Tui figura no mapa dos cafés de especialidade grazas a Maruxa Market. Este establecemento situado no Mercado de San Antonio ofrece precisamente café de especialidade, tanto para toma no lugar, para levar e mesmo para comprar. Coñecemos máis de Maruxa Market e do que significa estar neste mapa con Adri Vila.

Todo un espectáculo deportivo haberá mañá en augas do río Miño coa celebración da 44 Regata Miño Internacional para embarcacións Catro Scull e Oito de remo. A saída será dende Currás e a chegada fronte ás gradas da rúa Olímpicos Tudenses. Falamos desta veterana proba, que este ano da un salto importante ao incorporar ao calendario da federación internacional de remo.

A cita está organizada polo Club Remo do Miño. Falamos co seu presidente Manuel Ángel González.

Diego Giráldez foi o gañador do Premio de Novela Blanco Amor con "As obras póstumas". Hoxe conversamos co escritor porriñés sobre esta obra, que sairá publicada esta primavedra, e tamén sobre "Xulia e as cóxegas das nubes", un conto infantil insipirado na súa filla e que homenaxea a todos os nenos e nenas que nacen antes de tempo.

A celebración de San Solterín e dunha ruta de tapas son algunhas das novidades que para este trimestre meses ten preparado Acitui, Asociación de Comerciantes e industriais Tui.

Hoxe falamos de todas elas con Iván Carral, presidente de ACITUI. Tamén director realizamos o sorteo da Campaña de Nadal, no que Nuria, Carmen e Mari foron as gañadoras da cea valorada en 60 euros en Emma Tapas e Brunch e dous vales de compra, un para cada unha, de 50 euros para empregar nos comercios participantes desta campaña.

Amais o 4 de febreiro retomamos o Espazo Comercio na Radio Municipal de Tui.

A Rondalla O Mosteiro de Pexegueiro será unha das 14 agrupacións que van participar este sábado, dende ás 17 h, no IFEVI na sétima edición do Concurso de Rondallas. Un certame organizado pola Federación de Rondallas da Área Metropolitana de Vigo.

Hoxe falamos con José Manuel Solleiro, membro da rondalla tudense sobre este evento único e especial.

O Claustro da Catedral de Tui acollerá esta fin de semana a X Mostra da Camelia organizada por ATUCA coa colaboración do Concello de Tui. A inauguración será o sábado, ás 12.30 horas.

Hoxe Carmen Salinero, presidenta da Asociación Española da Camelia, José Carlos Montes, Lis Montes, e Fernando Dacosta, presidente, secretario e tesoureiro de ATUCA, respectivamente, deron os detalles desta cita.

Dende a comarca do Baixo Miño sairán autobuses para participar mañá xoves na manifestación que convoca SOS Sanidade Pública en Vigo, ás 19 h. Hoxe ás 20 h remata o prazo de inscrición, que se pode realizar no 986 61 04 65. Dende a Plataforma en Defensa da Sanidade Pública de Tui, Conchi Martínez deu conta no programa Día a Día das reivindicacións desta concentración.

Saber como actuar ante distintas emerxencias sanitarias coma atragantamentos, paradas cardíacas, queimaduras, é o obxectivo das charlas-taller organizadas pola Agrupación de Voluntarios de Protección Civil de Tui para o venres 31 de xaneiro de 16 a 20 h e o sábado 1 de febreiro de 9 a 13 h. Celebraranse no espazo sociocultural da rúa Camilo José Cela. O presidente de Protección Civil de Tui, Juan González, deu todos os detalles.

Onte, 13 de xaneiro, foi o Día Mundial da Loita contra a Depresión. Con este motivo, hoxe contamos coa psicóloga sanitaria de Anarela, Ana Vila, para visibilizar este problema de saúde global que afecta a uns 280 millóns de persoas, romper mitos, coñecer os seus síntomas e como acompañar a unha persoa con depresión.

Este domingo 19, de 9 h a 14 h, impártese en Tui un curso teórico-práctico de poda, organizado por Biophilia Axencia Ambiental. Será nas proximidades da estación de tren, na Avenida da Concordia. Ten un prezo de 35€. A inscrición pode realizarse no correo a [email protected] ou no teléfono 693 56 26 74.

Coñecemos todos os detalles do curso con Lorena Franco, de Biophilia, que avanzou que impartirán un curso similar o 1 de febreiro no Rosal.