Día a Día

Debido á crise do Coronavirus non se celebrarán as Festas de San Telmo nin tampouco os actos da Semana Semana. Así o confirmaba o alcalde, Enrique Cabaleiro, logo de que o goberno tomase xa a decisión firme de suspender as festas patronais previstas do 11 ao 20 de abril. Lembraba que os impostos delegados no ORAL están aprazados e os de carácter municipal suspendidos. Crearán unha nova comisión de coordinación seguindo as indicacións do Ministerio. Tamén incidía en que o confinamento débese manter tanto no centro urbano coma no rural.

O comportamento dos veciños e veciñas de Tomiño está sendo impecable. Así o destacou a alcadesa Sandra González, quen lembraba que o servizo de benestar sigue operativo no teléfono 986 62 32 11 para dar axuda ás persoas máis vulnerables, así coma o 016 para ás mulleres vítimas de violencia de xénero.

Situación de tranquilidade en Valença onde non teñen ningún caso confirmado. Así o explicaba o presidente da Cámara, Manuel Lopes.

O norte de Portugal está a ser unha da zonas máis afectadas coma sinalaba o mandatario portugués, quen insistía en acatar as ordes para facer fronte a esta pandemia.

O Rosal rexistrou onte un primeiro positivo por COVID-19. A alcaldesa, Ánxela Fernández, deu conta dos labores de desinfección nas rúas que comezan a realizar e lembrou que mañá celebrarán pleno extraordinario urxente para aprobar un recoñecemento extraxudicial de crédito para pagar aos provedores.

O Centro de Saúde de Tui leva a cabo, en coordinación co Servizo de Medicina Preventiva, o control dos catro pacientes de Tui illados no seu domicilio. O obxectivo do confinamento explicaba, o doutor Santiago Pose, é tanto para protexelos a eles coma aos demais.

Dende hoxe reorganízase o acceso ao Centro de saúde de Tui de tal xeito que se pecha o acceso pola fachada principal onde aos pacientes con doenzas respiratorias acceden pola porta do PAC dos que teñen outras doenzas pola principal.

Rexistrouse un primeiro caso por coronavirus na Guarda. O paciente atópase no seu domicilio baixo a supervisión da área sanitaria de Vigo, así o indicou o alcalde Antonio Lomba, na nosa sintonía. Tamén lembraba o rexedor que as persoas máis vulnerables teñen a súa disposición o servizo de auxilio do Concello da Guarda.

Tras a confirmación onte de 4 casos positivos por COVID 19 en Tui o alcalde, Enrique Cabaleiro, facía un chamamento a cidadanía á tranquilidade e a cumprir o confinamento , e incidía en que os datos dos pacientes son confidenciais. Indicaba que hai que seguir coas medidas de precaución.

No Rosal recibiron esta mañá a primeira confirmación oficial dun caso de contaxio por Coronavirus. Así o explicaba a alcaldesa, Ánxela Fernández.

No Rosal van iniciar labores de desinfección pese a falla de material con que contan. Este mércores celebrarán un pleno extraordinario para aprobar o recoñecemento extraxudicial para realizar os pagos pendentes a proveedores.

Valença amenceu hoxe sen novidade e ningún caso positivo por COVID-19. O municipio portugués continúa seguindo as medidas sanitarias decretadas debido ao estado de alerta en Portugal. Así o indicou o presidente da Cámara de Valença, Manuel Lopes quen resaltou o bo comportamento da veciñanza.

O Concello da Guarda adiará mentres dure o estado de alarma o prazos dos pagos de servizos, taxas ou impostos, e eximirá do pago daqueles que non se están a prestar coma a Escola Infantil. Esta é unha das medidas tomadas segundo adiantaba o alcalde da Guarda, Antonio Lomba. Esta mañá reúnese a Comisión de Seguimento creada para estudar tanto esta coma outras medidas adoptadas xa durante o estado de alarma, e outras que puideran levarse a cabo.