A Guarda celebra esta fin de semana a XXIX Festa da Lagosta e da Cociña Mariñeira da Guarda. A concelleira de Turismo guardesa Bea Lomba, explicounos os detalles desta cita gastronómica na que haberá amais da lagosta outros 20 pratos. O pregoeiro deste ano será Moncho Borrajo. O sábado actuará Luís Zahera, tamén haberá serán mariñeiro, actividades infantís...

O Club Náutico San Telmo organiza a I Semana Náutica a Vela Eurocidade Tui-Valença que se vai celebrar do 15 ao 26 de xullo. Consistirá nun curso de vela para rapaces e rapazas de 8 a 14 anos que se impartirá de luns a venres de 10 a 13.30 h. O prezo do curso é de 50€ no que se inclúe a licenza, monitores, seguro, camiseta e gorra.

Os interesados poden inscribirse no 670 50 84 99 ou no 657 878 716

O Pavillón da Carballa en Tomiño acolle este sábado o Festival Solidario da Asociación Vontade. A partir das 5 da tarde terá lugar unha masterclass de zumba co instrutor Vladimir e ademais haberá outros invitados como o guitarrista flamenco Salito, Zumba Stars, o grupo de baile Xamaraina e o Grupo de Gaitas Treboada Baixo Miño.

Mañá celébrase a segunda Festa Agro LGTBI, organizada polo voluntariado da oficina de Información Xuvenil, que pretende con dar visibilidade ó colectivo LGTBI no entorno rural.

A festa será no Mercado de Tomiño e dará comezo ás 11.30h cunha sesión vermú. Haberá ademais unha charla, talleres infantís, espectáculos e concertos.

Bodegas la Val fixo entrega esta mañá dun cheque solidario á Asociación Aspanaex co importe da comercialización de 200 botellas resultado dunha xornada de vendima dos membros da asociación que tivo lugar o pasado mes de setembro. O recadado irá destinado ó proxecto “Axúdanos a construír un soño”, para a construción dunha unha residencia.

Este sábado terá lugar o primeiro torneo A Quinta de Tui de futbol sala no que van a participar as categorías benxamín, alevín, infantil e cadete do Santiago Futsal, O Baiña Fútbol Sala e como anfitrións A Quinta de Tui. Será un torneo de fútbol pero ademáis haberá unha xornada de convivencia.

Na Casa taller da Guarda teñen previstas varias actividades cunha programación especial para celebrar o seu 10 aniversario. Haberá exposicións, un campamento creativo, un curso de Instagram para creativos, e un retiro de Ioga e meditación entre outras actividades.

O club Kayak tudense organiza cursillos de piragüismo para os meses de verán para que os rapaces poidan coñecer este deporte, O único requisito para poder participar é saber nadar e ter entre os 8 e os 14 anos.

Este sábado a partir das 11 da mañá celebrase a vixésimo segunda festa das lavandeiras no Barrio dos Muiños. Como novidade este ano van a participar preto de 20 lavandeiras dunha asociación de Fene, na Coruña.

Continúa aberto o prazo de reserva de praza para os ciclos formativos do Ies Indalecio Pérez Tizón, que conta co ciclo medio e superior de actividades comerciais e o medio de instalacións eléctricas e automáticas.