Día a Día

ACUBAM vén de renovar a súa web, e organiza para este xoves unha xornada sobre “A importancia da comunicación dixital nas estratexias comerciais das empresas“. Falonos desta cita a presidenta da Asociación de Cultivos do Baixo Miño, Patricia Martínez.

Recén chegadas do Festival da Luz onde actuaron o pasado sábado nunha xornada de intensa calor hoxe estiveron nos nosos estudos dúas das integrantes das Pandereteiras Tremelique. Faláronnos dun verán no que non pararon, gañaron o concurso Interritmos, que lles deu a opción de gravar un sinxelo e participar no festival en Boimorto. Agora pensarán no futuro e na liña que queren seguir coma hoxe nos explicaban Berta Castro e Tania Rodríguez. Tremelique está integrada por 6 mulleres do Rosal e da Guarda.

As festas da Nosa Señora do Alivio de Tomiño celebraranse hoxe e se prolongarán até o próximo luns. Estivo con nos a súa alcaldesa, Sandra González, para falarnos da festa, e de outros asuntos do concello.

A programación das Xornadas Europeas da Cultura Xudía proseguen hoxe, mañá e o domingo con visitas guiadas e un concerto de Ana Alcaide.

Hoxe a cita é ás 20h coa visita guiada pola xudería medieval que partirá dende a praza da Inmaculada. Non é preciso inscrición previa.

Mañá sábado a proposta é musical. Ás 21h na Igrexa de San Domingos, Ana Alcaide ofrecerá un concerto de música sefardí. Natural de Toledo especializouse na interpretación de música antiga.

Por último pechando estas xornadas o domingo ás 13h realizarase unha visita guiada aos Sambenitos gardados no Museo Diocesano. Sairá da praza da Inmaculada.Trátase de pezas únicas en Europa que testemuñan a actividade da Inquisición a comezos do século XVII. Estes lenzos, que foron atopados na Catedral, sinalaban aos herexes reconciliados polo Santo Oficio, quedando marcados durante xeracións.

A visita, ao igual que a de hoxe venres, será conducida polo historiador tudense Suso Vila.

Este venres terá lugar a terceira cita das visitas “tralas pegadas do tempo” para coñecer o patrimonio arqueolóxico máis descoñecido de Tui. As dúas primeiras citas, ao Alto do Coello e Fontiñas, e os petróglifos da Macoca e o Castro do alto dos Cubos tiveron un gran éxito de público. A visita desta semana lavará os participantes a coñecer outros petróglifos, neste caso os de Rachadón e as Mámoas do Tetón.

Será unha andaina de 4 km polas corredoiras de Rebordáns. A dificultade é baixa para que se poida adaptar a tódolos públicos, aunque hai que dicir que non é recomendable para nenos de menos de 6 anos xa que é unha andaina de medo.

O prezo da andaina é de 6€ para maiores de 12 anos e 1€ para os menores, neste caso, será e carácter solidario xa que o recadado irá para os veciños de Paramos afectados pola explosión do pasado 23 de maio. A andaina ademáis rematará con rosca, chocolatada e queimada.

O punto de encontro será o Parque do Montiño,en Rebordáns e a saída é as 22:00h. É un circuíto cerrado, polo que o punto de comezo será tamén o de chegada. Para apuntarse hai que poñerse en contacto coa asociación no teléfono 660682365 ou o 635151889. Recomendan roupa cómoda e unha muda para cambiarse e disporán de coche escoba.

Avelino González actúa hoxe ás 22.30h na Semana Cultural de Randufe cun monólogo do que nos fixo un avance na nosa sintonía. Previamente ás 21.30h haberá un espectáculo maxia a cargo de Elisa e Ian.

Dar a coñecer os distintos aspectos da cultura xudía e polos en valor é o obxectivo das Xornadas Europeas da Cultura Xudía que se celebran en diversos países de Europa que comezaron no día de onte. Tui súmase a esta celebración con diversas iniciativas ate o próximo domingo día 9. O historiador tudense, Suso Vila, falounos destas actividades.

O Estadio Álvarez Durán de Tui acolle mañá a 1 do mediodía un partido de fútbol feminino internacional que enfrontará a Unión deportiva Egatesa contra o Sporting Club Braga. Precisamente no club canario milita a tudense Sara González Rodríguez, Sara Tui, quen nos contaba esta mañá como enfronta o encontro de mañá.

Este fin de semana Gustavo Rodríguez xunto con Héctor Catalá vai disputar o Campionato de España de Paratriatlón

Será unha proba que levan preparando en conxunto tan so unha semana pero que toman como un proba para un posible mundial, que se celebrará en dúas semanas en Gold Coast, Australia. O actual campión de España de Triatlón de corta e larga distancia, Gustavo Rodríguez, acompañará a Hector Catalá, campión de Europa no ano 16/17 e do mundo no 2016, cunha capacidade visual de tan solo un 5%.