Kyon ghut ta hai dum kya yeh rauzan e zindaan hai

Nazar aata hai jo mujhe kya wohi aasmaan hai

Momin hun main pukhtah naam rab ka hai labon per

Phir, kyon har ghari shab o roz ka imtehaan hai

Be zaar nahin be kas nahin fasurdagi yeh kaisi

Pucchte ho darya se kya, kyon musalsal ravaan hai

Khutbe tere suney vaaiz baaten sohbaton ki

Tu hi bata shireen kis ki, kis ki talkh zubaan hai

Bhaley shauq ho parwaaz ka parinde hum nahin

Milti hai khabar unhen kya dost unka tufaan hai

Khutah nahin ghaafil nahin haazir o naazir hai rab

Naadim shayad dekh kar kya yeh mera hi insan hai

Kehta hun main khud ko ‘sahil’ momin to zurur

Phir dil men kyon gumaan mere, yeh kaisa imaan hai

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Khafa hai mujh se zamana  to kya

Nahin aata hai dil ko behlana to kya

Main zaamin nahin hun kisi ki khushi ka

Aaj bhulen hain log muskurana to kya

Hairaan ho kar bola mujhse aayena ik roz

Badla hai tu bande ab hua boorha to kya

Jahan tera hai kaisa, ai khudaya, bata

Jo bhuley maiyyat ko nehlaana to kya

Mehnat mushaqqat muqaddar men mere

Ho qismat men faakhta udaana to kya

Unsiyat ka qaail hai ‘sahil’ zurur

Nahin aata usey dhaak jamana to kya

Zaamin. Guarantor

Maiyyat. Corpse

Faakhta udaana. Fly doves i e live life of comfort etc

Unsiyat. Fraternity

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Saqi se guftagu

Jazeerey ke har su to aab hai

Maikade men saqi sharaab hai

Suna hai logon ko kehte huay

Sharaab men shaamil shayad tezaab hai

Jisey puchho kehta hai be hosh hai

Is raah ka naam hi khaana kharab hai

Chal mere saath tujhe le chalun, saqi

Jahan kauser aur mai e naab hai

Aasan na hoga safar yaqinan

Dena hoga zeest ka jo hisaab hai

Zeest ko karna hoga tark zurur

Muntazir hun bol kya jawaab hai

Kya zindagi bani azaab teri

Bola saqi kya zahn tera kharaab hai

Dunya ki chaah men kotahi kyon

‘Sahil’, bata kya dil tera betaab hai

Arre chhord amaan saqi sab khwaab hai

Zindagi ka nasha bhi saraab hai

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Yeh ehsaas e habs kaisa, qailula ki darkaar kaisi

Neendon ki, khwabon ki, yeh pyaari si pukaar kaisi

Jamayi yeh ab kyon, palken yeh bhaari kaisin

Dar guzar na kar sakun, jaane haalat us paar kaisi

Sahil pe kharey ho phir ujlat tumhen hai kya

Us paar ki chaahat bin kashti o patwaar kaisi

Tamashaayi reton per asaas yeh kaisi kaho

Saabir ho itne kaise, talatum ki intezaar kaisi

Maidan e jung men ‘sahil’ ho yak rukha mizaj

Mustaqil na hon iraade to do dhaara talwaar kaisi

Ehsaas e habs. Feeling of suffocation

Qailula. Siesta. Afternoon nap

Darkaar. Need

Jamayi lena. Yawn

Dar guzar. Overlook pardon

Yak rukha. Single- mindedness

Talatum. Storm

Mustaqil. Firm pukka

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Mohabat na hoti to sanam na hota

Aur sanam na hota to sitam na hota

Gardish na hoti sitaron ki gar

Qismat men shayad darham na hota

Num chashm hotey to yeh na hota

Zameen pyaasi, dil men gham na hota

Gar mehr khuda ki musalsal hoti

To shayad jahan men sitam na hota

Ghafil nahin hai woh maana magar

Kaash, insan itna barham na hota

Yeh hota woh hota jaane kya hota

‘Sahil’, hum hi na hotey to yeh aalam na hota

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Be saakhta aur daanistah kya

Aandhi aur aahistah kya

Soz e dil ko samjhiye

Dard ya phir hai aah kya

Intekhaab ki hi to baat hai

Pagdandiyan or raasta kya

Hayaat hai sab ki apni apni

Ghafil khud se to waasta kya

Kal sub ki baat, mustaqbil kya

Yeh lamha na jiya phir jiya kya

Anjam e zeest se waaqif sab

Phir, lafz yeh hamesha kya

Sukun ki talaash saraab hai, ‘sahil’

Pal pal ki baat, do rozaah kya

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Suni na baat gar dil ki tu ne to nuqsaan tera

Zakhm na bharega koi na hi nuqsaan tera

Rehta hai daanwadol jazba e insan hamesh

Alag teri nazar vaaiz farq hai aasman tera

Mezbaan woh sab ka rab muntazir hai sab ka

Mehmaan to tu khud hai shaikh kaun mehman tera

Gar laghzish e pa per hai aitbaar tera pukhtah

Maanen phir hum mohkam shaair, yeh iman tera

‘Sahil’, be laus ho daaman aur sar jhuka rahey

Phir chhuyega kaun kabhi woh paak girebaan tera

Vaaiz preacher

Laghzish e pa. Trembling feet

Mohkam. Pukhtah. Firm. Pukka

Be laus. Untainted

Daaman. Garment. Skirt

Girebaan. Collar

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

‘Sahil’, bas ghulaam koi aisa ab mil jaaye

To waqt e ikhtetaam sukun se guzar jaaye

Ayena woh dikhlao jo har baat per meri

Qabuliyat men bas sar apna hilaaye

Is daur e peeri men woh har roz mujhe

Asr e Haal nahin, guzre zamane dikhlaye

Sur gham e dil ke khushi men badal jaayen

Bulbul ke naghme koi beetey sunaye

Maathe pe shikan yun saaf ho jaaye

Goya naya ek parcham rukh per lehraye

Hoton pe tabassum ho taaza o mustaqil

Dil bhi kuchh aisa ab mera muskuraye

Ho jaaye mojaza kuchh aisa hi ‘sahil’

To sar mera phir se ik baar jhuk jaaye

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Rab hai, khuda hai ya jahan ka jahangir hai

Tu hi bata Vaaiz, woh amir hai ya faqir hai

Shahenshah woh aasmanon ka zamanon ka

Paasbaan hai woh ya koi aalamgir hai

Kehta nahin hai kuchh bhi dua ke jawaab men

Yeh kha- mashi ka qaail shaair ya dabeer hai

Kahin toor ki tajalli kahin but khaana koi

Koi to dikhlao kahin us ki kya asl tasweer hai

Munfarid hai insan ajab yeh khuda ka banda

Gumggashtah yeh jahan men, khuftah zameer hai

Khaak ka bana hai tu bande zar ka nahin, shukr kar

Manzil bhi teri khaak hai to khaak hi jaagir hai

Aisa to nahin ke qismat sirf insan ki ho

Kisey khabar kaaenaat ki likhi kya taqdeer hai

‘Sahil’ ke khwab aur fuzul khayal us ke dekh, naaseh

In aasaan si baaton ki jaane kya taabeer hai

In kashmakash ki sa’aton men karey bhi woh to kya

Jazbaat ka apne woh bhi to aakhir aseer hai

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Mehr ho Rab ki to jaan hai

Sehr to umeed ka unwaan hai

Haal e dil ki karte ho baat kya

Paasbaan jab dil ka muskaan hai

Na baney gar kaam tabassum se

To Saughaat e zameer o irfaan hai

Keh de qaza se tu bande aaj

Jism kamzor sahi, dil to jawaan hai

Jab tak jaan hai jahan hai dosto

Jazba e zindagi to imtehaan hai

Muqarrar hai sab, faani yeh dunya

Per ajal to, ajnabi, anjaan hai

Rajaiyat se meri raat bhi, ‘sahil’

Na jaane, amooman pareshaan hai

Sehr. Subh

Unwaan. Title

Muskaan. Smile

Tabassum. Smile

Paasbaan. Chowkidaar

Nigahban. Guard

Naaseh. Counselor

Ajal. Maut

Rajaiyat. Optimism

Amooman. Generally. Likely

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com