Conxecturas

Conxecturas

By José Antonio MartínezSociety & CulturePersonal Journals
Download on the App Store

Conxecturas episodes

  • 130. Xornais, esquelas e política.

    https://emilcar.fm/podcast/trending/

    Es de quen les os xornais comezando pola última páxina?

    Mércores, 30 de setembro. Son José Antonio, e isto é Conxecturas.
    Non podo. Supérame o espazo dedicado á información política. Xornais, televisión, internet. Penso que nunca tanto tempo se lle adicou. Se escapaba dos Sálvame televisivos, como non escapar agora dos pretendidos espazos de análise da actualidade.
    O xornal sempre o comezo pola contraportada. Ollada rápida á foto, e directo ás esquelas. Información pura e dura: quen morreu, a quen se lembre no cabo de ano. E de aí a local, a modo de folla parroquial.
    Será que paso da política? En absoluto. Mais prefiro achegarme a ela doutro xeito, como o podcast Trending, de Emilcar FM.

    1 min
  • 129. Metal de sacrificio. Ciencia e poesía.

    https://www.atraves-editora.com/produto/a-noiva-e-o-navio/

    Es de quen ve na ciencia poesía e unha metáfora da vida?

    Martes, 29 de setembro. Son José Antonio, e isto é Conxecturas.
    O ferro, utilizado nos cascos de navío, en contacto coa auga do mar, oxídaríase moi facilmente se non houbese un metal de sacrificio, é dicir, outro metal instalado co obxecto de ser oxidado no seu lugar. Así os cascos de navío son protexidos da corrosión por medio da colocación de placas de zinc, que ben poderían levar o nome de chivos expiatorios.
    Eduardo Peruzzo: química do quotidiano
    Como o zinc que cingue o ferro no navio
    para o mar nunca enferruxar a cravaçao
    sao os abraços nocturnos metal de sacrificio
    que atenua o ronça-ronça do quotidiano.
    Grazas a Iñaki Sánchez, por achegarme a esta descuberta a través da obra da súa irmá, Susana Sanchez Arins.

    1 min
  • 128. Acordos pola igualdade

    This is episode 129 of the podcast Conxecturas by @joseantonio, published on 25 de setembro de 2026. You can leave text and audio comments at this link.

    Es de quen aposta pola igualdade?

    Venres, 25 de setembro. Son José Antonio, e isto é Conxecturas.
    Dous partidos políticos do Parlamento galego chegaron a un acordo sen precedentes. Buscan a igualdade dentro do sistema de ensino. A principal novidade é que, fronte ao veto actual, as mulleres docentes poderán dar clase nas materias de Matemáticas, Tecnoloxía e Física e Química. Iso si, teñen que ser todas, ademais de obrigar automaticamente que Ciencias Sociais, Xeografía e Historia, Ciencias da Natureza e Bioloxía sexan dadas por homes. E isto en todos os niveis do centro. Non se deixa a opción dunha permuta libre por materias nin tampouco por cursos.
    Obxectivo: asegurar un reparto do 50 % do horario lectivo entre mulleres e homes.
    Distópico non. Substituíde mulleres e homes, por galego e castelán. Benvidos a proposta de Plan Xeral de Normalización Lingüística de Galicia.

    1 min
  • 127. Hipoteca Mari Carmen

    This is episode 128 of the podcast Conxecturas by @joseantonio, published on 24 de setembro de 2026. You can leave text and audio comments at this link.

    Es de quen ten problemas para acceder á vivenda?

    Xoves, 24 de setembro. Son José Antonio, e isto é Conxecturas.
    Que en España existe un problema de acceso á vivenda é incuestionable, tanto para a compra como para o alugueiro. É o problema, non un problema.
    Os minutos, moitos minutos,dedicados nalgúns programas de televisión á ocupación de vivendas falan dunha realidade que existe, mais que é tan reducida estatisticamente que non xustifica o tempo dedicado. Canto tempo se dedicou ás vidas das Maricarmen? Falouse onte da imposibilidade de botar ao okupa? Era Maricarmen unha delas? Porque okupa era un concepto que unía, ou confundía, realidades moi diferentes: desde allanamentos de morada a conflitos por non pagar un alugueiro.
    Un banco promociona desde hai uns anos unha hipoteca co nome Mari Carmen. Caéuselle o naming.
    Un mesmo nome agocha realidades ben diferentes.

    1 min
  • 126. Prestos, entre a constancia e os deadlines

    https://prestocast.com/laracapeans/96

    https://prestocast.com/jeanbedel/246

    Es de quen te costa ser constante?

    Mércores, 23 de setembro. Son José Antonio, e isto é Conxecturas.
    Traio dous prestos de onte, o de Lara Capeáns, Constancia vs espontaneidade e o de julián @jeanbedel, sobre os deadlines.
    Non me considero para nada unha persoa constante, mais estas conxecturas, ao modo de presto quasi diario laboralmente, axúdanme neste camiño. Optar pola esponteinade, pola busca da idea xenial, suporía a práctica desaparición deste presto, como de moitas outras cousas na miña vida. Unha vez gravado e publicado, o calendario marca 24 horas até o próximo vencemento, porque a vida non para, e como di Julián, está chea de deadlines.
    Respondendo a Lara, na dicotomía entre constancia e espontaneidade, busco un minuto cada 24 horas, aínda que así haxa o risco de que aburra e que me aburra coma unha ostra.
    E aproveita a constancia de comunicadores tan bos coma eles, co seu Voz en Movimiento e Prestobedel.

    1 min
  • 125. Compras

    This is episode 126 of the podcast Conxecturas by @joseantonio, published on 22 de setembro de 2026. You can leave text and audio comments at this link.

    Es de quen quere comprar máis cousas do que a túa economía te permite?

    Martes, 22 de setembro. Son José Antonio, e isto é Conxecturas.
    Vas cambiar de móbil? Vas cambiar de reloxio-smartwatch? Sempre é un bo momento, mais setembro é o mes da tentación constante. Presentacións, novidades, novos modelos. Se non o era xa, youtube convértese nunha auténtica teletenda, mesmo canles moi serios con contidos moi traballados.
    Como tomar un pouco de distancia? O máis fácil sería preguntarse: o que tes funciona? Non caeu, non está roto? Pois te segue a valer. Mais non, porque o novo, do que sexa, trae unhas melloras, que son incríbles. IA, pantalla, batería, eu que sei. funciona, pero mellor.
    Vou apuntar logo, agora, esas melloras, para que o próximo ano, cando me presenten os novos avances, mire se utilicei algunha desas novidades. Ou máis fácil. Vounas apuntar, agardar 15 días e buscar momentos concretos onde non puiden facer algo porque non tiña iso novo.
    E o diñeiro que vou aforrar? Só coma idea: apoia unha-un podcaster.

    1 min
  • 124. Gone. Unha serie de intriga, e máis.

    https://www.filmin.es/serie/gone

    Es de quen nas series de intriga policial non só te interesa quen é o asasino?

    Venres, 18 de setembro. Son José Antonio, e isto é Conxecturas.
    Gone, miniserie británica de 2026.
    Un thriller psicolóxico e resolta en 6 episodios.
    Eve Myles, muller, de mediana idade é a protoganista feminina.
    Xa empeza ser habitual este tipo de roles femininos protagonistas.
    Alguén dirá que isto moi "woke", xa que ademais da resolución do caso policial, preséntanse temas, máis ou menos explicitamente, como a igualdade de xénero, a violencia machista, o racismo ou a relevancia das mulleres de mediana idade.
    Nunca entendín que tiña de malo o de woke, e por que se utiliza dun xeito tan pexorativo.
    Será que hai xente que bota de menos os Mike Hammer das series, modelos de masculinidade tradicional e onde as personaxes femininas servían unicamente coma complemento para caer rendidas ao "encanto" do protoganista.

    1 min
  • 123. Unanimidades

    This is episode 124 of the podcast Conxecturas by @joseantonio, published on 17 de setembro de 2026. You can leave text and audio comments at this link.

    Es dos que aprecias a unanimidade?

    Xoves, 17 de setembro. Son José Antonio, e isto é Conxecturas.
    Desconfío das unanimidades. Sóame mal cando para xustificar unha cuestión calquera dicimos: "É que todo o mundo fai ou pensa así", ou "ninguén apoia iso".
    Non sei se ves a incongruencia de, por unha banda, defender que vivimos nunha sociedade plural, diversa, etcétera, etcétera, e por outra banda insistir tanto na busca da unanimidade.
    Vou propor un neoloxismo: o TODO-LITARISMO. Dise da corrente que pretende fomentar un pensamento único, un posicionamento unívoco da poboación, arredor dunha idea ou dun principio que entenden intrinsecamente bo. Mais que tamén apartan, vilipendian ou ridiculizan a aquelas persoas que non só defende pensamentos contrarios, senón que poñen en cuestión ou crítico esas posturas pretendidamente universais.
    TODO-LITARISMO. Non confundir con totalitarismo, esa corrente ideolóxica xurdida na primeira metade do s. XX.

    1 min
  • 122. Criterios, normas e aprendizaxes

    This is episode 123 of the podcast Conxecturas by @joseantonio, published on 16 de setembro de 2026. You can leave text and audio comments at this link.

    Es dos que coñeces as normas e reclamas cando non se cumpren?

    Mércores, 16 de setembro. Son José Antonio, e isto é Conxecturas.
    Ao principio de cada curso escolar explicámoslle ao alumnado os criterios de avaliación e cualificación da materia. Explicámolo e publicámolo por escrito, na aula virtual e na programación didáctica. Parece unha obviedade, mais non o é. Teñen que coñecer, desde o principio os instrumentos que imos utilizar para avaliar a materia e como vaise pór a nota. E non depende do que diga o profe, senón que ten que estar nun documento público que o alumnado e as familias podan consultar ao longo do curso.
    Que coñezan isto e que sexan quen de reclamar cando non se cumpra é unha das grandes aprendizaxes que podemos deixarlles. Non é un mero acto académico, é por en práctica que as normas son para todo o mundo, que ninguén está por riba delas, e que se estas se aplican mal, ou se modifican a gusto dunha das partes, o alumno ten dereito a reclamar. E isto vai máis alá da escola.

    1 min
  • 121. Ollos que non ven...

    This is episode 122 of the podcast Conxecturas by @joseantonio, published on 14 de setembro de 2026. You can leave text and audio comments at this link.

    Es dos que te alegras por non saber?

    Luns, 14 de setembro. Son José Antonio, e isto é Conxecturas.
    Volvo coas peaxes, mais esta vez non metafóricas, como no capítulo 117.
    O outro día chegoume o recibo das peaxes da autostrada. 114€. Moito, pouco? Non sei. En principio quedei contento porque só tiña que pagar uns 20€, xa que os outros eran devoltos debido ás bonificacións de viaxes de ida e volta grazas ao uso do OBE. O gasto fíxeno, de verdade que non o pago? Mais ao non telo que pagar directamente da miña conta fai que pareza que este pagamento non existe.
    E isto faime pensar en moitos outros pagamentos encubertos, que parecen que non existen, mais que están a engrosar as contas de grandes empresas que realizan traballos e servizos públicos. Penso nun gran hospital con nome de escritor que ten escrito en grande "Hospital Público". Tanto enfatizar o público non ocultará esas peaxes encubertas?
    E mentres eu contento polos descontos ou pola gratuitade dos servizos. De verdade non o estamos a pagar? Mais, ollos que non ven, xa se sabe.

    1 min

About Conxecturas

From the publisher's feed

Opinións ou xuízos formados sobre meros indicios ou aparencias, sen un fundamento certo.