Día a Día

Os veciños e veciñas de Tomiño que se encontren nalgunha situación de vulnerabilidade ou risco debido a crise do coronarivus, pode solicitar axuda ao Concello no 986 62 32 11. Mentres, a BRILAT presta servizo ao municipio controlando o peche de fronteiras entre Tomiño e Vila Nova de Cerveira. Información que destacou a alcaldesa, Sandra González.

O Concello do Rosal presta axuda ás persoas que se atopan nalgunha situación de vulnerabilidade ou risco, como consecuencia do estado de alerta sanitaria, no teléfono 986 62 50 00. Así o lembrou a alcadesa, Ánxela Fernández na nosa sintonía. Indicou tamén que as taxas e os impostos municipais están suspendidos até o remate do estado de alarma no país.

O Concello de Tui vai contratar unha terceira traballadora social. O alcalde de Tui, Enrique Cabaleiro, así o anunciaba esta mañá ao tempo que lembrar que aquelas persoas que estean a pasar por unha situación difícil poden contactar cos Servizos Sociais. Facía un chamamento á cidadanía a depositar o lixo dentro dos contedores, e tamén a facer un uso responsable da internet nas mañás cando hai moitas persoas en teletraballo os alumnado seguindo as tarefas escolares.

O confinamento nas casas lévase mellor entre balcóns. Por iso, os veciños e veciñas tudenses das rúas Maristas, Foxo e Plaza de Galicia organizan quedadas nos balcóns para bailar, cantar e aplaudir para apoiar e sobrelevar esta época de crise sanitaria.

En Salceda explicaba a alcaldesa, Loli Castiñeira, as medidas adoptadas no Concello tras o novo decreto do goberno.

Por outra parte indicaba Loli Castiñeira que a veciñanza, salvo excepcións, está a cumprir coas medidas de confinamento.

Sen novidades no concello de Oia nos últimos días. Dende hoxe forestais e persoal de medio ambiente comezarán a vixiar os camiños do municipios segundo explicaba a alcaldesa Cristina Correa.

En Oia na casa do concello continúa o persoal de servizos sociais e a propia alcaldesa, e nas rúas proseguen os labores de desinfección.

No Concello do Rosal as novas medidas implantadas polo goberno central só queda no concello de xeito presencial o ámbito de servizos sociais e o resto de persoal realizará teletraballo. Aqueles outros departamentos que non sexan esenciais e non poidan traballar pararán dende hoxe.

Esta mañá reuniuse no Concello da Guarda a Comisión de Seguimento do COVID 19 para valorar as medidas tomadas e as que se van tomar. Tamén analizarán as implicación no Concello do novo decreto publicado onte no BOE. Normalidade tamén na Guarda durante a fin de semana, e continúan as tarefas de coordinación dos distitnos dispositivos postos en marcha e tamén da elaboración de material de protección.

Tranquilidade no Centro de Saúde de Tui nas últimas xornadas. Así o destacaba hoxe o doutor Santiago Pose.

Quixo tranquilizar o doutor Pose á poboación e incidiu en que o centro de saúde continua o seu traballo, está a realizar un seguimento dos positivos rexistrados dende atención primaria, e seguen a atender as urxencias que se presentan. Lembraba que no acceso ao centro de saúde estableceron un sistema de triaxe.

Co mínimo persoal imprescindible funciona dende hoxe o Concello de Tomiño co novo decreto publicado onte polo goberno.

En canto á situación sanitaria continua con normalidade con algúns casos en vixilancia nos domicilios.

Situación sen incidencias en Tomiño durante a fin de semana, cun comportanto exemplar da veciñanza que destacaba a alcaldesa, Sandra González.