A concelleira de Urbanismo, Yolanda Rodríguez, lanzaba esta mañá unha mensaxe de tranquilidade aos veciños de Paramos. Explicaba que na oficina de Urbanismo situada en Guillarei, continua a realizarse a tramitación de licenzas e comunicacións previas con normalidade, e mañá mesmo se aprobará unha nova licenza en xunta de goberno. Proximamente convocarán unha reunión cos veciños para explicarlles a situación e resolver as dúbidas que poidan ter.

Malestar no Club Bádminton Tui polo reparto dos horarios no uso dos pavillóns xa que lles foi asignado polo concello un día 5 horas, repartidas entre o pavillón do IES San Paio e o pavillón de Guillarei, cando prefiren dos días dúas horas e media. Así o explicaba hoxe a súa presidenta Marisa Giráldez.

Agardan nos próximos días poder reunirse cos responsables municipais para explicarlles a súa situación.

Éxito de acollida nas visitas guiadas que realizará o Obradoiro de Emprego Percorre Tui ás dúas novas rutas que deseñaron. De feito xa non quedan prazas a visita á Ruta dos Pasos da Auga que realizarán mañá en Ribadelouro. Si é posible inscribirse para a Ruta da Porta do río Tripes que terá lugar o próximo xoves 22. Faláronnos destas propostas Mª Jesús Álvarez, docente de Turismo, e Mª Carmen Rguez e Nerea Fernández alumnas-traballadoras.

Antes do 30 de novembro teñen que estar rematados os sete proxectos que veñen de ser licitados polo Concello de Tui e que pertencen ao Plan Concello 2017. Suporán un investimento de 500 mil euros. A reordenación dos xardíns de Troncoso e da rotonda de Guillarei son parte destes proxectos. Tamén traballan no Deporemse, como explicaba o alcalde, Enrique Cabaleiro.

A asociación de Afectados de Paramos e Guillarei expón que a reforma da Lei do Solo de Galicia foi modificada para dar encaixe legal ás vivendas fóra de ordenación na zona afectada pola explosión en maio do ano pasado. Lembran que as licenzas que os afectados están a solicitar son un caso excepcional que coma tal require medidas excepcionais. Así o expoñen nun comunicado e o explicaba esta mañá na nosa sintonía Lupe Pérez, voceira da Asociación de Afectados de Paramos e Guillarei, tras a reunión que celebraron o pasado xoves.

Hoxe comezan en Paramos as festa na honra a San Caetano que se van celebrar até o luns. Hoxe terán polbo, a charanga A tú Ritmo e a banda de Balbina.

Mañá actuarán a Banda de Música Popular de Tui e da Banda de Gaitas San Xoán de Paramos, ás 13 celebrarse a misa solemne e á noite verbena con Charleston e Lasser. Os festexos rematan o luns.

Hoxe comezan as festas na honra a Nosa Señora do Faro en Valença que se van celebrar até o próximo día 15. No programa festivo destaca hoxe o tributo a U2, ou mañá a actuación da orquestra Panorama. José Monte, vereador de Cultura de Valença, convidaba a gozar das festas.

Mañá celébrase en Tui a IX Festa do Miño. Hoxe a concelleira de Cultura, Sonsoles Vicente deunos todos os detalles para gozar deste evento.

Mañá celébrase o Descenso Popular que reunirá a preto de 800 padeeiros e o Descenso Internacional que sumará 536 padeeiros de 43 clubs. Hoxe falamos destas probas con Diego Piña, presidente do Club Kaiak Tudense, organizador deste eventos que da Romaría Popular que dende ás 12 h se celebra na Ribeira de Caldelas.

A parroquia de Rebordáns inicia cunha andaina noctura este venres a Semana Cultural previa ás festas na honra á Virxe do Camiño que se celebran a próxima semana. Coma novidade estrearán torreiro de festas.

Hoxe nolo contaron Manuel Heredero e Milagros Rodríguez , membros da comisión.