Día a Día

Todo continúa tranquilo en Oia. A alcaldesa, Cristina Correa solicitaba hoxe na nosa sintonía que á veciñanza non se desprace aos cemiterios mentres dure o estado de alerta sanitaria. Tamén lembrou que o servizo de recollida de voluminosos continúa suspendido.

Na empresa tudense Utingal están a realizar dende este luns producindo protección faciais de acetato que están a entregar en distintos centros sanitarios. Así o explicaba o seu xerente, Jesús González.

En concreto elaboraron un novo deseño co que os sanitarios poden levar as súas gafas de protección e por riba este novo sistema.

Cada día conseguen fabricar entre 50 e 60 protección.

Unha marea de solidariedade vive Salceda neste tempo de crise sanitaria. Máis de 500 mascarillas realizadas por un grupo de mulleres ou a doazón económica do xogador do Celta, Denis Suárez son algúnhas das mostras de apoio que recibe o municipio. Unha axuda que agradecía na nosa sintonía, a alcaldesa, Loli Castiñeira.

Moita tranquilidade rexístrase no Rosal onde o Concello continúa mantendo o traballo presencial dos servizos mínimos, entre eles os Servizos Sociais, o servizo de limpeza que está levando a cabo a desinfección de edificios públicos e das rúas do municipio. Tamén segue activo o servizo de recollida de lixo con moita máis carga de traballo, debido ao confinamento domiciliario. Explicábao a alcaldesa, Ánxela Fernández.

Respecto ao confinamento minimizando as saídas para ir facer a compra, é a tónica dominante no municipio de Tomiño ao igual que na comarca. Así o explicaba a alcaldesa, Sandra González. Noutra orde de cousas referiuse tamén ao pasamento de Xosé Luís Franco Grande, fillo predilecto de Tomiño.

O Concello da Guarda fai un chamamento a non depositar voluminosos na rúa e deixar o lixo sempre dentro dos contedores. Logo da campaña realizada en redes sociais, hoxe darán conta desta solicitude a través dun sistema de megafonía.

Por outra parte explicaba o rexedor guardés que está cubertos en canto a material de protección, e continúan coordinando aos traballadores e voluntarios para facer fronte a esta situación. Tamén destacaba o alcalde a colaboración de Cruz Vermella, Conrazones e San Vicente de Paúl.

A BRILAT encargarse dende mañá da vixilancia de vella Ponte Internacional Tui-Valença pechada estes días tanto ao trásito peonil coma de vehículos. Estarán aloxados no Centro Interfederado. Así o informaba hoxe o alcalde de Tui, Enrique Cabaleiro.

Tamén daba conta de que o Concello de Tui habilitou nun albergue privado prazas para transeúntes.

Grazas a tecnoloxía, o adestramento caseiro é máis doado e a improvisación, a mellor alternativa neste tempo de confinamento domiciliario. Nolo explicaba o triatleta tudense, Gustavo Rodríguez que realiza varios exercicios de forza para manter un bo rendemento físico durante a corentena.

Con tranquilidade continua a situación en Valença onde polo momento non teñen rexistrado máis positivos por Coronavirus, segundo explicaba o presidente da Cámara, Manuel Lopes. Situación que contrasta coa situación que se vive noutros puntos do norte de Portugal con moitos casos rexistrados.

Nos próximos días en Valença comezará a funcionar o Drive Thru, o centro de realización de test do COVID 19 dende o propio coche.

Na Guarda a medida que pasan os días, aumenta a experiencia na xestión desta crise e todo está maís coordinado. Así o expliacba o alcalde, Antonio Lomba. Incidía o rexedor en que dende o Concello está a dispor daquelas persoas que nestes momentos poidan precisar axuda.

Onte na Comisión de Seguimento informaron que porán a dispor dos traballadores un servizo de axuda psicolóxica. E na praza de abastos hai un servizo de encarga e recollida da compra.