Día a Día

Até este mércores, 31 de maio, están en Tui un grupo de remeiros universitarios da cidade de Cambrigde pertencentes ao Aglia Rusking University Rowing. Con idades entre os 18 e os 24 estes remeiros están a adestrar no Centro Interfederado de Remo e Piragüismo en Tui, xunto aos remeiros do Club Remo Tui. Entre os membros do equipo inglés está o tudense Darío Al-Barazi que nos acompañaou esta mañá xunto aos remeiros Joe Lilis e Alex Shaw e o directivo José Siás.

Jose Manuel Silva é o presidente do Mecalia Atlético Guardés, un club que este ano cumpre o seu 50 aniversario e que mañá xoga un partido histórico, xa que o empate ou a vitoria ante o KH7 Granollers daríalles o título de campión de liga da máxima división do balonmán nacional feminino.

Mañá sábado de 11 a 14h e de 16 a 20h celebrarase unha xornada de portas abertas na Comandancia Naval do Miño co gallo do Día das Forzas Armadas. O comandante naval, Enrique García, explicou que haberá unha exposición de artes de pesca, a proxección dun vídeo institucional, e pola tarde acollerá a saída do V Triatlón Tui-O Porriño.

Miguel Capón Rey, voceiro de Alternativa Tudense, sinalou hoxe que é sorprendente que se presenten ao mesmo as dimisións de Sousa, Vázquez e Rocha, e non as dimisións en si. No seu parecer están pensadas para facilitar a moción de censura, para a que cre que non hai motivos.

Mañá ás 19h no pavillón da Sangriña, na Guarda, xogarase un partido histórico no que o Mecalia Atlético Guardés pode proclamarse campión da División de Honra Feminina de Balonmán. O alcalde da Guarda, Antonio Lomba, recoñece que isto é todo un soño. As da Guarda dependen de sí mesmas, válelles un empate ou a vitoria para lograr o título.

José Ignacio Prades está dende esta tempora ao fronte do Mecalia Atlético Guardés, un equipo que levou a pelexar polos primeiros postos da División de Honra Feminina e que mañá se pode proclamar campión de liga.

Carmen Núñez, voceira do BNG, tras as dimisións anunciadas por Sousa, Vázquez e Rocha, sinalou que este parece que é o primeiro paso de cara á presentación dunha moción de censura, que no seu parecer non está xustificada por ningunha actuación do goberno, senón que responde a intereses políticos e partidistas.

A proposta do Betún nesta fin de semana comeza ás 22h coa cantautora galega Sheila Patricia presentando o seu disco, "El camino de los sueños" que acaba de ver a luz nesta primavera. Entrada 3€. Mañá ás 23h o tudense Diego Estevez a.k.a. Dj Junior será o encargado de pórlle música á noite. Entrada de balde. Por último o domingo ás 20h será a quenda de Miguel Angelo Cuarteto presentando o seu segundo traballo “A vida de X”. Miguel Angelo estará cando a João Guimarães, Joaquim Rodrigues e Marcos Cavaleiro. Entrada 3€.

Carlos Vázquez Padín de C21 afirmou hoxe que o seu partido estaría disposto a abrir un proceso de diálogo de carácter programático co PP, despois do congreso local dos populares. Indicou amais que a dimisión de José Manuel Sousa, Manuel Glez. Vázquez e Antonio Fdez. Rocha é un feito sen parangón no municipalismo español. Dicía que esas dimisións hai que lelas en clave do PP e non de esixencias de C21.

Manuel González Vázquez de Ciudadanos Tudenses dimite coma concelleiro deixando paso a Andrés Urceira, tal e coma tiñan acordado ao comezo do mandato. Así xustificou a súa decisión o líder de CST, xunto ao feito de que de forma inmediata se van integrar no PP. Negaba que detrás da súa renuncia estea unha moción de censura.