Día a Día

Hoxe completamos a rolda de conversas cos representantes dos grupos políticos da corporación municipal de Tui, con Carmen Núñez. Con ela falamos da situación en Tui, dende o punto político, cos labores que está a realizar o Concello, pero tamén coma médica de cómo está a ser o seu traballo no Centro de Saúde de Tomiño.

Hoxe falamos tamén co deputado autonómico, Moisés Rodríguez, que forma parte da comisión permanente do Parlamento Galego. Explicaba cómo está a vivir esta situación, indicaba que este é un tempo das persoas. Tamén indicaba que se puxo a dispor do alcalde de Tui dende o comezo da crise.

A alcaldesa de Oia, Cristina Correa lembraba que a veciñanza pode solicitar o servizo de entrega a domicilio de pedidos de alimentación nos comercios locais, e que o concello reparte de balde. Ademais, as familias que estean en situación de dificultade económica ou necesitan apoio psicolóxico poden solicitar axuda ao Concello no 986 36 21 25.

A situación do sector do viveirismo e a planta ornamental de Tomiño atravesa un momento delicado xa que o 70% do seu negocio ten lugar nestes tres meses. Así o explicaba hoxe a alcaldesa de Tomiño, quen avanzaba varias iniciativas que trasladarán tamén a otras administración, xa que hai en xogo moitos postos de traballo neste sector.

Lembraba tamén a sección “En Familia” que onte puxeron en marcha na web tomino.gal con recursos educativos para este periodo de confinamento.

O xogo "Dende a miña ventá" posto en marcha polo Concello do Rosal consiste en tomar unha foto dende as fiestras e enviala ao correo [email protected]. O obxectivo é adiviñar a qué zona pertence. Unha iniciativa que explicaba a alcaldesa, Ánxela Fernádez, e que ten coma fin de entreter a veciñanza nesta corentena.

Os Servizos Sociais municipais están dando resposta as cuestións que van xurdindo día a día, dende un dos eido prioritarios, por este motivo en breve será contratada unha terceira traballadora social. Por outra parte paralizáronse as obras civís que se estaban a acometer, entre elas a humanización do barrio da Torre en Paramos co proxecto Deporemse. Mentres continúan as xestións administrativas na modalidade teletraballo. Así o explicaba o alcalde, Enrique Cabaleiro.

Son varias as actividades que propón o Concello da Guarda baixo o título "Participa compartindo" para facer máis levadeiro o estado de confinamento domiciliario. O alcalde da Guarda, Antonio Lomba daba conta dos mesmos así como dalgunhas medidas do Concello para paliar os efectos económicos dos autónomos e pequenos empresarios.

Hoxe coñecemos coma se está a vivir este Estado de Alarma polo Coronavirus no Condado e a Paradanta. Para iso falamos con Carlos Ojea, director de Radio Nove.

O presidente da Cámara de Valença, Manuel Lopes, quería hoxe enviar unha mensaxe positiva á poboacion

Informaba amais que será o próximo martes cando comece a funcionar o Drive Thru en Valença, o centro para a realización dos test do COVID 19 dende o coche, na antiga alfándega.

Tomiño presenta "En Familia" unha nova sección na web municipal con propostas para as familias nesta situación de confinamento, para cativos de 6 anos, e para rapazada de 6 a 13 anos. É unha das novidades que avanzaba hoxe a alcaldesa, Sandra González. Tamén explicou que onte, en videoconferencia co presidente da Cámara de Cerveira, abordaron a situación dos traballadores transfronteirizos. E lembrou que están suspendidos os prazaos de solicitude de praza nas Escolas Infantís.