Día a Día

O Centro de Saúde de Tui continua a funcionar coa normalidade que permiten as actuais circunstancias, as consultas realízanse preferentemente por teléfono ou en caso de ser preciso é o persoal sanitario o que se despraza ao domicilio do paciente. Así o explicaba o doutor Santiago Pose.

Lembraba o teléfono de citas 986 60 18 00 ou de urxencias 986 60 19 36 e o teléfono de información sobre o coronavirus 900 400 116, e lembraba o autotest dispoñible en coronavirus.sergas.es

Coa consulta telefónica evítase que as persoas con risco saían da casa

A alcadesa de Tomiño, Sandra González explicanos a situación do municipio neste cuarto día de cuarentena, polo estado de alarma. Recordou amais que as persoas que se atopen en situación de vulnerabilidade, contacten cos Servizos Sociais do Concello, no 986 62 23 11.

Manuel Lopes, presidente da Cámara de Valença, explicaba que con serenidade estase a vivir a situación en Valença, onde se nota a ausencia de españois, e con boa parte do comercio pechado por vontade propia.

Explicaba que están a desinfectar as rúas, aparcamentos e espazos públicos con persoal propio.

En Tomiño vívese unha situación de tranquilidade sen a penas persoas na rúa. A Ponte Internacional da Amizade está pechada dende esta madrugada. Así o explicaba a súa alcaldesa, Sandra González.

No concello estase a traballar en servizos mínimos e en teletraballo. Está garantída a atención telefónica e os Servizos Sociais están ao completo e prestando atención ás persoas máis vulnerables.

A alcaldesa do Rosal, Anxela Fernández, explicou a situación este martes 17 de marzo coa declaración do estado de alarma polo coronavirus. O concello mantén servizos mínimos e teletraballo. e faise un chamamento á veciñanza para por en coñecemento do concello a situación das persoas que poidan estar nunha situación vulnerable.

O alcalde da Guarda, Antonio Lomba, explicaba a situación neste martes, 17 de marzo, ante a situación de estado de alarma polo coronavirus.

A resposta correcta da poboación cunha actuación responsable á e que destacaba hoxe o doutor Santiago Pose do Centro de Saúde de Tui. Lembraba que na web coronavirus.sergas.gal o SERGAS puxo a dispor da cidadanía un autotest do coronavirus.

A poboación ten a dispor o teléfono informativo 900 400 116, o do centro de saúde de Tui 986 60 18 00 ou en caso de emerxencia 986 60 19 36.

O doutor Santiago Pose enviaba esta mañá unha mensaxe de tranquilidade á poboación ante esta situación, lembrando que o centro está ao servizo da poboación, tentando dende o punto de visto sanitario protexer aos máis vulnerables que son as persoas maiores.

Fan un chamamento á poboación a evitar aglomeracións no centro de saúde. Para iso as consultas serán telefónicas, salvo as urxencias e as que teñan que acudir ao domicilio do paciente. Diminúese o número de pacientes citados para as analíticas.

Esta semana falamos con Violeta de Santiago, voceira do PSdG-PSOE en Tomiño sobre as mocións que presentaron no último pleno da corporación tomiñesa.

O Concello do Rosal suspende toda as actividades culturais e deportivas, seguindo o protocolo de prevención polo COVID-19. Suspéndese a atención ao público dos servizos administrativos no Concello e os trámites faranse de xeito telefónico ou a través de sede electrónica. Permanecerá aberto o rexistro de entrada, que se situará na planta baixa. O detallou a súa alcaldesa, Ánxela Fernández.