Día a Día

Laureano Alonso, voceiro de Son de Tui, membro do equipo de goberno e concelleiro de Deporte, Servizos Sociais e Turismo, valorou a moción de censura presentada a semana pasada. Dende o seu punto de vista trátase dunha moción inxustificada e unha decisión tomada fora de tempo motivada pola ambición persoal. Considera que os votantes do PP teñen motivos para sentirse decepcionados polo que, nas súas palabras, é un engano dobre. En relación coa falta de diálogo a súa resposta é clara: persoalmente sempre estivo aberto a explicar o que se fai dende o goberno. Ante o argumento que fala da falta de entendemento considera que existe unha diferenza de sensibilidades, pero que pode ser incluso positiva.

Esta fin de semana arranca a programación de outono no Teatro Municipal de Tui. O sábado ás 20.30h será o turno da compañía ourensá ilMaquinario con "Resaca".

As entradas estarán á venda en www.culturatui.info ata as 12h ou pola tarde dende ás 19h no despacho de billetes aos prezos de 6€ e 4,5€.

Falamos sobre este traballo con Tito Asory, o seu director.

Mila González, voceira de Ciudadanos Tudenses, explicou que tras as negociacións levadas a cabo nos últimos meses e retomadas tras acceder ela ao cargo de voceira de CsT chegaron a un acordo para presentar a moción de censura baseándose no que consideran foi unha falta de diálogo por parte do actual goberno.

Suma tamén aos motivos desta moción a falta de proxectos

Afirmaba que o novo goberno non será unha volta atrás porque houbo unha renovación nos partidos que a apoian.

O Betún ofrece esta fin de semana unha Jam Sessión hoxe venres pola noite e mañá en concerto aos Maple Apple. Deunos conta desta proposta Esther Sánchez.

Miguel Capón voceiro de Alternativa Tudense, membro do equipo de goberno e concelleiro de Eurocidade e comercio, sobre a moción de censura presentada este luns recoñecía que é legal pero non lexítima porque non hai razóns extraordinarias para a súa presentación. Negou que houbese falta de diálogo coa oposición e tamén a existencia de división no seo do equipo de goberno. Ao tempo fixo repaso das areas de Comercio e Eurocidade.

Trompicallo será a compañía encargada de abrir este venres, 6 de outubro, no Teatro Municipal de Tui a programación de outono. Será ás 20h coa estrea da súa última montaxe “Planeta Ardora”, un espectáculo dirixido a público familiar coa luz como protagonista.

Nos 50 minutos que dura a obra Sabela Amado Rojo, Luís González e Marián González conforman o elenco. Esta última, que tamén é a autora do espectáculo, avanzounos algo sobre unha proposta na que se pronuncian tan so catorce palabras.

Este domingo celébrase en Tui o concurso de pintura ao aire libre "Pinta Tui", que organizan por segundo ano consecutivo ACITUI e o Concello de Tui. Os participantes poderán utilizar distintas técnicas e os cadros deberán representar algún aspecto da cidade. Dende ACITUI, Juan Carlos Blanco e José Manuel Díez déronnos máis detalles.

Carlos Vázquez Padín, líder de C21, será o próximo alcalde de Tui tras o 17 de outubro coa moción de censura presentada o pasado luns. Asúme este reto con responsabilidade e prudencia recoñecendo que non é doado ser alcalde. Con el analizamos polo muído os motivos desta moción e cal vai ser o programa que queren levar adiante.

En agosto de 2016 saiu ao mercado a empresa SomosOcéano formada por Ana Carpintero e o tudense Fran García. Hoxe presentáronnos a súa iniciativa empresarial na que apostaron por unha liña de moda sostible e cun compoñente sentimental galego. As camisetas Riquiñas, República Indenpendende as Illas Cías, son só algúns do modelos que teñen nunha oferta baseada no algodón e na que os calcetíns teñen un oco propio. Teñen tenda on-line pero tamén puntos de venda en distintos lugares de Galicia. Aquí en Tui en Porta da Pía e o Parador.

Dende hoxe pódese visitar na sala de exposicións do edificio da Área Panorámica unha exposición de cadros ao óleo e arte con teas. Trátase dunha mostra do traballo de María Luisa Crespo na parte de pintura e María Jesús Prieto na parte de tecidos ou patchwork.

Esta exposición poderase visitar ata o vindeiro 23 de outubro en horario de 10h a 14h e pola tarde de 16h a 20h.

Chus Prieto foi a encargada de explicarnos o que se pode ver na exposición, na que o seu traballo está representado por obras con distintas técnicas.