O V Galifornia Beat vaise celebrar este venres e sábado no Skate Park Atalaia do Porto da Guarda e arredores nunha superficie de 30 mil metros cadrados. José Moraleda, vicepresidente de Galifornia Beat, explicounos o obxectivo deste evento e programa a realizar.

Este domingo pecha a inscrición para o Descenso Popular do Miño e para o Descenso Internacional do Miño, dúas probas que se van celebrar o sábado, 10 de agosto, que reunirán a 800 e 650 padeeiros respectivamente. Así nolo explicaba o presidente do Kaiak Tudense, Diego Piña.

No caso do descenso popular xa non quedan piraguas individuais de aluguer, pero si dobres. Diego Piña daba conta do percorrido previsto, e lembraba que a festa comeza xa ao mediodía co romaría popular na ribeira de Caldelas.

Este sábado, 3 de agosto, realizarase en Tui a sexta andaina do circuito de andainas saudables da Eurocidade Tui-Valença. Comezará ás 22h dende o Palco da Música na Corredoira e rematará na Alameda de San Domingos cunha chocolatada.

Falamos co presidente da asociación AndaTui, José Martínez Tato, organizadora da ruta.

O Concello de Tomiño organiza distintas xeiras este verán coma a nocturna que terá lugar este xoves ao Monte Tetón, amais a visita a distintos oficios centra a terceira edición da Ruta de Artes e Oficios. Así nolo explicou Fátima Rodríguez, concelleira de Eurocidade Mocidade e Participación Infantil do Concello de Tomiño.

Até o 1 de agosto está aberto o prazo de votación on-line do Premio de Acción Maxistral, no que un proxecto de educación inclusiva do CRA Mestra Clara Torres é un dos finalistas. Hoxe explicounos o proxecto a súa directora Teresa Domínguez, que animou a votar pola proposta tudense. Tamén nos falou do proxecto Recantos con Encanto.

Este domingo, 28 de xullo, celebrarase en Tui o campionato de ciclismo galego de fondo de estrada máster.

O presidente do club ciclista De La Fuente, Dean Fletcher, explícanos como se vai desenvolver a carreira.

O folclore de México, Benín e Serbia protagonizará a XX Noite Internacional do Miño que se celebra hoxe a partir das 21.30 h no Parque do Laxal, Rebordáns. Katia Rocha e Pablo González da Escola de Baile e Gaitas San Fins, organizadores do evento, déronnos hoxe todos os detalles.

Esta fin de semana terá lugar no concello da Guarda a XVI Festa do Peixe Espada. Falamos co presidente da Organización de Palangreiros Guardeses, encargada de organizar a festa.

EmpreTui, a Asociación de Empresarios de Tui, presentarase mañá oficilamente nun acto aberto ás 21.30 h na Macoca. Abel Vila e Andrea Costa faláronnos hoxe deste novo colectivo, dos seus obxectivos, e do acto de mañá.

O Club Bádminton Tui organiza dúas actividades para o mes de agosto. Será unha Escola de Bádminton en iniciación e perfeccionamento e un Campamento de Verán para nenos de 6 a 14. Marisa Giráldez, presidenta do Bádminton Tui deunos todos os detalles.