A Guarda vive a súa semana grande coas Festas do Monte que reúne a miles de persoas, e que agardan con ilusión este sábado o desfile dende a Alameda até o Porto e o domingo a subida ao Monte. Así nolo contaba hoxe o alcalde da Guarda,Antonio Lomba.

Destacaba Antonio Lomba a fraternidade que se vive con esta festa que foi evolucinando cos tempos, e coa xente.

Esta tarde celébrase a xornada "San Domingo:arte e historia" na que ás 19.30 h intervirá Carmen Manso Porto co tema “El arte gótico en Santo Domingo de Tui”. Hoxe falamos con ela no programa #DiaaDía.

O sábado, 17 de agosto, vaise celebrar o I Concurso de Maxia na Rúa organizado polo Concello de Tui e Miñomáxico. Seis magos actuarán nas prazas do conxunto histórico entre as 19:30 h e as 23 h.

A igrexa de San Domingos acolle mañá unha xornada organizada polo Instituto de Estudos Tudenses titulada “San Domingos: arte e historia”.

O presidente do Instituto de Estudos Tudense, Javier Añoveros, explicou hoxe na nosa sintonía que logo do éxito rexistrado na xornada do ano pasado dedicada a San Bartolomeu teñen o obxectivo de continuar con estas xornadas con carácter anual. Este ano apostaron por centralas na igrexa de San Domingos.

Entrevistamos ao bailarín tudense admitido na escola Vaganova Ballet Academy de San Petersburgo, Ángel Giráldez Varela.

O bailarín, acompañado da súa profesora de danza en Tui, Paula Cobián, e a súa nai, Ana Varela, explícanos como afronta este soño cumprido.

O exalcalde Carlos Vázquez Padín, non está nin condenado nin imputado por ningún delicto. Así o aclaraba no seu blog nos últimos días, e hoxe o explicaba na nosa sintonía no programa Día a Día.

Asociación Cultural A Insua ten aberto o prazo de inscrición para o Caldelas’s Got Talent que se vai celebrar o sábado, 17 de agosto, no Centro Cultural de Caldelas.

Se es músico, bailas, fas maxia, humor ou tes calquera outra habilidade podes participar anotándote antes do 11 de agosto no 676 158 520. Haberá máis de 300 euros en premios, trofeo e diplomas. Hoxe falamos deste evento con Eduardo Dacuña.

O alcalde de Tui, Enrique Cabaleiro, afirma que se está traballando con normalidade na tramitación urbanística relacionada con Paramos, e se está atendendo aos veciños. O luns convocou unha reunión cos grupos municipais sobre esta cuestión. Tamén avanzou que se correxirá un erro detectado na ordenanza municipal, o que beneficiará aos veciños.

Este domingo celébrase no Mercado de San Miguel no Rosal a III Feira do Mirabel. O programa previsto comezará cunha andaina, e logo haberá actividades culturais, musicais e gastronómicas. Explicóunolo Sara Vicente, concelleira de Cultura do Rosal.

Case mil metros serán os que terán que realizar os participantes na 9ª Travesía a Nado da Eurocidade Tui-Valença que se vai celebrar este sábado. Saíra ás 18 h dende o cais de Valença e a meta estará na praia da Mariña en Tui.