Día a Día

O alcalde de Tui, Carlos Vázquez Padín, expuxo hoxe na nosa sintonía sobre a expulsión de Mª Jesús da Silva, membro do seu equipo de goberno e concelleira de Urbanismo, de APTUI, hai que clarificar as garantías xurídicas desta decisión, motivo polo que a secretaria municipal requirirá un informe ao partido independente.

Este venres o Teatro Municipal de Tui acolle dobre función de “Redondo” unha obra de teatro para nenos de 6 meses a 3 anos que chega da man de Caramuxo Teatro. A cita será ás 17.30h e ás 19h estando limitado o aforamento a 100 espectadores por función. Sobre os detalles desta proposta falamos co seu autor e único actor sobre o escenario, Juan Rodríguez.

A raíz do campamento para nenos con TEA que se realizou este verán en Tui a profesora do Conservatorio Laura González e a psicóloga do gabinete Anarela Ana Vila iniciaron un proxecto que agora se fai realidade en “Música para todos”. Trátase dunha iniciativa para achegar a formación musical aos nenos con Trastorno do Espectro Autista. Falamos con elas e coas nais de dous dos nenos que están a participar.

SOS Tomiño Baixo Miño atende na actualidade a 117 familias no Rosal, Tomiño e Tui ás que levan entregadas 118 toneladas de alimentos no que vai de ano. Estos son os datos dos que falamos con José Quinteiro e Pilar Álvarez, que amais nos deron conta da súa búsqueda de local en Tui e das campañas que levarán a cabo nas vindeiras semanas.

A Xefatura provincial de Tráfico e o Concello de Tui están a levar a cabo un ano máis a súa iniciativa de educación viaria para nenos. Durante o pasado curso esta actividade levouse a cabo nos CEIP nº1 e nº2, e nesta ocasión son os nenos dos colexios das distintas parroquias os que se están a formar en seguridade e normativa viaria. Falamos sobre as xornadas con Elena Rodríguez, coordinadora provincial de educación viaria.

Esta mañá tiveron lugar unha serie de concentracións en distintas localidades coa finalidade de facer visible a discriminación á que se enfrontan as persoas con discapacidade pola presenza xeneralizada de barreiras.

COGAMI participa así no marco dunha campaña de COCEMFE Nacional baixo o lema “#AccesibilidadYA: pola accesibilidade de produtos, entornas, bens e servizos”.

Ángel Olguera é o presidente de COGAMI, e con el falamos sobre os problemas que se atopan cada día.

A Urban Trail Night chegará por segundo ano consecutivo á Eurocidade Tui-Valença este sábado día 11, unha proba de 14 km cun trazado que pretende sorprender aos participantes con todo tipo de escenarios entre dous países. Está organizado pola empresa Quality Sports, dende a que Serafín MArtínez nos deu máis detalles desta cita deportiva.

O Concello da Guarda celebrará unha homenaxe a todas as persoas que axudaron na limpeza das costas galegas tras o afundimento do Prestige. Será o vindeiro domingo 19, cando se cumpren 15 anos do desastre, ás 12.30h xunto ao monumento "Homenaxe á Marea Branca" no mirador de Fonte Quente.

O acto contará, entre outros, coa intervención de Xabier Garrido, creador do monumento e impulsor da homeanxe, co que tivemos ocasión de falar esta mañá.

Hoxe ás 21.30h A Panadaría presenta “Elisa e Marcela”. Baixo a dirección de Gena Bahamonde as actrices Areta Bolado, Noelia Castro e Ailén Kendelman dan vidaao primeiro matrimonio homosexual en Galicia. Casaron o 8 de xuño de 1901 e para logralo Elisa tivo que se transformar en Mario. A súa é unha historia de transgresión, de desafío ás regras e de defensa dos seus dereitos. Con Areta Bolado tivemos ocasión de falar sobre esta proposta teatral e musical.

A compañía de novo circo galego Pistacatro celebra os seus dez anos reunindo a parte dos seus fundadores, cunha homenaxe aos pallasos clásicos e con música en directo. É unha celebración da amizade e do fracaso. Un reencontro cheo de emocións, verdade e humor. Sobre o escenario estarán Aitor Garuz, Natalia Outeiro “Pajarito”, Pablo Reboleiro e Manu Lago.

Falamos sobre este espectáculo de circo clásico con José Expósito.