Os afectados pola explosión de Paramos estiveron esta maña no pleno da Deputación de Pontevedra. O presidente da Asociación de Afectados, Salvador García, falouno esta mañá a primeira hora desta presenza en Pontevedra e tamén da manifestación que convocan o domingo ás 12h dende a Área Panorámica.

Máis de 40 actividades conforman a programación do Verán cultural e das Festas do Cristo en Salceda que comeza este venres e se vai prolongar ata o 16 de xullo.

Cun orzamento de 50 mil euros inclúe un amplo abano de actividades a desenvolver no Parque Raíña Aragonta, o Parque da Gándara, a Casa da Cultura Castelao, o Auditorio Municipal, o recinto do CEP Altamira e a Praza do Concello.

A primeira cita é xa esta fin de semana coa Feira Medieval organizada pola Asociación de Comerciantes e Industriais de Salceda (ACISA). Falounos da mesma Teresa Pérez, concelleira de Cultura.

Máis de 50 actividades conforman a programación do verán en Tomiño con propostas de distintas concellerías. Hoxe falamos da oferta cultural coa concelleira de Cultura Cristina Martínez.

A praza da Inmaculada é o punto de venda hoxe das camisetas solidarias cos afectados de Paramos realizadas polos bombeiros do Porriño. Cada camiseta ten un prezo de 10€, que serán íntegramente para os damnificados coma nos explicou Óscar Álvarez.

A discoteca Anubis acolle este sábado, 30 de xuño, a partir das 23h a Festa Solidaria a favor dos afectados pola explosión de Paramos. Bea González, presidenta da ANPA de Guillarei, daba conta dos artistas que participan este sábado na festa e explicaba que tanto o importe íntegro da entrada – 5€- como parte das consumición son para os afectados

Teñen prevista outra festa solidaria o 14 de xullo na discoteca Queen.

As instalacións do CEIP de Randufe son o escenario no que dende o pasado venres e durante todo o verán se desenvolve o Campamento de Verán centrado no circo a cargo de Chirlomirlo. Fátima García, unha das responsables desta actividades, explicou que o campamento se desenvolve de 9 a 14h pero ofertan tamén aula matinal e comedor. Vai dirixido a nenas e nenos de 3 a 12 anos. Pódese asistir todo o verán, un mes, unha quincena, unha semana ou días soltos. Os interesados poden ampliar a información no 685 960 380 ou no propio CEIP de Randufe.

Os bombeiros do Consorcio Provincial de Bombeiros estarán mañá xoves no mercadiño de Tui, na praza da Inmaculada, vendendo camisetas solidarias cos afectados pola explosión de Paramos. O martes estiveron xa no mercadiño do Porriño e onte estiveron en Salceda. Óscar un dos bombeiros explicaba coma xurdiu esta iniciativa “Bombeiros coa zona cero”, nunha catástrofe que viviron dende o primeiro momento.

Este venres o deputado tudense Moisés Rodríguez defenderá unha proposición non lei para que o Parlamento inste á Xunta a que demande do goberno de España unha serie de exención fiscais para os afectados de Paramos.

Fresas, repolos, cebolas, flores… crecen na horta do CEIP nº1 de Tui. Hoxe este espazo no patio do centro foi o lugar elixido para dar a coñecer que o proxecto “Ideas para a túa horta” do tudense Miguel Ángel Rodríguez foi o gañador do concurso convocado por Naturgreen, sendo a primeira vez que un galego se leva o galardón.

Este sábado, 30 de xuño, ás 23h celebrarase na discoteca Anubis de Tui unha festa solidaria . A entrada custará 5€, e se sorteará unha tatuaxe. Xa 14 de xuño en Queen haberá outra festa solidaria.

Falounos destas citas Bea González, presidenta da ANPA de Guillarei.