A igrexa de San Domingos acollerá mañá sábado ás 20h un concerto coral organizado pola Asociación Amigos da Catedral. Correrá a cargo do Proxecto Vocal Concerto Tempo do Ferrol, dirixido por José Antonio García Mato, e do coro Mistura Vocal, integrado por cantores de todo o sur da provincia, que dirixe a tudense Aloia Martínez, coa que estivemos a falar.

O vindeiro 19 de maio terá lugar a XI Andaina Concello de Salceda, unha proba incluída na Copa Galega de Andainas e que conta cunha opción de 50 km e outra de 25km.

Para falar sobre esta cita co deporte estivemos con Carla Pérez, concelleira de Deportes e Medio Ambiente de Salceda de Caselas, e con Manuel Fernández Ramírez e José Luis Freijeiro, que forman parte da organización.

Os libros toman esta mañá a praza de San Fernando na novena edición de Tui Le, unha iniciativa das bibliotecas escolares de Tui que promoven o intercambio de libros e actuacións diversas co gallo do Día das Letras Galegas.

Participan once centros educativos os CEIP’s nº1, nº2 , Guillarei, Pazos de Reis, Randufe, Rebordáns, CRA “Mestra Clara Torres”, IES Indalecio Pérez Tizón e San Paio, Maristas e Seminario Menor de Tui.

Mañá ás 11 da mañá o Liceo Casino de Tui acollerá a presentación do libro “O Pacto de Tui. 4 de xullo de 1137. Un acontecemento histórico”, escrito por Javier Rodríguez Vázquez e con ilustración de Albino Rey. Trátase dunha obra de divulgación promovida polo colectivo Levada Libre e que conta coa colaboración da Deputación de Pontevedra.

O grupo tudense Best Boy é un dos finalistas aos premios da Música Martin Codax que se fallan esta noite. En concreto a formación liderada por Ángel Sánchez e Lucas Fernández están nominados na categoría de Blues/Funk/Soul, xunto a Carmen Rey e The Lakazans.

Este sábado terá lugar a Andaina Tudense Solidaria, que chega á súa décimo quinta edición, como é habitual, cun novo percorrido. Estivemos a falar con José Martínez Tato sobre unha actividade que foi pioneira na zona nos seus inicios e que nesta ocasión porá o acento solidario cunha recollida de alimentos para SOS Tomiño-Baixo Miño.

Este venres, 11 de maio, a empresa Novelec celebra o I Día do Instalador, unha iniciativa para achegar os fabricantes aos instaladores. Estivemos a falar sobre esta proposta con Marcos Diz Álvarez, socio de Novelec, Fernando Gago, o delegado da empresa en Vigo, e Juan Manuel Álvarez.

Hoxe ás 20h preséntase no Centro Cultural da Guarda o libro “Na sombra do Trega”, coordinado polo escritor e poeta guardés Francisco Álvarez “Koki”. Trátase dunha obra cun longo proceso, xa que Koki leva arredor de catro anos traballando para poder sacar á luz un libro que puidese ser referente do concello da Guarda. Estivemos a falar con el sobre o proxecto.

A Asociación de Comerciantes e Industriais de Tui, Acitui, está a traballar para poñer en marcha distintas campañas e propostas durante os vindeiros meses como a III Festa do Peregrino ou o primeiro desfile de moda deste ano.

Estivemos a falar con Juan Carlos Blanco, o seu presidente, e con Luis Conde, que nos deron conta tamén do vencedor de Saborea Tui: O Vello Cabalo Furado.

Esta fin de semana en Ribadelouro celebran a súa XVII Festa do Chourizo, que amais este ano contará cunha andaina de 6 km e dificultade baixa. Estivemos a falar de todas as propostas con Manuel Rodríguez, presidente da Comisión de Festas.