Quatter dunnas ed in quartet maschadà – en l'emissiun preschentain nus las duas furmaziuns pitschnas da chant.

Dezibelles – il quartet da dunnas exista dapi passa 10 onns e sa participescha adina puspè cun grond success a concurrenzas da chant a capella. En l'emissiun udin dad ellas in concert ch'ellas han dà il 2019 a Riom.

Cantuccini – duas dunnas e dus umens che chantan dapi la giuventetgna ensemen. Els derivan tuts quatter da la regiun da Basilea e chantan bunamain tut ils stils da chant. Il 2021 han els edì lur segund album. Or da quel tadlain nus intginas ovras.