Este luns comezou o Campus de fútbol sala "Toñin Martín". Coñecemos como están a ser estes primeiros días con Xacobe Morais de A Quinta de Tui. Amais. Amais hoxe no campus recibiron a visita Pablo García Lago 'Pachu', xogador de fútbol sala que este ano debutou coa Selección España e que vén de fichar polo Pozo Murcia. Con el falamos tamén da súa carreira deportiva.

A parroquia tudense de Pesegueiro celebra mañá venres e o sábado festas na honra á Virxe do Carmen. Mañá terán lugar porco ao espeto, pantalla para ver o partido de España no Mundial e verbena con Miramar e Los Lunes al Sol. O sábado amais da misa solemne acompañada pola Banda de Música Popular de Tui á noite Trebol e Iris amenizarán a verbena.

Así nolo contaron hoxe José Santos e Julio López, da Comisión de Festas. Avanzaron amais a festa de Santa Ana que van celebrar o 26 deste mes, e o Rastrexo que teñen previsto para o 22 de agosto.

Mil racións de polbo agardan servir esta fin de semana en Baldráns na XXXIII Festa do Polbo á Feira que forma parte da programación das festas do Santo Cristo da Agonía. O obxectivo é superar o número de racións servidas en anos anteriores tal e coma hoxe nos explicaban Adrián Pérez e Manuel Lorenzo, membros da comisión de festas.

Unha fin de semana de festa na que haberá verbenas amenizadas por Trío Salero e Amanay, o sábado; por Trío 3.com e o Orquestra Saudade o domingo, e por Magos e Trébol o luns. Non faltarán os actos relixiosos con misa solemne o domingo ás 12 h con procesión acompañada pola Banda de Música Popular de Tui, e o luns pola charanga A Tu Ritmo. En ambos casos o coro interparroquial cantará a misa.

O Espazo Xove de Tui acolle este venres e o próximo venres 17 un obradoiro de esgrima antiga. Impartirase en horario de 11 a 13.30 h dirixido a mocidade de 12 a 30 anos.

Damián Troncoso, o encargado de impartir este obradoiro, explicaba que vai consistir nun achegamento a esta arte marcial.

Unha iluminación moi respectuosa e moi emocional, así define Manuel Martínez Carazo, arquitecto e redactor do proxecto, a nova iluminación da Catedral de Tui. O obxectivo, tal e coma explicou na Radio Municipal, era por en valor o templo tamén durante a noite, cunha iluminación que acompañara ao edificio e que conleva amais un aforro do 50%. O templo catedralicio ilúminase de novo cada noite coma faro sobre o outeiro de pedra de Tui.

Éxito dos padexeiros e padexeiras do Club Kaiak Tudense no Campionato do Mundo Junior e Sub 23 en Canadá. Onde todos estiveron na Final A e lograron 3 medallas de bronce. Todos eles están agora concentrados de cara ao Campionato de Europa. Asín nolo contou hoxe o presidente do club, Manuel Pedrares.

Por outra parte referiuse ao Descenso Popular que se vai celebrar o sábado 15 de agosto e ao Descenso Internacional do Miño que terá lugar o sábado 22 de agosto. A inscrición para o Popular está xa aberta e vai a bo ritmo.

Concepto By Persa Cociñas ofrece sabiduría, experiencia familiar e bo facer no mundo das cociñas. Todo dende e para Tui.

Pepe Míguez, de Concepto By Persa, deu conta hoxe de novidades, tendencias e produtos en oferta no Espazo Comercio, en colaboración con ACITUI.

Últimas prazas para participar na baixada en piragua na festa de verán que se celebra na ribeira de Caldelas o próximo sábado 18 de xullo. A Asociación A Insua organiza esta actividade, que como novidade este ano incorpora o entroido de verán. Haberá música e gastronomía.

A inscrición pode realizarse no teléfono 680 28 02 28. Deu os detalles hoxe José Álvarez, da Insua de Caldelas.

Hoxe na sección Raíces e vangarda o chef Judicael Romero trae tres receitas de "mojito" cubano: orixinal, sen alcohol e con sandía e picante.

Ademais, coñecemos o que significa "umami".

Tras o éxito de edicións anteriores mañá comeza un novo cilco "Coñece o noso patrimonio" organiza polo Instituto de Estudos Tudenses coa colaboración do Concello de Tui.

Serán sete propostas a celebrar os martes do mes de xullo e tres martes do mes de agosto. A primeira, á intervención arqueolóxica, da praza do Pracer terá lugar mañá martes.

Rafael Sánchez Bargiela, do Instituto de Estudos Tudenses, deu conta na Radio Municipal desta programación.