दैनिक देशदूतचे मॉर्निंग बुलेटीन (दि ०८ ऑगस्ट २०२१)

आजचे दिनविशेष (दिनांक ०८ ऑगस्ट २०२१)

एरंडोल तालुक्यातील जवखेडा येथ नातेवाईकांनी केलेल्या मारहाणीनंतर जिल्हा रुग्णालयात उपचार सुरु असताना बाळू रायसिंग पाटील (वय 72 ) याचा मृत्यू झाला. मारहाणीमुळेच बाळू पाटील यांचा मृत्यू झाल्याचा आरोप मयताच्या नातेवाईकांनी केला आहे. दरम्यान बाळू पाटील यांचा मधुमेहामुळे मृत्यू झाल्याचे प्राथमिक कारण शवविच्छेदनातून समोर आले असल्याची माहिती पोलिसांनी दिली आहे.

कोरोना संभाव्य तिसर्‍या लाटेच्या दृष्टीने आवश्यक ती पुर्व तयारी व कृती आराखडा तयार करावा तसेच त्यासाठी आवश्यक असणारी साधनसामुग्री व वैद्यकीय सेवा उपलब्धतेबाबत कार्यवाही करण्यात यावी. अशी सूचना आयुक्त अजीज शेख यांनी केल्या.

नंदुरबार जिल्हयात आज सायंकाळी पाावणे पाचच्या सुमारास भुकंपाचे सौम्य धक्के जाणवले. अक्राणी तालुक्यातील धनाजी खुर्द, उम्राणी बु, सूर्यपूर, होडीपाडा तसेच तळोदा तालुक्यातील बोरद, खरवड, प्रतापपूर भागात भुकंपाचे धक्के जाणवले. 3.2 रिश्टर स्केलची नोंद करण्यात आली आहे. भुकंपाचा केंद्रबिंदू सरदार सरोवरपासून 56 किलोमीटरवर असल्याची नोंद करण्यात आली आहे.

अहमदनगर जिल्ह्यातील ठळक घडामोडी

आठवड्यातील गुन्हेगारी घटनांचे विश्लेषण

राज्य उत्पादन शुल्काच्या नाशिक विभागीय आयुक्तांच्या पथकाकडून जळगाव तालुक्यातील वावडदा शिवारात सुरु असलेला बनावट मद्यनिर्मितीचा कारखाना उध्वस्त करून सुमारे 2 लाख 60 हजार रूपयांचा मुद्देमाल जप्त करण्यात आला आहे. ही कारवाई गुरूवारी 5 ऑगस्ट रोजी रात्री 10.30 ते 12.30 वाजेच्या दरम्यान करण्यात आली. याप्रकरणी वाचमन संजय रमन देवरे (वय-50) रा. वावडदा याला अटक करण्यात आली असून तीन जणांवर गुन्हा दाखल करण्यात आला आहे.

तालुक्यातील बोरविहिर शिवारातील जंगलात धारदार हत्यारांनी वार करत अनोळखी हिलेची निर्घुण हत्या करण्यात आली. त्यानंतर तिच्याच साडीने महिलेला गळफास लावण्यात आला. आज सकाळी ही खळबळजनक घटना उघडकीस आली. 

होलसेल दरात बांधकाम मटेरीयल पुरविण्याचे आमिष दाखवून शिरपूर येथील बांधकाम व्यावसायिकाला 14 लाख 13 हजार 60 रुपयांत गंडविल्याची घटना घडली. याप्रकरणी नंदुरबारातील एकाविरुद्ध उपनगर पोलीस ठाण्यात गुन्हा दाखल करण्यात आला आहे.