Juanma Quelle, coach e autor do libro “Territorio Felicidad” participa este sábado a partir das 18.30h nun evento benéfico que terá lugar no Auditorio Municipal das Neves.

A finalidade do evento é a recadación de fondos para colaborar tras os lumes nese Concello.

A Asociación de Empresarios As Gándaras do Porriño leva a cabo este ano unha nova edición do programa Ponte ao Emprego, financiado pola Consellería de Emprego e Industria da Xunta de Galicia. Este ano participan 85 mozos menores de 30 anos, dos que unha gran parte son de Tui coa colaboración do Concello.

Estivemos a falar sobre este programa con Mónica Pampín, coordinadora do mesmo, que nos deu máis detalles sobre esta iniciativa para preparar aos mozos para a inserción laboral.

O músico e mestre de gaiteiros Antón Corral será homenaxeado mañá no Teatro Municipal de Tui nunha gala organizada polo Concello.

Estivemos a falar con Suso Corral, fillo de Antón Corral, e con Fina Fernández, autora do libro “Antón Corral. A alborada dun soño”, sobre unha homenaxe que contará coa participación dalgúns dos seus alumnos como Carlos Núñez, Anxo Lorenzo ou Anxo Pintos. Amais estarán agrupacións vinculadas a esta figura da música tradicional.

Até este venres está aberto o prazo de inscrición para participar no desfile de comparsas de Entroido do venres de Foliada en Tomiño.

Este ano dende o Concello decidiron cambiar as bases e as prazas non se cubrirán por orde de inscrición, senón que será un comité o encargado de seleccionar as comparsas e carrozas participantes en caso de que haxa máis de 20 inscritas

Falamos sobre os prazos e as condicións para participar no desfile con Cristina Martínez, concelleira de Cultura do Concello de Tomiño.

A baixada do prezo da madeira fará que a Comunidade de Montes de Randufe teña que baixar o importe do seu orzamento para este 2018 e consecuentemente as actuacións a realizar. Así o explicaba hoxe o seu presidente Ángel Ramón Martínez Ramos, falando dos temas que tratarán na asemblea xeral que van celebrar este domingo. Será ás 9 en primeira convocatoria e ás 11h en segunda na casa cultural de Randufe.

Eduardo Freiría, concelleiro de Cultura, Patrimonio e Medio Ambiente do Concello de Tui, visitou esta mañá a RMT para falar de distintos temas nos que están a traballar nas súas áreas.

En primeiro lugar deunos conta do convenio que o Concello acaba de asinar con Abanca e coa súa obra social, Afundación, para acoller en Tui a mostra fotográfica "Auga, o sangue da terra".

Amais falounos dos últimos pasos que se están a dar para a aprobación definitiva do PECH, que está previsto que sexa realidade este verán.

A ampliación do ARI foi outro dos asuntos a tratar. Dende a Concellería de Patrimonio están traballando para que non esté limitada ao casco histórico da cidade.

A Cámara de Comercio de Tui acollerá o próximo mércores, 24 de xaneiro, de 10 a 11.30h a presentación do proxecto depoEmprende 2017. Trátase dun proxecto no que a Cámara colabora coa Deputación. É un obradoiro dirixido a persoas que esteán pensando en pór en marcha o seu propio negocio ou empresa.

Esta fin de semana a Asociación Cultural Betún volve cunha ampla programación musical. Hoxe terán a súa habitual Jam Session e mañá a programación será dobre con oferta para os cativos e para adultos. Ás 18h o dúo Nuri ofrece o conto musicado para nenos "La historia de los sentimientos" e ás 22h volverán actuar para presentar o seu primeiro disco "Alalá".

Contáronnos os detalles Esther Sánchez e Álex Farrapeira que viñeron acompañados dos integrantes de Nuri, Maddi Sanz e Ismael Cabaleiro, que amais actuaron para a RMT.

A Asociación de Parkinson do Baixo Miño está a impartir os luns de 17 a 19h no centro Sociocomuntario un Curso de Coiro para o que teñen prazas vacantes. O prezo é de 10€ ao mes, sendo os fondos recadados para a asociación.

O pavillón do IES San Paio acolle este domingo, dende ás 10h, o Torneo TTR SUB11 e SUB17 de Bádminton no que o club Bádminton Tui estará representando por 12 deportistas. Marisa Giráldez, presidenta de Bádminton Tui, resaltou que é un logro importante contar na cidade cun torneo a nivel galego.