Día a Día

Do 18 de decembro ao 6 de xaneiro no Paseo da Corredoira haberá unha carpa cunha pista de xeo de 150 metros, e que albergará tamén distintas actividade de lecer para toda a familia. Terá carácter solidario cos afectados de Paramos e Guillarei. Falamos deste Nadal Solidario coa concelleira de Comercio, Yovana Velázquez, o presidente de ACITUI, Juan Carlos Blanco, e Juanjo España.

Este sábado realizarase unha homenaxe a Telmo Comesaña Pampillón, un emblema da memoria histórica de Galicia, que representa aos orfos que aínda viven e a todas as familias das vítimas. Os actos comezarán ás 11h na Volta da Moura, continuarán na aula da UNED, nos xardíns de Troncoso, e rematarán cun xantar no Parador. Faláronnos do homenaxeado e do programa previsto Manuel Vázquez de la Cruz e Juan Soto de Levada Libre

Os xefes dos centros de Saúde de Tui, A Guarda e Salceda, presentarán hoxe a súa dimisión xunto aos de Pintor Colmeiro, Lavadores, Coruxo, Bembrive, Navia, Nicolás Peña, Cuba, Taboada Leal, Casco Vello, Sárdoma, A Doblada e Matamá, en Vigo; Chapela, O Porriño, Val Miñor, Gondomar, e Redondela.

Trátase do 80% dos xefes do servizo e da unidade de Atención Primaria da Área de Vigo que coa formalización da súa dimisión queren evitar ser "cómplices" do "progresivo deterioro" da Atención Primaria, nunha decisión que onta co respaldo "total" do Colexio de Médicos de Pontevedra. Dimiten por dignidade coma explicaba o doutor Pose, xefe do centro de saúde de Tui.

"Michigan acaso Michigan" de Antón Reixa é a recomendación literaria que hoxe nos deixou May Acebes. O propio Antón Reixa falounos do seu libro no programa Día a Día.

A Eurocidade Tui-Valença acollerá dende mañá e ata o domingo unha serie de actividades musicais e de maxia que se irán celebrando tanto en Tui coma en Valença cada xornada. Hoxe deron conta das mesmas o concelleiro de Eurocidade de Tui, Andrés Urseira, e o verador de Valença, José Monte. Este último falouno tamén o programa de Nadal no seu municipio.

Tras case catro semanas de montaxe nunha superficie de 15 metros cadrados e coa colocación de 220 pezas loce xa en Cota de Gaio, nas Bornetas, o nacemento que cada ano elabora Mingos Méndez e que pode ser visitado polo público.

ACITUI organiza este venres 7, sábado 8 e domingo 9 de decembro un Mercadillo Solidario de Nadal no Paseo da Corredoira no que haberá distintas actividades durante os tres días. Juan Carlos Blanco, presidente de ACITUI, deu conta hoxe de todos os detalles.

Esta mañá estivo na nosa sintonía Telmo Paramos, de Telmo Import, quen celebra este ano os 30 anos dende que creou a empresa de telefonía. Fixo un repaso da compañía nestes anos, dende os comezos cando empezaba con game boys, tamagochis e videoxogos até hoxe en día, que conta con 7 tendas centradas na telefonía.

Hoxe e mañá sábado celébrase a Gran Recollida do Banco de Alimentos de Vigo, na que participa tamén na comarca SOS Tomiño Baixo Miño. En concreto tanto hoxe coma mañá van recoller alimentos non perecedoiros en 10 supermercados da zona. O que máis precisan son leite, cacao, cereales, e conservas. Agardan chegar aos 15 mil quilos recollidos. Precisan aínda 7 persoas voluntarias para recoller alimentos mañá entre 2 e 4 horas nalgún supermercado do Rosal, Tomiño e Tui os interesados poden contactar co 629 25 80 69.

Hoxe acompañounos o concelleirio de Medio Ambiente, Patrimonio e Deportes, Eduardo Frería, para tratar distintos temas. Entre eles o traslado dos camelios e un cactus das propiedades afectadas pola apertura da rúa Ourense, a Gala do Deporte Tudense, as bolsas para deportistas ou a restauración do Palco da Música.