Este domingo, co gallo de promover e achegar a arte e a cultura aos visitantes á vez que se incentiva e dinamiza a oferta turística, celebrase en Tui o I Concurso de Pintura “Pinta Tui”, organizado polo Concello de Tui, Acitui e Efectos.

No concurso poden participar artistas nacionais i estranxeiros e a técnica e libre. Iso si, teñen oito horas para plasmar a beleza dos diferentes recunchos da cidade nos seus lenzos.

A compañía Elefante Elegante regresa mañá ao Teatro Municipal de Tui cunha obra para público familiar. Trátase de “Danza da choiva” un espectáculo de teatro xestual con danza, manipulación de obxectos e monicreques. A cita será ás 20h e está recomendada para nenos dende os 3 anos.

Sobre o escenario estarán María Torres e Gonçalo Guerreiro para dar resposta á pregunta qué acontecería se de súpeto deixase de chover?. Hoxe falamos con María Torres.

Seis actividades conforman o programa de “Faladoiros en Educación” que por segundo ano consecutivo poñen en marcha o Concello de Tui e o Colexio Rural Agrupado Mestra Clara Torres. Comezan esta tarde e ser van prolongar ata o mes de marzo. Teresa Domínguez, directora do CRA, explicaba os obxectivos desta actividade.

A primeira cita será ás 18h na Sala Félix Rodríguez da Área Panorámica cunha mesa redonda titulada “Na procura de aspectos positivos e negativos das avaliacións finais de Primaria e Secundaria”.

O pavillón polideportivo de Goián acollerá este sábado e domingo, o “XIII Mercadillo y Exposición de Motos Antiguas”, organizado pola Asociación Amigos das Motos Antigas “Dalle Gas”, de Tomiño. Ademais da compra-venta de recambios para motos antigas, coches clásicos e miniaturas, os visitantes poderán contemplar verdadeiras reliquias, con máis de 80 anos de antigüidade.

O vindeiro 7 de novembro arranca en Tui a 1ª Liga Social de Pádel organizada polo Club PadelTui. Ten como obxectivo promocionar este deporte á vez que se lle da continuidade a practica deportiva de pádel. Trátase dun proxecto no que dende PadelTui viñan traballando dende fai tempo e agora ponse en marcha con catro fases xunto a unha fase final.

Hoxe falamos con Cristina Rey. Ela, xunto con Sandra Alonso, Diana Gonçalves e Natalia Vaamonde, viaxou até o campo de refuxiados sirios de Ritsona, en Grecia, para colaborar na mellora das condicións das persoas que alí se atopan fuxindo da guerra do seu país.Durante os oito días que alí estiveron o mais duro foi o choque coa realidade, que non por coñecida deixa de ser menos terrible.

Concerto especial será o que acolla este domingo ás 18.30h o Auditorio Municipal do Rosal xa que a banda local celebra o seu trinta aniversario.

Baixo a dirección de José Javier Bascoy interpretarán un programa con obras de diversos estilos dos compositores Luis Serrano Alarcón, Shostakovich, José Serrano, Teo Aparicio Barberán e Gershwin. Amais dos músicos actuais da banda tamén participarán excompoñentes da agrupación.

Na tarde de onte os veciños que acudiron a reunión para a creación da Asociación do Conxunto Histórico de Tui decidiron crar un censo do mesmo, que permita coñecer o número de veciños e tamén as súas necesidades. Así nolo contou un dos promotres, Suso Carrera.

Nos últimos días tivo unha reunión de Confrarías de San Telmo no Porto, onde estiveron o alcalde de Tui, Enrique Cabaleiro, o alcalde de Fromista, o presidente da Asamblea do Porto, os bispos de Tui e Porto e as confrarías de San Telmo de Tui, Palencia, Fromista e Bos Aires. Entre os obxectivos que se buscaban con este encontro eran o de estudar a posibilidade de crear unha confraría maior xuntando as xa existentes ou polo menos, lograr unha maior unidade segundo nos contou esta maña, o secretario da Confraría de San Telmo en Tui, Antonio Cordo.

Mañá venres o Liceo Casino de Tui acollerá a presentación do grupo Contradición, antes coñecido como Ollos Pretos. O grupo continúa coa música tradicional, pero con vocación internacional e intercultural. Combina ademais folk cunha coidada posta en escena.