Conxecturas

Conxecturas

By José Antonio MartínezSociety & CulturePersonal Journals
Download on the App Store

Conxecturas episodes

  • 120. Para que serve WhatsApp?

    This is episode 121 of the podcast Conxecturas by @joseantonio, published on 10 de setembro de 2026. You can leave text and audio comments at this link.

    Es dos que WhatsAppea a todas horas?

    Xoves, 10 de setembro. Son José Antonio, e isto é Conxecturas.
    O WhatsApp é moi práctico, mais hai algo que non me deixa cómodo. Acabo de quedar para ir tomar algo. Aquí, alí, Ok. Perfecto. Cumpre o seu labor social. Máis cando as interaccións sobrepasan os tres ou catro intercambios, cando o texto se alonga, que mellor que utilizar o teléfono para falar coa outra persoa. E os audio de voz, que converten as conversas en monólogos?
    Confúndese con facilidade os diferentes ámbitos, do persoal ao profesional, xerando problemas innecesarios. É só unha pequena consulta! É unicamente un recordatorio para mañá! Quedar con amigos non pode ser a mesma canle de comunicación que compartir algo co teu xefe.
    Lembreime disto mentres escoitaba como no CNI tamén usan esta mensaxería instantánea. Cousas que pasan!

    1 min
  • 119. Táboa rasa

    This is episode 120 of the podcast Conxecturas by @joseantonio, published on 9 de setembro de 2026. You can leave text and audio comments at this link.

    Estás intentando aprender algo novo?

    Mércores, 9 de setembro. Primeiro día do curso nos niveis non universitarios. Son José Antonio, e isto é Conxecturas.
    Os analfabetos do s. XXI non serán aqueles que non saiban ler e escribir, senón aqueles que non aprendan a aprender, desaprender e reaprender.
    Alvin Toffler escribía isto, en 1970. e máis de medio século despois aínda nos está a interpelar.
    Relaciónoo cun concepto que sempre interpretei mal, o da tabula rasa, Cría que Aristóteles defendía que a nosa mente nace "rasa" e co tempo vaise formando o coñecemento. Mais estas táboas estaban recubertas de cera, e raspábanse e alisábanse para volver escribir nelas. Primeiro había que eliminar e logo, unha vez lisa, estaba apta para volver ser escrita.
    Nada parte de cero. E o proceso de desaprender é o que realmente supón o reto. "Ninguén nace aprendido", di o refrán. Mais son os falsos coñecementos os que condicionan a nosa aprendizaxe.

    1 min
  • 118. Praia e montaña

    https://www.metropoles.com/mundo/uso-privado-praias

    Ti es máis de praia ou de montaña?

    Martes, 8 de setembro. Son José Antonio, e isto é Conxecturas.
    Onte paseaba pola praia dunha cidade que se publicita como "vivimos nunha cidade marabillosa", e moita xente, moita, aproveitaba a calor de setembro como se fose xullo, gozando da praia, co verán convertido nun estado de ánimo.
    E comprobei unha reflexión que a miña muller me fixera hai tempo. Poucas actividades existen que nos permitan convivir coma sociedade, que gozar, independentemente da clase social, de deitarse ao sol, construír castelos de area, darlle unhas patadas ao balón ou xogar coas palas e, por suposto, darse un baño.
    España ten como característico o dominio público da costa e o acceso libre e servizos gratuítos nos nosos areais. Nun mundo onde se está a privatizar todo, gocemos e defendamos este espazo público de convivencia, aínda que ti sexas máis de montaña.

    1 min
  • 117. Peaxes

    This is episode 118 of the podcast Conxecturas by @joseantonio, published on 7 de setembro de 2026. You can leave text and audio comments at this link.

    Tes algunha anécdota do teu primeiro día de traballo?

    Luns, 7 de setembro. Son José Antonio, e isto é Conxecturas.
    Aprobas a oposición e preséntaste no instituto por estas datas, cando publican os destinos definitivos. Vas contento, por primeira vez vai traballar un ano enteiro, vas poder integrarte na dinámica dun centro educativo. Na porta coincides con outra docente, na miña situación, e cun sorriso debuxado na cara.
    Lévanvos coa xefa de estudos, que despois de presentarse, coméntavos sobre o voso horario, que acababa de repartir ao resto de compañeiros.
    Bueno, tedes algúns ocos no horario, e tamén tedes que vir á tarde do luns. Xa sabedes, é a peaxe que hai que pagar.
    Ostras, comentei, cría que entraba na función pública e resulta que estou accedendo a unha autoestrada.
    Non sería a única peaxe que pagaría ese ano.

    1 min
  • 116. Follow Presto Friday @Prologo

    https://prestocast.com/prologo/

    Alégraste cando podes unir dúas paixóns nun minuto?

    Venres, 4 de setembro. Son José Antonio, e isto é Conxecturas.
    O meu presto recomendado desta semana é Prólogo. Xa van 78 episodios que nos traen opinións literarias, que te xeneran curiosidade nun minuto. E quen o presenta? Pois aquí outra curiosidade máis, non sei se pola premura do minuto, mais aínda non o descubrimos. Cousas dos prestos!
    A min paréceme dificilísmo isto de comentar e valorar unha obra literaria, e máis nun minuto. Aínda que a maioría dos libros non os lin, encántame escoitar a súa opinión e agardo a súa valoración global, na que outorga de 1 a 5 bolis.
    Acabo de ler "Comerás flores", de Lucía Solla, e non sería quen de condensar as miñas opinións nun presto. 5 Bolis, a Prólogo e a Comerás flores.

    1 min
  • 115. Ba-lon-ces-to

    This is episode 116 of the podcast Conxecturas by @joseantonio, published on 3 de setembro de 2026. You can leave text and audio comments at this link.

    Ti es de quen cre que o deporte non só é fútbol?

    Xoves, 3 de setembro. Son José Antonio, e isto é Conxecturas.
    Mañá comeza o Mundial de Baloncesto feminino. Teremos por diante 9 días onde poderemos ver o mellor baloncesto mundial. Non o mellor basket de mulleres: o mellor baloncesto. Xa sei que está a NBA, a EuroLeague, que eu tamén sigo, mais o baloncesto feminino traénos calidade, entrega e competitividade, nun deporte que non ten a repercusión que debería ter.
    Só por ver as fantásticas xogadoras estadounidenses, e se son quen de funcionar igual de ben coma equipo, xa pagaría a pena. Mais a expectación está en ver se Francia, Australia ou Bélxica, as outras grandes favoritas, xa deron ese paso que as faga realmente competitivas,candidatas. E por suposto, España, 6ª do ranking mundial, mais cun presente e un futuro do que se vai falar moito.

    1 min
  • 114. 11 pulsacións

    This is episode 115 of the podcast Conxecturas by @joseantonio, published on 2 de setembro de 2026. You can leave text and audio comments at this link.

    Canto pesan as preocupacións que non te deixan descansar a cabeciña?

    Mércores, 2 de setembro. Son José Antonio, e isto é Conxecturas.
    Non sei se viches o filme 21 gramos, de Alejandro González Iñárritu. O título refírese á crenza que unha persoa, no momento de morrer, perde 21 gramos. Teoría sen base científica que, partiu dun médico estadounidense, que en 1907 defendeu que isto acontecía e que podería ser o peso da alma.
    As preocupacións, coma outros factores psicolóxicos, inflúen directamente no noso corpo, de xeito que se fala de doenzas psicosomáticas.
    Non hai que pórse enfermo para se detacar que todas esas preocupacións, emocións, estrés, están a ter un impacto no noso corpo.
    Corría eu tranquilamente, á beira do mar, mirando os paxaros e controlando as pulsacións co meu reloxio. Foi pórme a pensar en todo iso que se aveciña este mes, e alá se me dispararon, en concreto, 11 pulsacións. Fun consciente, e o pulso volveu baixar.
    Outra cousa é se as miñas preocupacións pesan pouco ou moito.
    A cabeciña non para!

    1 min
  • 113. Reiniciando

    https://www.penguinlibros.com/us/tematicas/398897-ebook-microexperimentos-9791387513023

    https://www.casadellibro.com/libro-cuatro-mil-semanas/9788408250890/12622872

    Xa te apuntaches no ximnasio? Que novo hábito vas pór en práctica?

    Martes, 1 de setembro. O segundo día de inicio de ano.
    Son José Antonio, e isto é Conxecturas.
    O 1 de setembro é un novo inicio, un novo curso, aínda que non sexas estudante, unha nova oportunidade, unha nova vida. Axúdame a non me quedar bloqueado ante este reto que nos autoimpomos, ou a que dentro dunha semana xa non nos lembremos de ningún dos nosos propósitos.
    Tráioche dous libros. Pero se eu o quero é comezar xa, pórme en marcha! Eu tamén. Mais pensa, que pasou o 1 de setembro do ano pasado, do ano anterior ou do outro? Canto dos teus propósitos se convertiron nunha realidade?
    Se podes, le "Cuatro mil semnas. Gestión del tiempo para mortales", de Oliver Burkeman. . E, cando acabes, "Microexperimentos. El poder de probar, fallar y aprender en un mundo que exige certezas", de Anne-Laure Le Cunff. Non atopo mellor xeito de comezar este setembro (e se o que te propuxeches foi ler máis, por un check nese novo hábito).

    1 min
  • 112. Follow Presto Friday: Des-centrando, de @mujsica

    Sobre Richard Mújica A.: https://richardmujica.bio.link/

    O presto Des-centrando: https://prestocast.com/mujsica
    O podcast Procesando Ideas: https://pod.link/1622115134

    Cal é a miña primeira recomendación deste curso? Dúas por unha: "Des-centrando", de Richard Mújica e o seu podcast longo "Procesando Ideas".

    Venres, 28 de agosto. Son José Antonio, e isto é Conxecturas.
    Richard Mújica preséntase coma antropólogo, podcaster e músico tradicional. Estas tres facetas aparecen no seu presto Des-centrando. Gústanme os temas e como os presenta. Foi dos que non tomou un parón estival, non sei se será porque comunica desde a súa Bolivia natal.
    Quero recomendar especialmente o seu podcast "Procesando Ideas", que xira arredor de procesos creativos e produtividade dixital. En especial o episodio do 8 de agosto "Tres meses de silencio", que me fixo pensar moito. Preséntao así: "Produtividade en tempos de crise? Hai case tres meses que non dicía nada por aquí. Non foi por faltas de ideas, foi un choque frontal entre o meu "facer" e o meu "ser" como antropólogo aymara no medio dunha crise social e Bolivia".
    Agradézolle a honestidade coa que nos presenta as súas reflexións. Botádelle unha escoitada.

    1 min
  • 111. Negro sobre negro

    A explicación da obra Negro sobre Negro é de Miguel Calvo Santos.

    Podes aprender historia da arte con el. https://historia-arte.com/obras/blanco-sobre-blanco

    Pillaches un atasco cando ías ver o eclipse e non te gusta a arte abstracta?

    Xoves, 27 de agosto. Son José Antonio, e isto é Conxecturas.
    Hai quen, cando visita o Reina Sofía, ou CGAC outro semellente, non pode máis que expresar, en alto, por suposto, "Pero isto que é? Isto é unha tomadura de pelo? Isto o faría un neno!, etc., etc. Que diría da obra Branco sobre branco, pintada por Kazimir Malevich en 1918 e que na actualidade se expón no MOMA de NY.
    Xeometría en estado puro, abstracción ao límite, onde o pintor leva ao extremo a síntese da forma e da cor iniciada polo cubismo
    12 de agosto. Das 20:26 ás 20:34, asistimos, sentados en bañador na praia, ao eclipse solar. Sentimos como se ía pouco a pouco a luz e mesmo me colleu o frío. Impresionoume o silencio, e alí había moito máis de 1000 persoas. Non sabería que dicir, era "Negro sobre negro". Vivimos un momento de asombro. Ah! E ninguén berrou: pero isto que é? Que me devolvan o diñeiro!

    1 min

About Conxecturas

From the publisher's feed

Opinións ou xuízos formados sobre meros indicios ou aparencias, sen un fundamento certo.