O Cineclub Tui programou a proxección de catro películas este verán no Espazo Sociocultural nunha única sesión ás 21.45 h e mantendo o prezo de 2€ para persoas socias e menores de 18 anos e 4,5€ para o público en xeral.

A primeira cita será mañá martes, 14 de xullo, con "Vitus" de Fredi M. Murer. O martes 28 proxectarán "Historias del buen valle" de José Luis Guerín, o martes 11 de agosto "Nausiaä do Val do Vento" de Hayao Miyazaki, e por último o martes 25 de agosto "Calle Málaga" de Maryam Touzani.

Así nolo contou Noemí Guisande do Cineclub Tui.

Dobre estrea a que teremos este xoves na praza da Inmaculada abrindo o IKFEM, Festival Tui-Valença 2026. Será a estrea de “Valiosa” , o novo disco de artista galega Wöyza, e tamén da formación musical que estará sobre o escenario formada. Un concerto especial, tal e coma explicaba Wöyza, que comezará ás 22.30 h na praza da Inmaculada, no que como artista convidada estará Emmy Curl. A entrada será gratuíta.

Así se abren cinco días do IKFEM Festival Tui-Valença.

Co verán chegan tamén as receitas frescas e sinxelas. Hoxe en Raíces e vangarda, o chef Judicael Romero deu diferentes ideas, receitas e consellos para levar a práctica con augas saborizadas, xeados e carpaccio de sandía con queso feta.

Do xoves 16 ao domingo 19 de xullo vaise celebrar na Eurocidade Tui-Valença o XIV IKFEM, Festival Tui-Valença. A música tenderá pontes e a vella Ponte Internacional será o escenario especial no que a artesanía e os concertos se sucederán ao longo do sáado 18.

Coñecemos o programa do festival coa súa directora, Andrea González.

Claudio Giráldez, adestrador do RC Celta; Jonatan Giráldez, técnico do OL Lyonnes; e Borja Fernández, adestrador do CD Lugo partcipan esta tarde no Espazo Sociocultural de Tui na Xornada de Actualización e Reciclaxe para Adestradores de Fútbol. Trátase dunha iniciativa impulsada polo Comité Galego de Adestradores, e que se suma á celebración do centenario do Tyde. Anticípase o inicio ás 16 h debido ao partido de España, xa que rematará ás 21 h.

Así nolo contaron hoxe David Domínguez e Lis Montes, do Tyde F.C.

Hoxe e o domingo chega a Tui o proxecto Fortalezas da Fronteira con dúas propostas arredor da paisaxe fortificada da raia.

Así esta tarde, ás 20:30 horas, haberá unha Barferencia en Al Dente, no Mercado de San Antonio de Tui. Participarán Rebeca Blanco-Rotea, arqueóloga e investigadora no Lab2PT da Universidade do Minho, e Tiago Rodrigues, arquitecto da Universidade da Beira Interior.

Xa o domingo ás 10 h sairá do Palco da Musica, na Corredoira a “Visita aos sistemas fortificados de Tui”. Para participar é precisoi nscribirse en rutasdehistoria.com.

Esta fin de semana celébrase o Vigo SeaFest que ofrece catro días de gastronomía, música, deporte e cultura nos xardíns Montero Ríos de Vigo. Coñecemos a programación desta sétima edición con Javier Touza, presidente de ARVI, organizadores do evento.

Teatro, cinema, unha andaina, actividades infantís e proposta gastronómica centran dende hoxe e até o domingo a Semana Cultural organizada pola Asociación Cultural Santa Columba de Ribadelouro. Hoxe terán tamén no exterior da casa cultural pantalla para ver o partido de España. Así nolo contaron Mar Rodríguez e Aurelia Martínez da Asociación Cultural Santa Columba.

O arqueólogo do CSIC Brais Currás impartirá hoxe xoves unha nova BARferencia do proxecto Fortalezas de Fronteira. Será "A minería de ouro romana no Baixo Miño”. Será ás 20 h na Social de Estás, en Tomiño, con entrada libre.

Hoxe no programa Día a Día profundou neste tema, explicando que é un momento da Historia que non se coñece demasiado pero é clave na nosa contorna.

A empresa tudense Altitude organiza unha actividade para o 12 de agosto co gallo do eclipse solar e coincidindo amais coa noite das Perseidas. Hoxe Claudia Montes deunos todos os detalles destas citas, e tamén nos achegou recomendacións para contemplar o eclipse.