33 persoas participaron na novena edición de Pinta Tui o pasado domingo 10 de novembro. José Manuel Díez, de Artes Creativas Efectos, fixo balance desta actividade e valoraba moi positivamente a calidade dos artistas participantes, o bo ambiente e o nivel.

Mañá xoves ás 20 h presentarase na Sala Municipal de Exposicións a tradución ao galego de “Carmen do Cometa” de Francisco Sánchez. O profesor de latín e grego Laureano Alonso realizou a tradución deste poemario ao galego coma xa fixera tamén o ano pasado da principal obra filosófica de Sánchez. Mañá na presentación estará acompañado polo historiador Rafael Sánchez Bargiela. O Concello de Tui organiza este acto coincidindo co 401 aniversario do falecemento o médico e filósofo tudense.

Os próximos días 23, 26 e 27 de decembro o Centro Sociocomunitario de Tui acollerá un obradoiro de Nadal para nenos e nenas de entre 3 e 6 anos. Ana García, pedagoga, é a encargada de impartir esta actividade, e explicou que é preciso reservar praza antes do 13 de decembro.

Hoxe completamos a rolda de conversas tras o pleno extraordinario de outubro coa conversa co alcalde de Tui, Enrique Cabaleiro.

Cáritas é unha das organizacións que están traballando nas poboacións afectadas pola DINA en Valencia. Con 50 Cáritas parroquiais na zona, traballan no territorio a diferentes niveis.

Javier Alonso Docampo é o delegado episcopal de Acción Caritativa e Social, e explicou que o esencial nestes momentos é poder canalizar tantas axudas para que sexan máis efectivas.

"Cinco Lobitos” de Alauda Ruiz de Azúa é a película que proxecta mañá martes o Cine Club Tui.

Lembramos que as sesións serán ás 18.30 h e ás 20.45 h na aula da UNED.

Noemí Guisande do Cine Club Tui falounos de "Cinco lobitos" e das próximas proxeccións previstas até finais de mes.

SOS Tomiño Baixo Miño é unha das entidades vinculadas a FESBAL (Federación Española de Bancos de Alimentos) na comarca. A onda de solidariedade e colaboración da sociedade coas poboacións danadas en Valencia tras a DINA non ten precedentes, e unha das principais doazóns é comida. Esta gran cantidade de produtos desbordou as previsións, e o Banco de Alimentos de Mestalla, en Valencia, pediu non enviar máis..

José Quinteiro, presidente de SOS Tomiño Baixo Miño, deu conta do que é necesario nestes momentos para axudar o máximo posible nas zonas afectadas.

Hoxe continuamos a rolda de conversas sobre o pleno extraordinario do pasado mes de outubro con Nico Montes o voceiro do Partido Popular.

Aceesca (Asociación de Apoio a Persoas con Diversidade Intelectual) e Galiclown, pallasos de hospital, son as dúas organizacións sen ánimo de lucro que van recibir este ano os fondos que se recauden na Gala Benéfica organizada por Protección Civil de Tui. Esta cita solidaria vai celebrarse o sábado 16 de novembro no Teatro Municipal de Tui ás 20 h. Coñecemos os detalles con Juan González e Ismael González, de Protección Civil; Javier Argüelles, de Galiclown; e Ángeles Leiros, de Aceesca.

Continuamos dando conta do traballo que están realizando os voluntarios de Protección Civil de Tui en Alfafar, unha das poboacións máis afectadas tras a DINA en Valencia.

Óscar Rovira, un destes voluntarios, explicábanos que hoxe están baleirando e limpando un colexio, e destacaba o importante alivio que supón a maquinaria en todas estas labores.