A praza do Seixo será mañá o lugar onde se celebren as actividades previstas en Tomiño co gallo do Día das Letras Galegas. O programa previsto comezará ás 10.30h coa Feira do Libro que se prolongará ao longo de toda a xornada.

Amais haberá obradoiros pola mañá e ás 12.30h actuará a Agrupación Musical de Goián. Mentres ás 20h a Casa da Cultura acollerá a Talía Teatro con “Bicos con lingua”. As entradas teñen un prezo de 3€ e poranse á venda ás 19h.

Deunos conta do programa a concelleira de Cultura, Cristina Martínez.

O Club Náutico San Telmo ten aberta a convocatoria de cursos para obter os títulos de PNB, PER e tamén as licenzas de navegación. Así o explicaba hoxe Julián Iglesias, o técnico do club, indicando para que habilita cada un destes títulos.

Pódese ampliar a información e facer a inscrición no CN San Telmo ou no 657 87 57 16.

Mañá, 16 de maio, preséntase no Centro Goianés o libro "Máis de 800 Apelidos Galegos", escrito por Ernesto Iglesias Almeida. Trátase dunha acción coa que acadar fondos para continuar cos obxectivos da Asociación Cultural Pintor Antonio Fernández, así como encher de obras as paredes da Aula-Museo de Goián.

Amais presentarán a reedición da obra de Manuel Fernández Rodríguez "Goyán. Esquema histórico".

A situación da zona da Lamiña e o Codesal pola acción do río na beira é o problema máis urxente en solución que ten arestora o Concello da Guarda. Así o afirmaba hoxe o alcalde, Antonio Lomba, indicando que polo momento non teñen unha solución. Calcula que se teñen perdido máis de mil metros de superficie e miles de tonelada de area. Teñen comunicado ao problema as distintas administracións con responsabilidade neste tema. Este foi un dos temas tratados na ampla entrevista mantida no programa Día a Día onde tamén falou das obras na rúa Concepción Areal, do Monte Santa Trega, das praias, do verán, do Plan Concello...

Esta semana o Tramo Internacional do Río Miño acollerá por vez primeira dous exercicios conxuntos de seguridade marítima denominados MARSEC-18 que teñen lugar a nivel nacional entre a Armada española e a Portuguesa. Así o explicaba esta mañá o Comandante Naval do Miño Ignacio Tobarra. Hoxe a partir das once terá lugar a primeira das actuación fronte á Comandancia Naval co auxilio dunha embarcación de náutica de recreo tras accidente no río.

Mentres o xoves executarase a abordaxe a unha embarcación con tráfico ilícito non colaborativo.

Alejandro Dacuña leva máis de 400 quilómetros polo Camiño Francés dentro da iniciativa solidaria que está levando a cabo para elaborar un libro sobre esta experiencia. Hoxe saíu dende Sagunto e contounos cómo está a ser a experiencia.

O IKFEM está a traballar para poder celebrar un novo evento este ano na vella Ponte Internacional de Tui. O festival terá lugar do 20 ao 24 de xullo baixo o título "Women sound". A súa directora Andrea González falounos hoxe do reto que supón cada ano mellorar a edición anterior. Tamén lembrou que xa está aberto o prazo para as masterclasses.

O grupo de voluntarias que asume un ano máis a realización das alfombras florais de Corpus realiza un chamamento a máis persoas para que sumen a este labor. Así nolo contaron hoxe Ana Fernández, Li Alonso, e Pilar Álvarez. O tempo xoga en contra porque teñen xa que comezar a preparar o verde, ao tempo que precisan tamén do verde.

Estas voluntarias están a traballar no Claustro da Catedral en horario de mañá e tarde,

Esta mañá pasaron pola RMT Juan Carlos Blanco, presidente de Acitui, xunto Manuel Santos e Sandra Garreiro, tecnica da asociación, para realizar o sorteo de catro vales de 50 € con motivo da campaña do Día da Nai.

Os números gañadores foron o 9.303, 12.619, 8.730 e 7.660.

Amais volveron anticipar algunhas cousas de cara á Festa do Peregrino.

A música será a protagonista esta fin de semana no Auditorio de Goián dentro da programación de Primavera que organiza o Concello de Tomiño. O domingo ás 19h será a quenda de Cantares do Brueiro, coa posta en escena do obradoiro de canto que dirixe o músico guardés Tino Baz. A entrada será de balde.