Falamos con Julián Iglesias, técnico do Club Náutico San Telmo, e Julio Areal, presidente do Club Reo Miño, sobre o I Concurso Internacional de Pesca Deportiva de Savella. A cita é o domingo 25 de xuño e a competición contará con modalidade de orilla e modalidade con embarcación.

Ester Sánchez nos conta a programación do Betún para esta fin de semana. Con motivo da festa de San Xoán as actividades limítanse ao domingo con concerto do Ismael Cabaleiro Quintet ás 21.30

O actor Antonio Durán Morris contanos os pormenores de Fariña, a serie sobre o narcotráfico en Galicia na que participa interpretando a Manuel Charlín. Fariña inspírase no libro homónimo de Nacho Carretero e conta con un equipo técnico e artístico esencialmente galego.

O pavillón deprotivo de Tui acolle este domingo dende ás 10.30h o IV Campionato Ibérico de Kung Fu Eurocidade. Eduardo Méndez Sanjurjo, o seu director técnico, explicou que haberá 325 participantes tanto de kung fu tradicional coma modern, con competidores de alto nivel, pero tamén con moita presenza da canteira deste deporte. Trátase dun campionato moi dinámico que se desenvolverá durante dúas horas.

O periodo de solicitude de prazas para os ciclos formativos do IES Indalecio Pérez Tizón comeza o luns 26 de xuño e finaliza o 4 de xullo ás 13 horas. O vicedirector do centro, Xosé Manuel Álvarez López, contounos cal é a oferta formativa para o curso 2017/2018. Unha das profesoras dos ciclos de Comercio, Leticia Fernández Rivero, falounos sobre os contidos da formación e dous exalumnos, Javier Oliveira e Xosé Manuel Sánchez, comentaron a súa experiencia o centro.

Do 3 ao 8 de xullo celebrarase nas instalacións deportivas Álvarez Durán o I Campus Denis Suárez de Fútbol dirixido a nenos de 4 a 14 anos. Celebrarase de 9 a 14h de luns a venres. A inscrición pode facerse ata o venres 30 de xuño, cun prezo de 140€ por neno, en www.campusdenissuarez.com

Miguel Capón Sánchez, membro da organización do Campus, explicaba que a realización desta actividade partiu do propio Denis Suárez.

No mes de setembro Tui volverá sumarse á celebración das Xornadas Europeas da Cultura Xudía coa celebración dunhas xornadas con distintas ponencias. Así o confirmou o concelleiro de Turismo, Laureano Alonso, tras a participación o pasado venres en Bragança no congreso internacional Terras de Sefarad. Tui segue a traballar para integrarse na Rede de Xuderías de España, e o próximo mes de xullo recibirá a visita da súa presidenta. Amais tamén se programa a edición dun novo folleto dunha nova ruta sobre os sinais xudeus no conxunto histórico. Laureano Alonso tamén acudiu a Vila Real onde se celebrou Expocidades.

O alcalde da Guarda, Antonio Lomba, deu conta na Radio Municpial de Tui dos pormenores da Festa da Langosta e da Cociña Mariñeira, unha cita que terá lugar os días 30 de xuño, 1 e 2 de xullo no porto da Guarda. O venres o pregón correrá a cargo do Bruxo Queiman e Andrea Pousa e o domigo a programación cultural da festa incluirá unha noite do Fado da man de María do Ceo.

O Colexio Rural Agrupado de Tui leva o nome de Clara Torres. Mestra que exerceu durante décadas nas súas aulas. Hoxe a súa actual directora, Teresa Domínguez, fixo unha semblanza da Clara, lembrando a súa importante labor de educativa avanzada aos tempos.

O alumnado do CEIP nº2 de Tui traballou ao longo deste curso, que está a piques de rematar, no proxecto "Coas nosas mans o teu sorriso". Hoxe alumnos do centro explicáronnos o traballo que realizaron nos últimos meses. E avanzaron que este xoves estarán recollendo material escolar para un orfanato do Congo de 10 a 13h na Praza da Inmaculada.