Día a Día

Mil racións agardan vender este sábado na Romaría Solidaria do Polbo no Monte das Penizas a partir das 21h. Unha festa que levan celebrando dende hai vinte anos e que este ano a fan para recadar fondos para os afectados de Paramos e Guillarei. Así o explicaba Ismael Alonso,da Comisión de Festas de San Caetano, quen apuntaba que a ración terá un prezo de 10 euros. Non faltarán as actuacións musicais co Trío Arena, a Charanga Sghae, un cantautor de Baldráns e inchables para os nenos.

Este sábado 11 de agosto celebrase a segunda edición do Imos de Guateque en Salvaterra do Miño. Se recordará a música das décadas dos anos 60, 70 e 80 e prégase ir vestido con roupa da época.

Será no recinto amurallado de Salvaterra do Miño as 22:00h

O festival chega a súa quinta xornada esta noite tralo gran éxito de público dos primeiros días. No programa de hoxe haberá música de cámara con Kebyart Ensemble, un dos cuartetos de saxofón máis prometedor da actualidade. Pere Méndez, Rober Seara, Daniel Miguel e Víctor Serra son os compoñentes desta formación creada no ano 2014 na escola superior de música de Cataluña e cun repertorio moi variado. Kebyart Ensemble ofrecerá hoxe as 9:30h da noite un concerto baixo o título “Paris 1918, pour le tombeau de Claude Debussy” do que nos adiantaron os detalles esta mañá.

Este sábado 11 de agosto celebrarase andaina IV Ruta histórica de Tui nocturna. Trátase do quinto percorrido do circuíto de andainas saudables da Eurocidade Tui – Valença 2018.

Sairá ás 22h do palco da música no Paseo da Corredoira para realizar un percorrido de 4 quilómetros de carácter cultural-histórico. O prezo para poder participar é de 5€ por persoa. A inscrición pode realizarse en andatui.es até o xoves, 9 de agosto, ás 23.59 hora española.

Ernesto Chao foi Miro Pereira, Ramón Sampedro ou Fernández Albor na ficción, pero tamén foi presidente da Asociación de Actores e Actrices de Galicia e do Centro Damático Galego na realidade. Unha persoa comprometida, xenerosa e pioneira que deixa pegada no mundo das artes escénicas, hoxe de loito tralo seu falecemento. Falábamos esta mañá coa actual presidenta da Asociación de Actores e Actrices de Galicia, Nieves Rodríguez.

Hoxe continúan as Festas do Monte na Guarda tralo éxito da primeira xornada a pesar da choiva. Trala lectura do pregón, a cargo do presidente da asociación O Piueiro, Juaquin Cadilla, os guardeses desfrutaron das primeiras orquestras dunha semana chea de actividades.

Continuou a festa xa esta mañá cos grupos de gaitas que recorreron as rúa do pobo e actividades para nenos na alameda. Esta noite, verbena da man das orquestras Finisterre e Ritmo Noche. Serán sete días de música e tradición que rematarán o domingo.

Hoxe celébrase a cuarta xornada de Música no Claustro. Un festival que está a colleitar nestes días gran éxito de público. Onte mesmo á noite o claustro encheuse para disfrutar do concerto de Tina e Joe con clásicos do blues e do jazz. Samuel Diz explicaba precisamente esa excelente resposta con 900 persoas disfrutando do evento onte á noite.

Xa no programa de hoxe ás 18h está prevista a presenza na Catedral da directora xeral de Comercio, Sol Vázquez, que se achegará ata o taller de imaxinería a cargo de Miguel Ängel Tapia. Precisamente ás 20h o público en xeral poderá acudir ao taller e asistir á charla do

Jonatan Alvarado ofrecerá ás 21.30h o concerto “Pajarillos fugitivos: canciones españolas fuera de casa” do que hoxe nos falou e do que nos fixo un pequeño avance tocando unha guitarra barroca.

Continúa a programación do festival de Música no Claustro na Catedral de Tui. Esta tarde, as 18:00h, haberá un itinerario artístico-escultórico adaptado a persoas con discapacidade visual, baixo o nome de "Caricias en braille" e coa colaboración da ONCE. Rematará a noite co concerto de Tina Masawi as 21:00h.

Aproveitando a súa estancia no Baixo Miño, Manuel Campo Vidal fixo parada na nosa sintonía para falar de comunicación.

Hoxe venres celébrase a festa galego- alemán en Rebordáns, Tui. Actuará o grupo Volkstanzgruppe Frommern, escola San Fíns de Rebordáns e Xistra de Coruxo.

Será no parque de Laxal as 21:30h e con entrada de balde.