Día a Día

Falamos coa concelleira de turismo de A Guarda, Montse Magallanes, que nos contou un pouco mellor como se vai desenvolver esta XXVII edición da Festa da Langosta e da Cociña Mariñeira. Ademais de gastronomía esta cita está cargada de música e espectáculos para toda a familia.

Hoxe falamos con Manuel Vázquez de la Cruz e Javier Vázquez, da Asociación Levada Libre, sobre a presentación do libro de Sol Gómez Arteaga "El sol a la tinaja y otros cuentos", que terá lugar no Club Náutico San Telmo o venres 30 ás 20h. Ademais a propia autora nos contou un pouquiño máis sobre a súa obra.

Falamos con Teresa Domínguez, directora do CRA Clara Torres, á quen lle acaban de conceder o Premio Nacional de Educación á Carreira Docente correspondente ao ano 2016. A mestra contounos como se recoñece con este premio todo o que ten feito no ámbito educativo sen esquecer a importancia de Clara Torres na súa carreira.

O concelleiro de Medio Ambiente, José Martínez Tato, deu conta hoxe na nosa sintonía da entrada en funcionamento a próxima semana dos composteiros comunitarios na traseira da Área Panorámica. Ao tempo fixo un chamamento á cidadanía para o correcto uso dos contedores de recollida selectiva. Deu conta tamén do estado das praias fluviais. E na súa calidade de presidente do club AndaTui explicou os detalles da Andaina Romaría das Angustias prevista para este sábado.

Falamos coa nosa compañeira Antía Muíños que este domingo se estrea como reporteira do programa da Televisión de Galicia "Vaia Troula". Antía comentounos un pouco como están a ser os seus primeiros pasos na pequeña pantalla.

May Acebes cerra a temporada literaria coa súa última recomendación: o libro "El domingo de las madres" de Graham Swift. Ademais trae un par de curiosidades lingüísticas e unha belísima sorpresa de despedida... ata setembro.

Antonio Lomba leva dous anos ao fronte do Concello da Guarda. Hoxe na nosa sintonía fixo balance deste período e falou de proxectos nos que traballan coma a humanización da rúa Concepción Arenal, a saída sur do Porto, un auditorio, ou a demanda do remate da VAP Tui-A Guarda.

O venres 30 de xuño comezará a peonalización definitiva do conxunto histórico de Tui, tras remata a fase de proba realizada durante este mes de xuño. A concelleira de Patrimonio, Carmen Núñez, e o de Seguridade, José Ramón Magán, valoraron na nosa sintonía esta fase de proba.

Falamos sobre o II Campus de Fútbol Sala Toñín Martín. Xacobo Morais, coordinador de A Quinta de Tui, Laureano Alonso, concelleiro de deportes, e o propio Toñín Martín explícannos como se vai desenvolver o Campus, cales son as previsión e o que os rapaces van poder aprender.

Falamos con Julián Iglesias, técnico do Club Náutico San Telmo, e Julio Areal, presidente do Club Reo Miño, sobre o I Concurso Internacional de Pesca Deportiva de Savella. A cita é o domingo 25 de xuño e a competición contará con modalidade de orilla e modalidade con embarcación.