Loli Castiñeira é a primeira alcaldesa de Salceda. O sábado foi investida coma rexedora tras un acordo in extremis co Partido Socialista para ter un goberno de esquerdas nos próximos catro anos. Catro anos de traballo compartido, que nos dous primeiros anos exercerá coma alcaldesa, e nos dous seguintes ocupará o cargo Verónica Tourón.

Sandra González, alcaldesa de Tomiño, que continúa ao fronte do concello tomiñés explica que asume unha nova etapa con continuidade, con ilusión e con máis responsabilidade por ter logrado maior representación.

Reunirse co novo equipo que entra no concello, reflexionar e continuar cos proxectos en marcha e cos 15 retos que plantexaron na campaña

Como accións inmediatas sinalaba a biblioteca municipal, a humanización rúa República Arxentina e A Guarda, a variante, entre outros.

Enrique Cabaleiro foi investido o sábado alcalde de Tui. Conta coa experiencia previa de ter sido alcalde entre 2015 e 2017, o que dicía esta mañá lle permite retomar o traballo que tiña quedado pendente, e é máis doado ao contar con esa idea previa do que había que facer no primeiro día na alcaldía.

Enrique Cabaleiro explicou que hoxe están centrados na análise do persoal municipal onde hai unha serie de traballadores de baixa. Esta mañá solicitou á Deputación a prórroga dos técnicos que están traballando na oficina de Paramos.

Tamén esta mañá puxeron sobre a mesa os proxectos do Plan Concellos de 2017 pendentes de contratación, entre outros temas urxentes.

A celebración do San Xoán é unha das actividades previstas para este verán no Club Náutico San Telmo. Julián Iglésias daba conta deste evento, pero tamén avanzaba as vantaxes que terán os socios este verán coma a disposición de kaiak e táboas de padel gratuítas para socios, ou paseos en barco. Amais haberá o campamento de esquí para o que en breve abrirá o prazo de inscrición.

Esta fin de semana celébrase en Verdoejo, Valença a VIII Feira das Tradiçoes. Un dos atractivos será a exposición de xoguetes antigos con máis de 200 pezas, unha noite de fados, entre outras propostas, tamén gastronómicas.

Esta mañá preto de 250 nenos e nenas de 6º de primaria de todos os colexios de Tui van a participar na Aloiada 2019, unha xornada de convivencia e actividades lúdicas, culturais e deportivas no entorno natural de Tui.

Mañá terá lugar a última rolda quinta fase do concurso Recantos do Luar, onde Julia Rodríguez cantará “Color esperanza” de Diego Torres. Actuará aproximadamente a unha e media da madrugada. Ao remate da súa actuación abriranse as liñas para a votación do público. Julia Rodríguez facía un chamamento a apoiala mañá xa que se xoga estar entre os catro finalistas.

Membros de Anabam, do Centro social Fuscalho e do Psoe de Oia protestaron onte contra o uso do Glifosato para a limpeza das marxes das estradas.

Pola mañá percatáronse da presenza de maquinaria traballando con este herbicida, nun primeiro momento na Guarda e de camino a Oia, onde interromperon o seu paso onde estiveron preto de 2 horas. O mesmo ocorreu pola tarde no Rosal e en Tomiño.

Ás 20.30 h no Teatro Municipal da Área Panorámica terá lugar o Concerto de Fin de Curso do Conservatorio Profesional e a Escola de Música de Tui.

Explicaba Rubén López, director do Conservatorio, que o concerto deste ano será distinto ao de cursos anteriores, xa que no mesmo se plasmará o resultado do proxecto no que levan traballando coma é a estrea dunha Big Band.

Interpretarán temas coma "Benny Goodman Memories", "New York, new york", actuando neste último a cantante Silvia Alonso como solista.

As entradas, de balde, poden retirarse dende ás 19.20 h no vestíbulo do teatro. Dende as 20 h o alumnado pode recoller as calificacións do curso.

Este domingo ás 18.00h o Álvarez Durán acolle a final da fase de ascenso na que o Tyde se medirá co Vilaboa logo de ter gañado no partido de ida 2-3. Esta mañá o seu presidente pediu óas afeccionados encher o campo para apoiar o equipo.