Todas as situacións que se viven nun taxi ao longo dunha xornada de traballo é a premisa da obra "Taxi", que estrea hoxe o grupo Aloia de Pazos de Reis ás 21 h se estrea no Teatro Municipal de Tui dentro da XVI Semana de Teatro Amador.

Sobre o escenario estarán Román Bugarín, Miguel Enríquez, Samuel Otero, Eva Pazo, Marta Pazo, Miguel Angel Pazo, Estela Rey e Merchi Rodríguez. Bego Bras é a directora da obra.

Hoxe conversamos con ela e con Román Bugarín.

As entradas están á venda en tui.gal até ás 18 h, e dende as 20 h poden adquirirse no despacho de billetes ao prezo de 2€.

Este domingo, día 12, ás 12.30 horas terá lugar o desfile exaltación do traxe tradicional, dentro da programación das Festas de San Telmo. Será dende a Glorieta de Vigo ata a praza de San Fernando.

Pilar Pazo e Rosana Martínez, da Asociación do Traxe de Tui, explicaba que o desfile ten carácter solidario coa Asociación San Vicente de Paul.

Tamén avanzaron que estarán presentes no partido do Tyde deste sábado no Álvarez Durán a partir das 18.45 h. Será contra o C.D. Choco.

Unha viaxe até o ano 2050 é a que propón o grupo de teatro A Insua de Caldelas na obra "Erro 404" que hoxe ás 21 h se estrea no Teatro Municipal de Tui dentro da XVI Semana de Teatro Amador.

Sobre o escenario estarán Ana Pena, Alberto Raúl Santa María, Consuelo Besada, Gabriel López, Josefa Carrera, María del Mar Alonso, Marisa Villaverde, Rosa María González, Sofía Pimentel, Susana Lorenzo e Vanesa Villar. Sofía González Durán é a autora e directora de "Error 404" con ela falamos esta mañá.

As entradas están á venda en tui.gal até ás 18 h, e dende as 20 h poden adquirirse no despacho de billetes ao prezo de 2€.

Que é o Nomenclator de Galicia? Cales son os principais cambios na nosa zona que veñen de ser aprobados amais de Pesegueiro e Caldelas de Miño?

A estas preguntas deu resposta hoxe na nosa sintonía Cristian Lago, guía intérprete do Patrimonio que quincenalmente conduce "Descubrindo o noso patrimonio", onde en moitas ocasións nos fala xa da toponimia.

Posteriormente a esta conversa, Cristian Lago recibiu a confirmación da RAG de que no cambio de "A Magdalena" hai un erro tipográfico, e a nomenclatura é "A Madanela".

Dende este sábado e até o luns 13 celébrase en San Bartolomeu a Concentración Cabalar de San Telmo. Tres días de actividades, entre as que se atopa a segunda edición da ruta cabalar, bautismo hípico, concurso de saltos ou exhibicións de Miron Bococi.

Deron hoxe os detalles Marcos González, de Hípica Marcos, e Paula López, de Equigalia.

50 comercios de Tui participaron na campaña do Día do Pai organizada por ACITUI. En total entregáronse 1644 participacións, e hoxe coñecimos no programa Día a Día quen son as 5 persoas que se levan os vales de 30 euros para invertir nos comercios adheridos á campaña.

Lucía Nogueira, vicepresidenta de ACITUI, fixo hoxe balance positivo desta campaña.

Hoxe comeza a XVI Semana de Teatro Amador no Teatro Municipal de Tui dentro das festas de San Telmo co grupo de teatro San Fins que estreará "Ultramarinos Norte".

Unha obra escrita e dirixida por Laura Villaverde e interpetada por Amparo, Concepción, Carmela, Concepción, Concha, Florindo, José, Paquiño, Álvaro, Helen, Tatiana e Katia.

Con Tatiana Pérez e Katia Rocha coñecemos todos os detalles desta estrea.

As entradas están á venda até ás 18 h en tui.gal e dende ás 20 h no despacho de billetes ao prezo de 2€.

"Una honda historia de los Beatles" é o novo libro de Francisco Castro publicado pola editorial Almuzara.

Hoxe na Radio Municipal de Tui deunos conta desa historia menos coñecida da banda de Liverpool, presentándonos esta nova obra.

O 21 e 22 de agosto celébrase o VI Rocha Folk en Caldelas. Hoxe coñecemos algúns detalles da edición deste ano e o cartel, deseño de Andrea Costa.

Converamos con Vicky Méndez e José Álvarez, da Asociación a Insua de Caldelas, e coa artista Andrea Costa.

Hoxe na sección gastronómica "Raíces e vangarda" cociñamos pementos de padrón en tempura con requeixo, unha receita do chef Judicael Romero.