Día a Día

Como tódolos anos, esta festa celébrase os dous primeiros fines de semana de setembro. A primeira xornada, mañá, venres a cita será co humor cun monólogo a cargo de Meli e as 22:30h concerto do grupo Radio Bungalow. A cita contnuará o sábado co festival de bandas de Guillarei e o domingo co festival Folclórico Virxe das Dores

Ás 21.00h desta noite a praza de San Fernando será o punto no que recale o programa de artes escénicas “Vive o Camiño” promovido por Turismo de Galicia e que está a percorrer este verán o Camiño Portugués e o Camiño Portugués da Costa. A cita hoxe en Tui, porta de entrada do Camiño Portugués a Galicia.

A proposta desta noite chega protagonizada por Celso Fernández Sanmartín “Celsiño” e de MJ Pérez.

Co título “O Camiño que camiña con nós” o poeta e contacontos Celso Fernández Sanmartín “Celsiño” presenta un espectáculo para todos os públicos no que conta contos, historias e memorias da tradición oral galega e da europea.

Por outra parte baixo o título “Sigo facendo Camiño” MJ Pérez, unha das novas voces do panorama actual da música galega, achega as súas cancións de autor dos seu último disco “ Casandra” e rescatará algún temas dos dous primeiros,“Ollos que non ven, síntoma de cegueira” e “Guerrilleira”. Esta noite será a primeira vez que MJ Pérez actúe aquí, en Tui. Falábanos esta mañá para contarnos o que imos a escoitar no concerto desta noite e como é ese novo disco que presentara hoxe.

Esta fin de semana comeza a XXXIII Semana Cultural de Randufe, será o venres, día 31 as 21:30h cos Playbacks de Baldráns e Xuntanza. A programación se prolongará toda a semana até o próximo xoves, día 6, que rematará coa festa gastronómica e animación musical coa Charanga Cantos Somos de Tui.

A festa conta cun amplo programa que conta con actividades deportivas, humor, animación para nenos, música e gastronomía.

Onte presentábase a 5ª Edición da revista Castellum Tyde promovida polo Instituto de Estudos Tudenses. Estivo na nosa sintonía esta mañá Javier Añoveros, presidente do Instituto de Estudos Tudenses, quen remarcaba a necesidade de que unha cidade como Tui conte cunha publicación cultural.

A revista, este ano, está dedicada a Francico Ávila y La Cueva, primer gran historiador tudense.

A marca Lenda é unha das marcas lider de pensos a nivel europeo e ten a súa sede aquí, en Tui. Esta empresa creada hai máis de dez anos dedícase a venda de comida de gama alta, con aimentos de primeira calidade para cans e gatos.

Será as 8 da tarde a inauguración desta 59 edición da festa, unha das máis antigas de Galicia. Haberá postos de comida e estarán alí tamén representación das máis de 50 bodegas da zona para presentar o seu viño.

A festividade será toda a fin de semana, a apertura é hoxe, as 7 da tarde, poderanse visitar os estánds e bodegas. Mañá, sábado, as 10 da mañá haberá cata de viños, onde non haberá premios, senón a distinción de viño delicioso do ano. O día forte, o domingo, cando se reciben as cofrarías e haberá desfile das cofrarías no recinto amurallado.

A vixésima semana cultural de Estas chega o seu fin nunha edición na que quixeron homenaxear a José Antúnez Pousa cunha mostra conmemorativa do escultor, quen fai 20 anos inauguraba por primeira vez esta xa recoñecida exposición. Trátase dunha serie de pezas modernas, de liñas definidas e cavidades feitas en mármore. O corpo humano e a natureza inspiran as creacións do artista, en pezas coma “Maternidad”, ”Torso”, “Mujer sentada” ou “Pez con cinta”.

Cos playbaks da parroquia hoxe ás 21.30h. remata a Semana Cultural organizada pola Asociación Cultural A Insua en Caldelas, e mañá comeza alí mesmo, en Caldelas, a festa da honra á Virxe da Rocha que reunirá a miles de persoas na ribeira durante os próximos días, nomeadamente o próximo luns na tradicional cea da empanada.

Mañá á mañá terán pasarrúas e animación con gaiteiros. Ás 20h celebrarase misa na igrexa parroquial cantada polo coro San Martiño de Caldelas con procesión ata a capela. O domingo a Banda de Música Popular de Tui ofrecerá un pasarrúas e concerto. Ás 12h celebrarase misa solemne cantada polo coro San Martiño de Caldelas no recinto da festa con procesión acompañada de música. O prato forte desta festa, as verbenas nocturnas tanto da fin de semana, como do luns e martes.

A xoven violinista tudense, Raquel Areal, que cursa na actualidade segundo curso de violín na escola superior de música Reina Sofía en Madrid, dará mañá, venres, as 20:30h un concerto na igrexa de San Domingos en Tui. Tocará un programa de pezas clásicas de compositores coñecidos como Mozart o Bach. Nesta ocasión ven acompañada da pianista catalá Isolda Crespi Rubia, con que xa coincidiu na escola de Portugal cando a pianista era profesora.

O técnico de Consulvin estivo esta mañá con nos para darnos uns consellos e solucións para afrontar estes días de extrema calor con respecto os viñedos.