Día a Día

Esta mañá estiveron na Radio Municipal de Tui Sandra Guarreiro, técnica de ACITUI, e José Díez, un dos vogais, para facer o sorteo de dúas cestas de Nadal. Para participar os clientes dos distintos establecementos que forman parte da Asociación podían comprar as papeletas durante esta campaña de Nadal. Os números premiados foron o 422, vendido en Joyería José Antonio, e o 327, vendido en Peluquería Carmiña. Noraboa aos premiados.

Os concertos de Nadal e Fin de Ano, e as actividades de dinamización infantil forman parte da oferta elaborada pola concellería de Cultura, Patrimonio e Medio Ambiente para estas festas. O seu responsable, Eduardo Freiría, deu conta das mesmas esta mañá na nosa sintonía.

Ás once desta mañá partiron da praza do Reló na Guarda os dous todo terreos de Conrazones que participarán coa ONG Rallie Soliario nun percorrido por África que os levará até o Atlas levando distintos material.

Piño Gómez, presidente de Conrazones, que participa nesta iniciativa por segundo ano consecutiva lembrou cóma foi a experiencia o ano pasado.

Deunos conta do percorrido que van realizar de sumándose a esta rallie no que en total participarán 28 vehículos de distintos puntos de España, eles serán os representantes galegos.

A programación de Nadal de Tui inclúe propostas para os máis pequenos durate os dúas 26, 27 28 e 29 de decembro e para o 2, 3, 4 e 5 de xaneiro. Celebraranse no edificio da Área Panorámica e no Cárcere Vello. Deunos máis detalles destas actividades e doutras co gallo do Nadal Eduardo Freiría, concelleiro de Cultura do Concello de Tui.

Dende o paseo da Corredoira sairá a IV Papanoelada solidaria organizada polo Motoclub Os de Sempre. A cita será a partir das 15.30h do domingo e pasarán por distintas casas culturais, amais de achegarse ata Valença. Falamos desta iniciativa con Marcos Míguez, que nos explicou algunha outra proposta que terán durante a mañá.

Mañá sábado terá lugar outra das citas coa música típica do Nadal no Concerto de Panxoliñas a cargo das corais tudenses, a Coral do Centro Sociocomunitario de Tui, a Coral San Telmo de Tui, e a Coral Polifónica Ponte das Febres. Será na Igrexa de San Francisco ás 20h. Falamos con un representante de cada unha delas.

Dentro da programación musical que cada semana ofrece a Asociación Cultural Betún temos dúas propostas para esta finde semana. A primeira delas será hoxe ás 22h co atípico dúo de guitarra clásica e saxo, Ramilo & Fraile. A segunda será mañá con Radio Bungalow, que volve cun tono moito máis eléctrico. Falamos destes dous concertos con Esther Sánchez e cun dos membros de Radio Bungalow, Adrián Pérez.

Esta tarde na Catedral de Tui inaugurase a mostra de Beléns que inclúe o gran nacemento que se instala cada ano e representacións de beléns de distintos puntos do mundo. Falamos dese acto con Eduardo Cadenas, de Amigos da Catedral, quen nos deu tamén datos sobre os concursos de Beléns e de Panxoliñas para os que o prazo de inscición remata mañá.

Dentro da programación musical que cada semana ofrece a Asociación Cultural Betún temos dúas propostas para esta finde semana. A primeira delas será mañá venres ás 22h co atípico dúo de guitarra clásica e saxo, Ramilo & Fraile.

Tivemos ocasión de falar con seus componentes, Iago Ramilo ao saxofón e Miguel Fraile á guitarra, que, amais de tocar na RMT algunhas pezas en directo, nos contaron un pouco como surxiu a súa colaboración musical e o que ofrecerán no seu concerto.

Mañá ás 21h a Orquestra Sinfónica de Tui ofrecerá no Teatro Municipal de Tui o Concerto de Nadal no que participará tamén a coral da Academia da Música da Fortaleza de Valença. Esteban Alonso, membro do Conservatorio de Tui.