Adif ven de adxudicar a electrificación da vía ferroviaria de 5 km entre Tui e Guillarei. Este era o último tramo pendente dentro de Galicia para a mellora da conexión ferroviaria entre Galicia e Portugal. Isto fará posible que Arriva poida enlazar A Coruña con Oporto en un tempo inferior.

Este venres e sábado levarase a cabo nos supermercados Eroski e Familia d Guarda unha campaña de recollida de alimentos co nome “Zampakilos solidarios”. Para levar a cabo esta campaña precisan neste momento 12 voluntarios.

Ademáis o domingo terá lugar a XI Xantar Solidario para o que aínda quedan 20 prazas dispoñibles.

Laureano Alonso considera que o ofrecemento realizado onte polo PSOE na reunion que mantiveron para negociar a entrada desta formación no goberno socialista é insuficiente. Mañá manterán un novo encontro.

O Partido Socialista e En Marea reuníronse onte á tarde para abordar a posible entrada da segunda formación no goberno. O líder socialista Enrique Cabaleiro, considera que quedan flecos para pechar ese acordo. Reiteraba a súa intención de que calquera acordo de goberno, con En Marea e BNG, quede pechado esta semana antes da investidura deste sábado.

A Granxa Escola Musical de Corazón de Carballo foi galardoada nos Premios Agader de iniciativas de desenvolvemento rural na categoría de mocidade. Recoñécese con este premio o traballo que levan a cabo neste centro de ocio, tempo de lecer e servizos, que conxuga educación ambiental e educación artística con multitude de áreas de traballo.

Tras 32 anos como concelleiro na corporación municipal de Tui, un tempo no que ocupou tamén o cargo de alcalde, non estará presente na próxima corporación municipal, logo de que non se presentara ás eleccións. Hoxe fixemos con el balanzo destas tres décadas en política municipal de forma activa.

Dende o Partido Socialista, Antonio Lomba, actual alcalde en función, valoraba o primeiro encontro desta semana coma positivo, e na reunión do luns agardan comezar a concretar para lograr un goberno.

Polo momento neste primeiro encontro non determinaron nin quen ocupará a alcaldía nin as competencias de cada partido. Para o Antonio Lomba, as liñas vermellas, que virían marcadas polo programas de cada partido.

Esta semana Anxo Baz, o líder do BNG, reuniuse co nº1 tanto do PP, Roberto Álvarez Carrero, coma do PSOE, Antonio Lomba.

Cos populares recoñecía esta mañá na nosa sintonía que non comparten criterios o que fai dificil chegar a acordos. Mentres cos socialistas na primeira reunión houbo dispoñibilidade de falar de ti a ti. O luns volverán reunirse.

O Partido Socialista terá finalmente oito concelleiros na próxima corporación municipal de Tui que tomará posesión o sábado 15 de xuño. A Xunta Electoral Central declarou nulo o voto emitido a favor do PP coa palabra sí escrita, e validou o voto a favor do PP nun sobre no que se introduciran dúas papeletas, unha delas tachadas. Deste xeito o PP obtivo o voto que lle da o terceiro concelleiro.

Así o confirmaba este mediodía o nº1 do Partido Socialista, Enrique Cabaleiro, que coñeceu a decisión de forma oficiosa, a falla de contar xa coa comunicación oficial.

A igrexa de San Domingos acolle mañá sábado ás oito da tarde o IV Festival de Corais e Música Tradicional organizado pola Coral San Telmo.

Neste evento musical participarán a Escola de gaitas e percusión da Provincia de Pontevedra, a Coral Polifónica Mª Auxiliadora de Vigo, a Coral San Martín de Sotrondio de Asturias, o Grupo Lirolai do Rosal e a Coral San Telmo.