आजचे दिनविशेष (दिनांक २९ ऑगस्ट २०२१)

#DaySpecial  #दिनविशेष #देशदूत #Deshdoot 

माहेरुन पैसे आणण्याच्या कारणावरुन वारंवार होत असलेल्या सासरच्या छळाला कंटाळून जळगाव शहरातील हरिविठ्ठल नगर येथील दामिनी वैभव वैदकर या विवाहितेने राहत्या घरात गळफास घेत आत्महत्या केली. याप्रकरणी तीन जणांविरोधात गुन्हा दाखल करण्यात आला आहे.

देवपुरातील नकाणे रोडवरील आंबेडकर नगरात काल अत्यंत धक्कादायक आणि संतापजनक घटना घडली आहे. अंड्डयाची भाजी बनवून दिली नसल्याच्या रागातून पतीने पत्नीवर कुर्‍हाडीने प्राणघातक हल्ला केला. त्यात पत्नी गंभीर जखमी झाली असून पोलिसांनी पतीला अटक केली आहे.

पंतप्रधान आवास योजना शहरी अंतर्गत केंद्र सरकारने नंदुरबार लोकसभा मतदार संघातील सर्व नगरपालिका क्षेत्रातील घरकुलांच्या आराखड्याला मंजुरी देण्यात आली आहे. या योजनेंतर्गत नंदुरबार लोकसभा मतदार संघातील सर्व नगरपालिका क्षेत्रात एकुण 2 हजार 91 घरकुलांना मंजूरी देण्यात आली आहे, अशी माहिती खा.डॉ.हीना गावित यांनी प्रसिद्धी पत्रकान्वये दिली.  

आठवड्यातील गुन्हेगारी घटनांचे विश्लेषण

अहमदनगर जिल्ह्यातील ठळक घडामोडी

प्रेमसंबंध असलेल्या महिलेचा खून केल्यानंतर चोपडा येथे आत्महत्या करण्यासाठी गेलेला मारेकरी सुरेश सुकलाल महाजन याला चोपडा शिवारातून एमआयडीसी पोलिसांनी अटक केली. महिलेचे त्याच्यासोबत 21 वर्षांपासून संबंध होते. मात्र,  महिला दुसर्‍या व्यक्तीसोबत संबंध ठेवत असल्याचा राग आल्याने त्याने महिलेचा खून केल्याची कबुली दिली आहे. वंदना पाटील असे मृत महिलेचे नाव आहे.

राज्य परिवहन महामंडळाच्या साक्री आगाराचे चालक कमलेश बेडसे यांनी आज दुपारी राहत्या घरी गळफास घेत आत्महत्या केली. त्यांनी चिठ्ठी लिहुन कमी पगार, तोही  नियमितपणे होत असल्याने आर्थिक संकटातून आत्महत्या करत असल्याचे म्हणत एसटी महामंडळ प्रशासनाला दोषी धरले आहे. 

कोरोनाच्या पार्श्वभूमीवर येत्या सप्टेंबरपासून अमृत आहार योजनेंतर्गत लाभार्थ्यांना ‘घरपोच डबा’ देण्याचे आदेश बाल विकास प्रकल्प अधिकार्‍यांना देण्यात आले आहेत. परंतु या आदेशामुळे अंगणवाडी कर्मचार्‍यांमध्ये संतप्त भावना निर्माण झाल्या असून या नव्या योजनेला विरोध केला जात आहे. एवढेच नव्हे तर बेमुदत संप पुकारण्यात येणार असल्याचे राज्य अंगणवाडी कर्मचारी संघटनेतर्फे सांगण्यात आले आहे.