Día a Día

O Conservatorio Profesional de Música de Tui e a Asociación Frai Rosendo Salvado organizan un curso de Gaita de Fol esta fin de semana a cargo de David Bellas, titulado superior no CMUS de Vigo. Falamos sobre esta iniciativa con Rubén López, director do Conservatorio Superior de Tui, e con Eduardo Rodríguez, profesor de gaita.

Esta semana dá comezo a programación do Verán Cultural "O Son da Praza" de Tomiño. Estivemos conversando coa concelleira de cultura do municipio, Cristina Martínez, que nos deu conta de todos os detalles da oferta prevista para os meses de xullo e agosto.

O voceiro de AtT e concelleiro de Eurocidade, Miguel Capón Rey, compareceu hoxe na nosa sintonía dentro da rolda de conversas co gallo dos dous anos das corporación municipais. Capón Rey fixo un balance positivo destes dous anos de goberno municipal no que hai proxecto político común baseado nos proxectos políticos dos catro grupos. Sobre unha posible moción de censura dicía que é legal pero outra cousa é que sexa lexítima.

A próxima semana terá lugar a II Aula Internacional de Saxofón, organizada polo Conservatorio Profesional de Música de Tui e a Asociación Frei Rosendo Salvado. Falamos dos detalles con Rubén López, o seu director, e co profesor de saxofón Jorge Vicente Amorín. Ademais tivemos a oportunidade de conversar con Rafael Yebra, do CMUS de Vigo, que será un dos profesores encargados desta aula xunto con Arno Borkamp, do CMUS de Ámsterdam.

Falamos con Clara de Macedo, da Asociación Un máis, e con Ana Vila, Psicóloga de Anarela. Estas dúas mulleres implicadas no traballo con nenos con TEA déronnos conta dos resultados do proxecto "Dentista Máis" e faláronnos un pouco sobre as actividades que haberá no campamento de verán "Conectando Máis".

O 13 de xuño de 2015 tomaba posesión a actual corporación municipal de Tui, motivo polo que iniciamos unha rolda de entrevistas cos representantes dos distintos grupos políticos. Hoxe comezamos con Carlos Vázquez Padín, de C21, quen fixo balance destes dous anos, pero tamén se referiu á rolda de prensa que ofreceron o pasado sábado.

Este mes de agosto non se celebrará unha nova edición de Música no Claustro debido á realización de obras no templo catedralicio. Así o confirmaba hoxe na nosa sintonía o seu director Samuel Diz.

Hoxe e mañá temos cita musical no Betún, na rúa Cuenca. Hoxe a partir das 23h sesión Disco Beta coa habitual selección musical aberta á participación de todos os betuneiros. Mañá a música correrá a cargo de Funkente, un Dj betuneiro que mezclará soul e funk coa electrónica e moitos outros estilos. As dous días a entrada é de balde para todos os socios.

As parroquias tudenses de Paramos, Baldráns, Guillarei e Caldelas e as valencianas de Verdoejo, Friestas e Ganfei participan este domingo na IV Festa Luso Galaica no parque de merendas de Verdoejo en Valença. Haberá actividades ao longo de todo o día das que nos deu conta Manuel Méndez da Asociación Lembranzas da Terra de Guillarei.

O Club Bádminton Tui celebra mañá unha xornada de portas abertas no pavillón do IES San Paio de 4.30h a 20h. A súa presidenta Marisa Giráldez fixo hoxe balance desta primeira temporada na que tiveron adestrando a 85 rapaces e a 12 adultos. E tamén avanzou os obxectivos que marcan para a próxima temporada.