Día a Día

Ás sete desta tarde terá lugar na Catedral a inauguración da exposición de Beléns que cada ano acolle o templo catedralicio. Na capela das reliquias expóñense un gran número de beléns de distintos lugares do mundo, dos máis diversos formatos e materiais. Hoxe acudirá o bispo da diocese a inauguración.

Mistura Vocal abrirá hoxe o Concerto de Nadal que ofrecerán xunto á Orquestra Sinfónica de Tui ás 21h no Teatro Municipal de Tui. A tudense Aloia Martínez, directora do coro, explicaba que están últimando os detalles para o que será un gran concerto.

As derradeiras 100 entradas poranse á venda ás 19.30h no despacho de billetes aos prezos de 6€ e 5€.

Continúa o Nadal Solidario organizado por ACITUI no Paseo da Corredoira. Lembramos a alí podemos disfrutar dunha pista de xeo ecolóxica de 150 metros cadrados. Ten un prezo de 4€ válido para un período de 30 minutos.

Tamén hai distintas actividades de animación. Entre elas está o café solidario que mañá dende ás 16h ofrecerán ao prezo dun euros en colaboración con Café do Noso. A recadación íntegra será para os afectados de Paramos e Guillarei, como explicaban Miguel Rodríguez e Sebastián González, tamén estivo Salvador García presidente da Asociación de Afectados.

A Asociación de Afectados de Paramos e Guillarei suspende a manifestación prevista para este domingo na que ían solicitar que o desentullo que se acometa xa. Así o acordaron onte en asemblea. Toman esta decisión ante o compromiso do Concello desconvocan a manifestación, pero si realizarán á mesma hora ás 12h unha concentración na zona cero. Así o explicaba Lupe Pérez, da Asociación de Afectados.

O Club Andatui celebra este domingo a súa VII Camiñada Solidaria 2018. Sairá ás 10h dende o palco da música no Paseo da Corredoira de Tui, para facer un percorrido de 8 quilómetros polas as rúas de Tui e Valença para retornar de novo a Tui.

Aqueles que desexen participar deberán presenter o mesmo domingo un pouco antes das 10h na Corredoira cun quilo ou máis de alimentos non perecedoiros que serán doados a SOS Tomiño Baixo Miño. Así nolo explicou hoxe José Martínez Tato de AndaTui.

O luns día 24 terá lugar en Tui a V Papanoelada Moteira organizada polo motoclub Os de Sempre. Sairá do Paseo da Corredoira as 16.30h e percorrerán o centro de Tui disfrazados de Papanoel para despois facer unha ruta polos arredores. Terá unha duración aproximada dunha hora e despois volverán de novo o punto de saída para gozar dunha chocolatada.

A orquestra Sinfónica de Tui e o Coro Mistura Vocal ofrecerán este venres ás 21h no Teatro Municipal de Tui o Concerto de Nadal organizado polo Concello de Tui. O concerto está estruturado en 3 seccións. A primeira correrá a cargo de Mistura Vocal formado por corenta cantores do sur da provincia de Pontevedra e dirixido pola tudense Aloia Martínez.

A segunda parte, da man da Orquestra sinfónica de Tui, integrada por preto de cincuenta alumnos, exalumnos, e profesores do Conservatorio Profesional de Música de Tui, tocarán bandas sonoras de películas. Na terceira parte interpretarán temas navideños.

Comezamos a facer repaso das actividades de Nadal que poderemos desfrutar nos distintos municipios da comarca, nesta ocasión falaremos de Tui. Esta mañá o concelleiro de cultura, Eduardo Freiría, daba conta dos actos previstos para estas datas.

O pavillón do IES San Paio acolle este venres, dende ás 16h, o III Torneo de Nadal de Bádminton no que participarán 150 xogadores tanto do club Bádminton Tui coma doutros clubs da provincia.

Os douscentos alumnos do CEIP nº1 de Tui volveron hoxe ás aulas con normalidade, logo de que onte a media mañá tiveran que ser suspendidas as clases tras a inundación rexistrada no corredor de acceso e na entrada da biblioteca. A directora do CEIP, Nuria Garabal, confirmaba a primeira hora como o día transcorre xa con normalidade.