Mareas de Coñecemento é un proxecto de formación para maiores de 55 anos, que chegará a Tui entre o 23 de setembro e o 1 de outubro

Hoxe coñecemos con detalle o traballo que están a desenvolver as técnicas do Plan Integrado de Emprego en Tui do que se están a beneficiar un centenar de persoas. Falamos coas técnicas Pilar Lago, Rosa Molinos, Ivonne Alves e Ana Concheiro.

Gustavo Rodríguez proclamouse esta fin de semana, xunto a Héctor Catalá, campion do Mundo de Paratrialtón en Lausana, Suiza. Conseguiron a praza para paticipar nos Xogos Olímpicos de Tokio 2020.

Prosegue a Semana Cultural organizada pola Asociación Cultural Xuntanza. Hoxe a partir das 21.30h actuará o mago Samu e logo o grupo folclórico Xuntanza. Pero as propostas continúan até o venres coma hoxe nos explicaron Lara González e Bibi Vila.

Continúa en augas do río Miño o operativo de busca do deportista de 24 anos desaparecido onte mentres participaba na proba de natación no Triatlón da Amizade. O mozo deu aviso de que tiña algún problema pero as embarcacións de apoio non chegaron a tempo para rescatalo. O comandante Naval do Miño, Juan Diaz, explicaba esta mañá os feitos e o operativo de busca na nosa sintonía.

Ás 7.30h retomouse o operativo de busca coordinado pola Comandancia Naval e a Capitanía de Caminha no que participan máis de 50 persoas.

Dende esta tarde e até o domingo a última hora da noite Tui regresa á época medieval da man do festival Arraianos. Mercado Medieval, animación, espectáculos, visitas teatralizadas, xogos,... forman parte do programa previsto. Deunos todos os datos Andrea Costa, directora do Festival.

Cunha andaina comeza hoxe a programación do Setembro Cultural de Guillarei, que mañá celebra o VI Festival de Bandas de Gaitas e o domingo o IV Festival Folclórico. A programación continuará até o domingo 8 de setembro.

A actualidade deste xoves, 29 de agosto de 2019, en Noticias 13.30 h

A Eurocidade Tomiño-Cerveira celebra esta fin de semana o festival infantil "Aventura na terra da Amizade" que se vai celebrar este sábado. Do mesmo falounos Mª Aurora Amorím, vereadora de Cerveira. A cita será no Parque do Castelinho en Cerveira e na praza do Seixo en Tomiño.

Esta fin de semana celébrase na freguesía de Gondomil en Valença a festa gastronómica do Anho no forno. Unha cita na que sepoderá degustar o año no forno, con arroz pingado, en alguidar, confecionado nos fornos a leña coma antigamente tanto o sábado coma o domingo.