Estamos en plena temporada de vendima nas grandes e pequenas fincas do Baixo Miño. Abordamos o tema con Iago Pérez, xerente de consulving, que espera bos resultados grazas a calidade do producto.

Un centenar de cans da protectora de animais Aloia sae cada domingo de paseo grazas á colaboración de persoas voluntarias que participan nos Paseos Perrunes, que teñen rexistrado unha excelente acollida. Amais este domingo organizan un concerto solidario a cargo de Alberto Cunha na terraza do Náutico.

A situación do río Miño tanto en canto á pesca coma coa presenza de plantas invasoras, foron dous dos temas que abordamos con Fernando Ferreira, o presidente da Asociación de Pescadores do río Miño.

No que levamos de ano en España 337 persoas faleceron afogadas. Hoxe quixemos abordar este tema, e sobre todo a preveción neste eido para que conversamos con Juan Díaz, comandante Naval do Miño, Carlos Castro, operador de grúa e rescatador do Pesca I Galicia, e Juanjo España do Club de Actividades Acuáticas Baixo Miño

Esta fin de semana celébran as festas na honra a Virxe das Dores en Guillarei que esta noite presentan un tributo a Queen, na fin de semana actuarán bandas de música, e non faltarán as verbenas. Tamén contarán coa Banda de Guerra da Brilat que acompañará mañá á tarde a procesión xunto ao grupo Lembranzas da Terra. As festas continuarán até o luns.

O mestre José María Gude será o homenaxeado este domingo no Acto Cívico do Alivio en Tomiño. O acto terá lugar ás 11 h na praza do Seixo. Hoxe compartimos uns minutos con José María Gude.

O próximo martes 17 pola mañá terá lugar o foro de emprego Emprega Tui que pretende ser un encontro entre empresas e persoas en busca de emprego. A concelleira de Formación e Emprego, Ana Mª Núñez, explicounos en qué vai consistir.

"A outra cara do Monte, aproveitamentos alternativos" é o título das xornadas que o mércores 18 e xoves 19 deste mes se van celebrar na Facultade de Bioloxía en Vigo. Das mesmas falamos con María Cabaleiro da Facultade de Bioloxía.

Hoxe comeza o Torneo de Tenis da Eurocidade e na fin de semana ten lugar o Torneo de Hoquei, e os días 21, 22, 28 e 29 dentro das andainas saudables farase o Camiño Portugués por etapas. Destas propostas deportivas falamos hoxe con José Monte, vereador de Desporto de Valença, Miguel Fernandes, presidente do Valença Hoquei club, e Bruno Gonçalves de Celtas do Minho.

Co gallo das Festas do Alivio que se celebran esta fin de semana hoxe visitounos a alcaldesa de Tomiño, Sandra González, con quen aproveitamos para tratar distintos asuntos municipais coma a apertura da Avenida do Baixo Miño nun par de meses. Tamén falou das obras no campo do Alivio, entre outros temas.