Día a Día

Dar a coñecer as convocatorias de axudas para obras e axudar na tramitación destas achegas é o obxectivo da Oficina de Rehabilitación que dende comezos de mes presta servizo no Concello de Tui. Así o explicou hoxe a concelleira de Patrimonio, Carmen Núñez. María Ferreirós, a técnica responsable desta oficina, explicou que esta axudas repercutirán na calidade da vida dos veciños. A Oficina atende aos veciños os xoves de 9 a 14h informándoos das axudas existentes e asesorándoos no proceso a seguir.

Os Best Boy volven mañá a casa, a Tui, para abrir musicalmente o IKFEM, nun concerto especial na vella Ponte Internacional de Tui-Valença. Os temas do seu primeiro traballo "Cross the border" soarán a partir das 21h nun evento especial coma hoxe explicaba Ángel Sánchez.

Este sábado ás 20.30h terá lugar no torreiro de Malvas o IV Festival Arume de Malvas. No mesmo participarn o grupo Airiños de Orbazal de Lugo, Santa Columba de Ribadelouro e os organizadores Arume de Malvas. Desta actividade faláronnos Aurelio Rodríguez, presidente, e Joaquín Valverde.

As instalacións deportivas Álvarez Durán de Tui acollen este sábado o I Campus de fútbol americano e fútbol flag organizado polo Club Vigo Guardians coa colaboración do Concello de Tui. Pedro Álvarez, presidente dos Vigo Guardians explicou as características deste deporte, e en qué vai consistir a actividade prevista para este sábado de 10 a 13h e de 16 a 19h

Tras dous anos ao fronte da Comandancia Naval do Miño o capitán de corveta Enrique García entregará mañá ao mando ao tamén capitán de corveta José Ignacnio Tobarra. Hoxe Enrique García fixo balance destes dous anos en Tui.

Este venres arranca unha nova edición do Festival Internacional de Instrumentos de Tecla da Eurocidade Tui-Valença. Falamos coa súa directora, Andrea González, que nos deu conta de todos os detalles deste V IKFEM. Concertos, marterclases e wokshops encheran as dúas beiras do Miño de música no quinto aniversario do evento.

Este sábado, 22 de xullo, celébrase no Centro Cultural de Pexegueiro o Festival Nacional do Folclore 2017, no que participarán o grupo folclórico O Mosteiro e o grupo de Jota Aragonesa Cinco Villas. Falamos con Antonio Costas, presidente da Asociación Socio-cultural O Mosteiro, e con Xosé Oliveira, responsable do seu grupo de gaitas, que nos deron conta dos detalles deste encontro.

Este xoves comeza a programación do verán cultural en Tui que vén recollida nun novo número da Axenda Corredoira Cultural que foi presentada o pasado venres. A concelleira de Ensino e Cultura, María José González, explicounos con detalle a oferta prevista. Ao tempo deu conta tamén das actuacións que se están a realizar nos distintos centros educativos aproveitando a época estival.

O alcalde de Tui, Enrique Cabaleiro, valorou hoxe os dous anos de corporación municipal, que nas súas palabras foron intensos cun funcionamento exemplar do goberno. Saiu ao paso das críticas dos grupos da oposición de existir catro alcaldes e de falta de diálogo.Sobre a moción de censura sinalou que non lle preocupa pero matizou que non lle agrada porque reclaman o dereito de rematar o traballo iniciado no dous anos que restan ata as próximas eleccións.

Unha vez máis o Betún, na rúa Cuenca, encara a fin de semana con música. Falamos con Jorge Aldir, que nos deu conta da oferta para estes días. Hoxe venres haberá Disco Beta e mañá contarán con Javi Pelón e a súa ecléctica sesión en vinilo. Ambos días a entrada é de balde para socios beta e betuneiros.