Día a Día

O alcalde de Tui, Carlos Vázquez Padín, está hoxe en Madrid para solicitar ante o Ministerio de Política Territorial que acometa á maior brevidade o desentullo da zona cero de Paramos, e amais ante o de Interior demanda que a subdelegación colabore no desaloxo das instalacións da pirotecnia en Baldráns. Precisamente entregou hoxe sendas cartas dirixidas aos ministros neste senso, e atendo aos medios de comunicación xunto cun saco de entullo que levou de xeito simbólico.

Tamén lle preguntamos sobre a denuncia da fiscalía contra el por inacción na execución da sentenza sobre o peche da pirotecnia, anunciando que convocará un pleno extraordinario sobre esta cuestión.

Este venres as 21.30h o Teatro Municipal de Tui acollerá o concerto de Xabier Diaz e Adufeiras de Salitre. O músico tocará por primeira vez en Tui nun concerto no que presentará o seu último traballo, “Noró”, un retrato do seu día a día, das últimas viaxes, unha celebración do equilibrio da república adufeira. Esta mañá estivo na nosa sintonía onde nos falou da súa mñusica e do concerto deste venres.

Co gallo do día do coidador esta mañá entrevistamos a Maxi Rodríguez, psicóloga de familia da asociación de Alzheimer afaga.

Miles de persoas acudirán mañá á tradicional Feira de Santos de Valença, cita ineludible para moitos no primeiro día de novembro. Está organizada polo Padr Gonçalo do Vale, con quen falamos esta mañá.

Esta fin de semana celebrase en Goian a XV edición do mercadillo de motos antigas. O evento comezará o sábado as 10 da mañá e se prolongará até o domingo as 2 do mediodía. Será unha feira de recambios e ferramentas pero haberá tamén motos antigas, coches clásicos e miniaturas.

A historia de Peter Pan y Wendy actualizada chega este mércores ás 20h ao Teatro Municipal de Tui da man de El Perro Azul Teatro de Logroño.

A obra está dirixida por Jorge Padín, quen se encarga tamén da dramaturxia e a escenografía. Sobre o escenario estarán Gemma Viguera e Fernando Moreno. Precisamente Fernando Moreno deunos conta desta obra que estrearon hai dous anos e coa que están a percorrer España.

As entradas están á venda en www.culturatui.info ata o mércores ás 12h e o mércores dende ás 18.30h no despacho de billetes. O prezos son 4€ e 3€.

O próximo sábado, 3 de novembro, celebrarase a III Urban Trail Night, unha carreira nocturna de 14 quilómetros que unirá Valença e Tui. A proba forma parte do programa da deportivo da Eurocidade Tui-Valença, e está organizada por Qualité Sport e Sra. Emilia Publicidade. Da mesma falounos hoxe Justi Peixoto.

A canción "Maletas de cartón", na que participan 14 finalistas no casting de Operación Triunfo desta edición, leva dos días no mercado e xa está a ser un éxito. Esta mañá estaban na nosa sintonía o tudense Sete Sousa, produtor do tema e o compositor Raul Ben.

O alcalde de Tui, Carlos Vázquez Padín, fixo hoxe un balance positivo do ano que leva ao fronte do concello de Tui tendo en conta as dificultades ás que tiveron que facer fronte a intensidade política destes meses. Así o explicou na rolda de conversas que cos grupos políticos da corporación mantivemos neste mes de outubro.

Continuando coa rolda de entrevistas coa corporación municipal, esta mañá foi a quenda de María Jesús da Silva, concelleira de APTui, quen dicía que está a ser un ano difícil para o equipo de goberno, tanto pola perdida de concelleiros como pola oposición.