lado.
    A política é isto. Lémbromo a min, a todos quen din que son apolíticos. Se non é a selva.

    1 min

About Conxecturas

From the publisher's feed

Opinións ou xuízos formados sobre meros indicios ou aparencias, sen un fundamento certo.