O alcalde de Tui, Enrique Cabaleiro, confirmou este mediodía que a veciñanza do edificio afectado polo incendio nunha garaxe na tarde de onte poden volver as súas vivendas, tras comprobar os bombeiros que a calidade do aire é correcta. Indicaba amais que a Policía Científica se despraza a Tui para realizar a inspección da zona afectada. Polo momento non se pode acceder as garaxes.

María del Carmen Mota é veciña de Tui e nai dunha estudante da Cidade Universitaria de Vigo. Solicita que haxa un servizo de autobús, dende o CUVI a Tui, ás 15 h, cando o alumnado sae das clases. Unha situación da que xa dabamos conta no programa Día a Día o pasado 17 de setembro de 2024. Polo de agora, segundo explica a afectada, non recibiron respostas dende a Dirección Xeral Administrativa de Mobilidade.

Mañá é a última cita do Ciclo de Nadal do Cineclub Tui coa proxección de "O neno e o mundo", de Alê Abreu. O visionado será ás 18.30 horas na aula UNED de Tui. A entrada é de balde para socios, 3 euros para público xeral e 2 euros para menores de 12 anos.

Hoxe falamos con Noemí Guisande, do Cineclub Tui que ademais de dar máis detalles sobre este filme, fixo un balance do Ciclo de Nadal e adiantou as novidades de cara a febreiro.

Hoxe, ás 23.59 horas, remata o prazo para inscribirse no IX Trail dos Penedos que organiza a Asociación Xuvenil “Nós Somos Nós” de Salceda. A proba, que se desputará este domingo día 12 a partir das 9.30 horas, terá dous percorridos, un de 15 quilómetros e outro de 25.

É unha iniciativa solidaria en favor da asociación Bicos de papel, que traballa con pacentes de cancro infantil do Hospital Álvaro Cunqueiro. Hoxe deunos todos os detalles a coordinadora desta proba, Arantxa Rodríguez.

A Comunidade de Montes de Camposancos organiza a súa tradicional Paletada-Laconada de San Amaro para o sábado 18 deste mes ás 13.30 h no Hotel O Muíño. Unha cita que se leva celebrando 26 anos, e que xurdiu para enxalzar a tradición de conservar a paleta do porco tras a matanza para o Día de San Amaro, primeira romaría do ano na comarca. Así nolo contou no programa o presidente da Comunidade de Montes de Camposancos, José Fernando Martínez.

“Voces e raíces” é o título da mostra artística que se inaugura este sábado ás 16.30 h no salón de exposicións do Concello do Rosal.

Trátase dunha iniciativa posta en marcha por tres estudantes de Belas Artes da Universidade de Vigo: Yaiza Vila, Sara Cividanes e Nayade Castro. A primeira delas, Yaiza Vila, explicounos no programa Día a Día en que consiste este proxecto.

Cita destacada a desta fin de semana a que teremos no campo Álvarez Durán. O Tyde desputará o partido da xornada 12, contra o Racing Castrelos, que fora aprazado por circunstancias meteorolóxicas. Será ás 12 h.

Aproveitando que este encontro terá lugar na véspera do Día de Reis, o club celebrará o Día do Neno. David Domínguez, presidente, deu os detalles desta xornada.

Este sábado, 4 de xaneiro, ás 18.30 h na Aula da UNED, haberá unha nova cita co Ciclo de Nadal do Cineclub Tui coa proxección de "Big Fish", de Tim Burton.

Ademais, tras o visionado haberá un coloquio sobre o mundo de Tim Burton a cargo de Milena Martínez. Hoxe falamos con ela e con Pablo Romero do Cineclub Tui.

A entrada é de balde para socios, 3 euros para público xeral e 2 euros para menores de 12 anos.

Carlos Pérez Antón, 'Carlos Fonterosa', recibirá hoxe xoves, 2 de xaneiro, ás 18 h, no salón de plenos da casa do concello de Tui a Mención Honorífica Especial do Concello de Tui en recoñecemento a súa traxectoria, cunha dedicación profesional no ámbito comercial, e cunha dilatada participación na vida social da cidade, cun papel destacado no mundo da filatelia.

Carlos Fonterosa indicaba hoxe na nosa sintonía que está emocionado ante este recoñecemento que recibirá hoxe.

Tui celebrará mañá a súa terceira San Silvestre batendo os récord das dúas primeras edicións, xa que son 1879 as persoas inscritas, o que fará que este evento deportivo sexa mañá toda a unha festa do deporte e solidaria. A retirada de dorsais comezará ás 9 h no novo espazo sociocultural da rúa Camilo José Cela. O concelleiro de Deporte, Rafael Estévez, amosaba a súa satisfacción pola participación acadada e facía un chamamento a acudir con antelación.

A III San Silvestre Tudense está organizada conxuntamente polo Concello de Tui e o Club Atletismo Tui, e é solidaria coa Asociación Española contra o Cancro.