A corporación municipal de Tui aprobou onte por unanimidade a concesión de 662 mil euros en axudas a 12 afectados de Paramos para a reconstrución das súas vivendas na zona cero, ao abeiro da ordenanza municipal. A concelleira de Facenda, Yolanda Rodríguez, explicaba hoxe a tramitación realizada nestas axudas, que serán agora notificadas aos interesados e antes de final de ano serán aboadas.

Acitui Asociación de Comerciantes e industriais Tui celebra mañá o Black Friday con descontos e cunha novidade: repartirán unhas rifas para o sorteo de 5 vales de 100 euros. O sorteo realizarase o próximo mércores 4 de decembro ás 11 h , na Radio Municipal. Unha iniciativa para #promocionar o comercio local.

O Club Padel 8 de Guillarei, Tui celebra o seu terceiro aniversario esta fin de semana. O sábado pola tarde realizarán un clinic e o domingo pola mañá un partido exhibición. No evento contarán coa participacion das actuais campioas do Wopen de Santander, Lucia Sainz e Gemma Triay.

Son distintas as iniciativas que ten en marcha a Asociación de Comerciantes e Industriais de Tui, ACITUI. Das mesmas déronnos hoxe conta Juan Carlos Blanco, presidente, e Manuel Santos, membro da directiva. A primeira delas será o Black Friday que celebrarán este mesmo venres. E logo prepáranse xa para a campaña de Nadal colaborando co Concello no Mercadillo de Nadal, realizando unha decoración corporativa da entrada dos comercios asociados e organizando un desfile de moda.

Alejandro Da cuña presenta o seu libro solidario “Camino con Historias” o próximo xoves 20:30 h no Teatro da Área Panorámica, de Tui. Historias tristes, divertidas e sorprendentes son a compilación do día a día de Alejandro Da Cuña, cando realizou o Camiño de Santiago.

A xoven tudense Andrea González foi elixida onte unha das "100 Mujeres Líderes de España". Un galardón a engadir aos tantos premios gañados pola súa carreira profesional.

A primeira sentencia ditada por un xulgado de Tui obliga ao Banco Popular a devolver os 40.000 euros ao matrimonio tudense que, invertiu en bonos e accións no 2014.

A xove tudense Alva Capón recibíu o premio Xuventude Crea pola súa serie de fotografías "Non estou tola, a miña realidade é diferente á túa". Falamos hoxe con ela para saber máis do seu proxecto e da forma de vivir no mundo artístico.

"Tui en negro" é o título da campaña que gallo do 25N pon en marcha o Concello de Tui. A concelleira de Igualdade, Ana Mª Núñez, deu conta dos actos previstos que inclúen o acto institucional o luns na praza de San Fernando, a I Andaina Camiño á Liberdade, ou un curso de autodefensa para mullleres.

O alcalde de Tui, Enrique Cabaleiro, afirma que as Eurocidades son unha oportunidade única para levar adiante programas de cooperación transfronteiriza. Así o explicaba esta mañá na nosa sintonía tras participar onte en Tomiño no encontro sobre as Eurocidades da raia ibérica centrou onte as xornadas sobre “Políticas e instrumentos para o desenvolvemento do Río Miño Transfronteirizo”. Tamén falou dos dous novos pantaláns cos que Tui contará dentro do proxecto Río Minho Navegable.