Día a Día

Rúas baleiras no Rosal dan mostra da conciencia da veciñanza neste momento de crise sanitaria. Os servizos de atención ao público do Concello funcionan por teléfono ou a través da sede electrónica. So permanece aberto o rexistro de entrada que está situado na planta baixa do Concello así como os Servizos Sociais que atenden casos urxentes. Mentres, no Centro de saúde do Rosal todo se desenvolve con normalidade. Así o salientaba a alcaldesa, Ánxela Fernández.

Calma e orden no municipio guardés, neste sétimo día de cuarentena polo estado de alarma polo Covid-19. A Policía local, Garda Civil e Ges traballan para coordinar a orden das persoas nalgúns supermercados para evitar aglomeracións. O alcalde, Antonio Lomba, danos máis detalles de como se atopa o municipio guardés.

Sen novidades continua a situación en Tui nestes venres 20 de marzo. Así o explicaba o alcalde Enrique Cabaleiro, quen facía fincapé na importancia de quedar na casa para evitar o contaxio por coronavirus. No concello continua a tramitación de asuntos priorizando Servizos Sociais, Urbanismos e pago a proveedores.

O Centro de Saúde de Tui traballa nun novo protocolo de atención coa que facer fronte a esta pandemia do coronavirus. O obxectivo é mellorar o sistema de acceso de tal xeito que as urxencias que acuden por problemas respiratorios empreguen unha entrada, o resto de urxencias outras. O mesmo acontecerá co acceso dos nenos. Así o explicaba o doutor Santiago Pose.

Co obxectivo de protexer tanto aos beneficiarios coma os voluntarios así coma garantir a entrega de alimentos, SOS Tomiño Baixo Miño adoptou una serie de medidas de seguridade, mentres dure o estado de alarma sanitaria polo COVID-19. Nolo explica o seu presidente, José Quinteiro.

Os traballadores transfronteirizos, é dicir que viven en España e traballan en Portugal ou a inversa, teñen que xustificar estes días a súa condición para pasar os controis de fronteirza. Non hai un documento tipo para esta documentación de traballador transfronteirizo pode ser dende a tarxeta de ficha na empresa até o contratado de traballo. Así o explicaba Teresa Ventín, coordinadora do Servizo do Eures Transfronteiro,

O voceiro de En Marea, Laureano Alonso, considera que o concello terá que pór a dispor máis recursos en Servizos Sociais, dada a actual situación a que derivará tras a crise do coronavirus.

O voceiro de C21 de Tui, José Manuel Palacín, explicou que a semana pasada presentaron 12 medidas para a contención do coronavirus por rexistro de entrada, que foron ben acollidas e están en funcionamento.

A corporación municipal de Tui está a tomar decisións consensuadas na actual situación que estamos a vivir. Falamos hoxe cos distintos voceiros.

José Ángel Fernández, voceiro do PP, lanzaba unha mensaxe de tranquilidade e responsabilidade, e destacaba o apoio incondicional ao goberno coa unión de todos os grupos políticos. Haberá que adoptar medidas de carácter extraordinario e urxente, dicía.

Situación tranquila a que se vive nesta xornada en Valença nesta crise do coronavirus. Así o explicaba o presidente da Cámara, Manuel Lópes.