Día a Día

Día a Día

By Radio Municipal de TuiNewsEntertainment News
Download on the App Store

Día a Día episodes

  • Ent. Iria Leirós, de Diversidades Acolle | Programa A túa casa connosco
    Atopar vivenda en aluguer é un dos problemas da sociedade actual. No caso das persoas migrantes, este problema é máis grande debido ao pouco tempo traballado, prexuízos, estigma…
    Por outra banda, as persoas maiores que viven soas sen desexalo cada vez son máis na nosa contorna.
    Unindo estas dúas situacións, a asociación Diversidades Acolle impulsa o proxecto “A túa casa connosco”. Iria Leirós, da asociación, explicou de que se trata esta iniciativa.
    10 min
  • Ent. Iñigo de la Quadra Salcedo, Elia e Mario | Ruta Quetzal 2026
    Tui é un dos lugares onde para a Ruta Quetzal deste ano 2026. A cidade é parada obrigada tendo en conta o tema deste ano "Tras las huellas de Urraca la Temeraria" tal e coma explicaba Iñigo de la Quadra Salcedo, organizador desta experiencia.
    200 mozos e mozas de toda España, con mellores expedientes académicos, aptitudes en deportes, música e idiomas., están a participar na Ruta. Entre eles está a tudense Elia e o granadino Mario, que hoxe nos contaron como está a ser a experiencia.
    11 min
  • Ent. Paula López, de Equigalia | Concurso Nacional de Saltos
    O Club Hípico Equigalia acolle esta fin de semana o Concurso Nacional de Saltos con 150 saídas a pista.
    Tres días de probas pequenas e grandes, jump & run, o Gran Premio Trofeo Concello de Tui, gastronomía e actividades de auga para os máis pequenos e pequenas da casa.
    Paula López, de Equigalia, deu hoxe todos os detalles.
    8 min
  • Ent. Conchi Sales, Fernando Carnero, Luís Prego e Xisco Feijoó | VI Festival da Cultura Tradicional e Folk
    Esta fin de semana celébrase en Tui o VI Festival da Cultura Tradicional e Folk. Este venres 3 dará comezo coa apertura da exposición “Abrindo as huchas da bisbarra de Tui” no Espazo Sociocultural da rúa Camilo José Cela, ás 20 h, con posterior concerto de Luís Prego. O sábado na praza de San Fernando terá lugar o XI Certame de Gaita e Tamboril, e concerto 'Xisco sinfónico' e o domingo ás 20 h celebrarase na Corredoira o XI Día da Muiñera.
    Así nolo contaron Conchi Sales e Fernando Carnero da Asociación Cultural San Telmo; Luís Prego e Xisco Feijoó.
    16 min
  • Espazo comercio | Campaña verán
    ACITUI presentou hoxe na nosa sintonía a súa nova campaña baixo o nome “Mergúllate no noso comercio”.
    Pepe Míguez, o presidente da asociación, explicou que a campaña comeza hoxe martes e se prolongará até o día 16 de xullo.
    4 min
  • Ent. Sonsoles Vicente, concelleira de Cultura | Programación Cultural do verán Tui 2026
    Música, cultura tradicional, cinema e gastronomía centran a programación cultural para o verán organizada polo Concello de Tui, que comezará esta fin de semana co VI Festival da Cultura Tradicional e Folk e con cinema no conxunto histórico de Tui.
    A concelleira de Cultura, Sonsoles Vicente, deu conta da programación que vai ter lugar durante os meses de verán no municipio.
    12 min

About Día a Día

From the publisher's feed

Revista radiofónica da Radio Municipal de Tui conducida por Andrea Carrera e Chimo Cabreira. De luns a venres de 10 a 12.30 h recolle a actualidade local e comarcal, información, entretemento,…