Día a Día

Un membro da policía Local de Tui vén de dar positivo por COVID 19. Así o confirmaba o concelleiro de Seguridade, José Ramón Magán.

O Servizo de Prevención do Concello de Tui está avaliar as medidas que se aplicarán ao resto resto da plantilla da Policía Local. Para os outros axentes e para o persoal que estivo en contacto con este policía local lle serán solicitados os test, ao tempo que se procedeu a desinfectar as instalacións e vehículos da Policía Local.

As instalacións do Seminario Maior de Vigo da Diocese Tui-Vigo convértense no domicilio de corentena para as persoas sen fogar que están contaxiadas polo coronavirus. Una acción natural e nada extraordinaria en palabras do bispo Luis Quinteiro Fiuza quen salientaba na nosa sintonía, a boa resposta do conxunto da Igrexa, neste tempo de crise e lanzaba unha mensaxe de esperanza.

O alcalde de Tui, Enrique Cabaleiro, amosábase hoxe optimista ante a actual situación tendo en conta as cifras que se están a rexistrar tanto a nivel local coma estatal. Salientaba a importancia de seguir cumprindo co confinamento.

O Concello de Tui está a traballar en moi diversos ámbitos nesta situación de estado de alarma na que nos atopamos. Os Servizos Sociais son un prioridade para prestar atención a todas aquelas persoas que neste momentos poidan precisar de axuda, e continúa tamén o traballo administrativo con case normalidade, ao igual que o labor doutros departamentos.

Amais estánse a artellar iniciativas por exemplo para celebrar as Festas de San Telmo aínda que sexa dende a casa, e os máis pequenos serán hoxe os protagonistas aos que irán tamén destinados os aplausos das 20 h pola súa responsabilidade e bo comportamento. Así o solicita nun bando emitido onte o alcalde de Tui, Enrique Cabaleiro, quen tamén solicita que o ratonciño Pérez poida continuar o seu traballo estes días cando a un neno ou nena lle cae un dente.

O Concello da Guarda lanza hoxe a Campaña de acompañamento afectivo a distancia para localizar e axudar aos colectivos en situación de risco, debido a actual crise sanitaria. Mentres, continúa o reparto de EPI's para os traballadores e as persoas máis vulnerables. Disto falamos hoxe con Antonio Lomba, alcalde da Guarda.

O Concello de Tomiño aprobou onte unha partida de axudas para emerxencia social destinada a 5 familias do municipio con menos recursos. Ademais, procederase a desinfectar con ozono os vehículos das forzas de seguridade. Novidades que explicaba Sandra González, alcaldesa de Tomiño quen animou a participar no Festival #NaSantaCasiña que organiza a OMIX esta fin de semana.

O grupo valenciano 6Tas9 gravou estes días un dos temas do seu novo repertorio a modo de homenaxe que quixeron facer a todas as persoas que estes días están na casa. Cada integrante do grupo gravou a súa parte nun vídeo na casa, e logo fixeron a montaxe. Así nolo contou hoxe Joao Paulo.

O Concello de Salceda continúa adoptando medidas económicas para paliar as consecuencias desta crise sanitaria amais de prestar asesoramento aos autónomos e as pequenas empresas da vila. Así o explicou Loli Castiñeira, a alcaldesa de Salceda lembrando a importancia de respectar as medidas de hixiene.

O Concello do Rosal coa colaboración da psicóloga Andrea Iglesias lanzou unha serie de recomendacións para que a vecilance afronte outra semana máis de confinamento. Así o detallou a alcaldesa, Ánxela Fernández amais doutra información de interese para os veciños e veciñas do municipio.

O Concello de Oia pon en marcha o servizo de apoio psicolóxico para a veciñanza, contactando no 986 362 125. Ademais, continua activo o servizo de entrega a domicilio para as compras locais. Nolo explica Cristina Correa, a alcaldesa de Oia.

Dende o Concello de Tomiño están a traballar con ACUBAM para a posta en valor do viveirismo unha vez remate o estado de alarma, e segue a contactar con distintas administración para explicar a difícil situación que atravesa o sector.

Por outra parte a OMIX e o voluntariado local elaboraron un vídeo titulado “A primavera non pasa” animando á mocidade nesta época de corentana. A alcaldesa, Sandra González, amosaba o seu agradecemento por esta iniciativa, e polo comportamiento de nenos e mocidade.