“பிரதமர் மோடியின் பிரச்சாரம் தங்கள் கட்சிக்கு உதவுகிறது” என்று பாஜக-வின் ஆய்வு தெரிவித்தாலும், சமாஜ்வாதி - ராஷ்டிரிய  லோக் தளம் கூட்டணியால், பாஜக-வுக்கு 150 இடங்களில் பெரும் சரிவு ஏற்பட்டிருக்கிறது” என்ற உண்மை பாஜக தலைவர்களை அதிர்ச்சி யில் தள்ளியிருக்கிறது.  இனி உ.பி.யில் பாஜக-வால் ஆட்சியைப் பிடிக்க முடியாது! #UttarPradesh #Election2022 #BJPFails #BJPDestroyingIndia #BJPBetrayedIndia 

உலகின் பெரும்பகுதி கடல் மீன்கள் வாழும் நடுத்தர ஆழத்தில் இருக்கும் நீர் இயலபிற்கு மாறான வேகத்தில் 2021இல் ஆக்சிஜனை இழந்து வருகிறது என்றும், இதனால் 2080இல் கடல்கள் மீன் வளத்தை இழக்கும் என்றும் புதிய ஆய்வில் தெரியவந்துள்ளது. #Climate #ClimateChange #LackOfOxygen #GreenHouseGases #Deoxygenation #NCAR

அமெரிக்கா தலைமையிலான நேட்டோ, கடந்த அரை நூற்றாண்டுக்கும் மேலாக இந்த உலகில் நடத்தாத அட்டூழியம் இல்லை. நீண்ட பல ஆண்டு காலமாக தனக்கு சிம்ம சொப்பனமாக திகழ்ந்து வரும் ரஷ்ய ஜனாதிபதி விளாடிமிர் புடினை கொன்றுவிடத் துடிக்கிறது. அதற்கான கொடிய போர் வியூகங்களை வகுக்கிறது. அந்த வியூகத்தில் ஏவலாளியாக, கைப்பாவையாக சிக்கியிருக்கும் நாடுதான் உக்ரைன். ரஷ்யா தங்களுடைய நாட்டின் பாதுகாப்பை கருத்தில் கொண்டு உக்ரைனை நேட்டோ வளையத்துக்குள் கொண்டு வர முயற்சிக்கும் அமெரிக்காவின் செயலுக்கு பதிலடி கொடுக்கும் வகையில் உக்ரைன் மீது போர் தொடுத்துள்ளது. அது ரஷ்யாவின் பாதுகாப்பிற்கு அச்சுறுத்தலாக இருக்கும் என்பதை புரிந்து கொள்ள முடிகிறது, எனவே, உக்ரைன் மீது போர் தொடுத்துள்ள ரஷ்யாவிற்கு ஆதரவு தெரிவிக்கின்றோம் என சீனா தெரிவித்துள்ளது. #CPIM #RussiaUkraineWar #America #UNO #China #War

இந்திய அரசியலமைப்பு சட்டம் வழங்கியுள்ள மதச் சுதந்திரத்தை பின்பற்றவும், பரப்பவும் அனைத்து மதத்தினருக்கும்  சம உரிமை உள்ளது. ஆனால் பாஜக அரசு தங்களது குறுகிய அரசியல் லாபங்களுக்காக மதக்கலவரங்களை உருவாக்கும் விதமாக தொடர்ந்து  செயல்பட்டு வருகிறது. அதன் ஒருபகுதியாக கட்டாய மதமாற்ற தடுப்பு சட்டத்தை அமல்படுத்த வேண்டும் என்ற விஷமப் பிரசாரத்தை முன்வைத்து செயல்பட்டு வருகிறது. இந்தியாவில் சிறுபான்மையினராக உள்ள கிறிஸ்துவர்கள் மற்றும் இஸ்லாமியர்களை அச்சுறுத்தும் விதமாக பாஜக ஆளும் மாநிலங்களில் இச்சட்டம் நிறைவேற்றப்பட்டு அமல்படுத்தப்படும் போக்கு நடைபெற்று வருகிறது. மேலும் கல்வி நிறுவனங்களில் மாணவர்களிடையே நிலவும் ஒற்றுமையை சீர்குலைக்கும் விதமாக மத அடிப்படைவாத கருத்துக்களை பாஜக திணித்து வருகிறது. இதை அவர்கள் உடனடியாக நிறுத்த வேண்டும். இந்துத்துவா சக்திகளுக்கு எதிராக மத ஒற்றுமையை பேணிக்காக்க வேண்டும் என இந்திய மாணவர் சங்கம் வலியுறுத்துகிறது.  #Hijab #Secularism #SFI #ConstitutionalRights #BJPFails

நகர்ப்புற உள்ளாட்சித் தேர்தலில் மதச்சார்பற்ற முற்போக்குக் கூட்டணி வேட்பாளர்களுக்கும் மார்க்சிஸ்ட் கம்யூனிஸ்ட் கட்சியின் வேட்பாளர்களுக்கும் நகர்ப்புற உள்ளாட்சித் தேர்தலில் வாக்களித்து பெருவாரியான வாக்குகள் வித்தியாசத்தில் வெற்றி பெறச் செய்வீர்! - தோழர் கே.பாலகிருஷ்ணன், மாநிலச் செயலாளர் #CPIM #LocalBodyElection #DefeatADMKBJP #Vote4CPIM more : https://youtu.be/Y_SbALZqDOw

தமிழ்நாடு அரசின் பெண்களுக்கான கொள்கை வரைவு அறிக்கை அனைத்து பெண்களுக்கானதாக இருந்தாலும் கூட கொள்கையின் மையம் பொருளாதாரம் மற்றும் சமூக ரீதியாக ஒடுக்கப்படும் பெண்களுக்கு இக்கொள்கை அடித்தளமாக இருக்க வேண்டும். மிக முக்கியமானதாக சாதி ஆணவப் படுகொலைகளுக்கு எதிரான தனிச்சட்டம் இயற்றப்பட்டு கொள்கையில் இடம் பெற வேண்டும் - தோழர் உ.வாசுகி, மத்தியக்குழு உறுப்பினர் #CPIM #womenpolicydraft #tnwomenpolicies #CPIM #AIDWA #TamilnaduNewPolicyforWomen more : https://youtu.be/8dplN10oYCA

கலவரங்களை உண்டாக்கி அதில் அரசியல் லாபம் பார்க்கும் கட்சி பாஜக. அடுத்த ஆண்டு நடைபெறும் கர்நாடகா பொதுத் தேர்தலுக்காக மதக்கலவரத்தை தூண்டிவிட்டுள்ளது பாஜக. அதற்காக பள்ளிக் கல்லூரி மாணவர்களின் மனதில் நஞ்சை விதைக்கிறது - தோழர் க.கனகராஜ், மாநில செயற்குழு உறுப்பினர் #CPIM #Hijab #Students #Karnataka #Education #Humanity #RSSTerror More: https://youtu.be/IIQx4yPWCRI

ஹிஜாப் தடை; முஸ்லீம்களை இரண்டாம் தர குடிமக்களாக்குவதற்கான முயற்சியே...

பாதிப்புக்கு உள்ளான மாணவிகளில் ஒருவர் உயர்நீதிமன்றத்தில் தாக்கல் செய்துள்ள வழக்கு, விசாரணையில் இருந்து வருகிறது. இதன் மீது உயர்நீதிமன்றத்தின் விரிவான அமர்வு தீர்மானித்திட இருக்கிறது. அரசமைப்புச் சட்டத்தின் கீழ் சிறுபான்மையினருக்கு அளிக்கப்பட்டுள்ள உத்தரவாதங்களின்படி, கர்நாடக அரசாங்கத்தின் பாகுபாடான ஆணை ரத்து செய்யப்பட வேண்டும் என்றே எதிர்பார்க்கப்படுகிறது.

கம்யூனிஸ்ட்டுகளின் வீரம் செறிந்த போராட்டத்தின் ரத்த சாட்சியே சேலம் சிறைத் தியாகிகள்...!!!

17 தோழர்கள் துப்பாக்கிக் குண்டுக்கு பலியானார்கள், 5 தோழர்கள் தடியால் அடித்தே கொலை செய்யப்பட்டனர். 119 தோழர்கள் படுகாயமுற்று இரத்தச் சகதியில் கிடந்தனர். அதில் 63 தோழர்களின் உடலில் துப்பாக்கிக் குண்டு பாய்ந்திருந்தது. அதில், கை, கால், மண்டை உடைந்தவர்கள் ஏராளம்.

சேலம் சிறையில் 1950 பிப்ரவரி 11ம் அன்று துப்பாக்கிச் சூடு நடத்தியதில் உயிரிழந்த தியாகிகளின் நினைவு தினம் இன்று.

கம்யூனிஸ்டுகளுக்கு எதிராக நடந்த இந்த கொடூரம் நடந்து இன்றுடன் 72 ஆண்டுகள் ஆகின்றன. ஆனால், தோழர்கள் இறக்கும்போது எழுப்பிய "இன்குலாப் ஜிந்தாபாத்”, "புரட்சி ஓங்குக! ", "கம்யூனிஸ்ட் பார்ட்டி ஜிந்தாபாத் " போன்ற முழக்கங்கள் இன்றும் சேலம் சிறையைத்தாண்டியும் கேட்டுக் கொண்டேதான் இருக்கின்றன. மனிதகுல விடுதலைக்கான போராட்டத்தில் சேலம் சிறைதியாகிகளின் தியாகம் என்றென்றும் அழியாது, நிலைத்து நிற்கும் #CommunistStruggle #CommunistProtest #SalemPrison #InqulabZindabad #TNPolitics

சாவர்க்கர் தலைமையில் கோட்சே, நாராயண் ஆப்தே உள்ளிட்டோர் அடங்கிய குழு 1948 ஜனவரி 20 அன்று நடந்த ஒத்திகைக்குப் பிறகு காந்தியைச் சுட்டுக்கொல்ல 1948 ஜனவரி 30 என்ற நாள் குறிக்கப்பட்டது.

ஜனவரி 30 என்ற நாள் தேர்ந்தெடுக்கப்பட்டது கூடத் தற்செயலானது அல்ல. நன்கு திட்டமிட்டு தேர்ந்தெடுக்கப்பட்ட ஆர்எஸ்எஸ் விசேஷமான நாள். ஏனெனில் 1933 ஜனவரி 30 என்ற அந்த நாளில்தான் ஜெர்மனியின் சேன்ஸ்ல ராக ஹிட்லர் என்னும் வரலாற்றின் குப்பைக் கூடைக்குள் வீசி எறியப்பட்ட மாபாதகன் பதவியேற்றுக் கொண்ட நாள். காந்தி சுட்டு வீழ்த்தப்பட்டு சுமார் 74 ஆண்டுகளுக்குப் பிறகும் கூட காந்தியின் உருவப் பொம்மையைச் செய்து, அதில் துப்பாக்கியால் சுட்டு சிவப்பு மையைக் கொட்டி ‘மகாத்மா’ கோட்சேவுக்கு வெற்றி முழக்கமிட்டு ஒரு கும்பல் கொக்கரிக்கிறது எனில் அவர்களுக்கு இன்னும் மிக வலிமையாகவும் ஆழமாகவும் மகாத்மா காந்தியின் சிந்தனைகள் இந்த மண்ணில் வேர் விட்டுள்ளது என்பதையே உணர்த்துகிறது. #MahatmaGandhi #AntiNationalRSS