Día a Día

Este domingo temos dobre cita deportiva en Tui. Por unha banda no novo pavillón celebrarase a clausura das escolas de patinaxe da Deputación de toda a provincia, reunindo a máis de 1200 patinadores. Por outra parte en augas do río Miño, a carón do porto deportivo, terá lugar a Copa Galega de Promoción de Slalom. O concelleiro de Deportes, Laureano Alonso, deu conta destas actividades xunto a Manuel Freiríam encargado da organización da proba de slalom.

A Aula da UNED de Tui, coa colaboración do Concello de Tui, realizará por segundo ano o Campamento Urbano "Inglés no meu entorno" do 26 de xuño ao 7 de xullo. Celebrarase en horario de 10 a 18.30h de luns a venres.

Ofértanse 20 prazas e os interesados pódense inscribirse ata o 21 de xuño. Deunos hoxe todos os detalles Margarita Pino, coordinadora da Aula UNED Tui

A nosas letras foron xa protagonistas tamén o pasado venres no Tui Le no que participaron máis de 800 escolares, Hoxe facía balance do mesmo o profesor José María Lores.

Escolares de Tui, O Rosal, Ponteares e Salvaterra participaron hoxe na celebración do Correlingua, a carreira pola organizada pola CIG-Ensino, a Asociación Socio-Pedagóxica Galega (AS-PG) e a Mesa pola Normalización Lingüística.

Amais da carreira pola lingua que comezou na Glorieta de Vigo, gozaron despois de distintas actuacións na traseira da Área Panorámica conducidas por Luís “O Caruncho” e coa Compañía do Ruido. Os escolares portaron pancartas e carteis con distintos lemas sobre o galego. Marta Dacosa, da CIG Ensino, deunos conta hoxe dos obxectivos desta actividade.

O próximo luns comeza na aula da UNED de Tui o curso “Achegas da neuroeducación ao deseño do proceso educativo”. Un dos poñentes será Jesús C. Guillén, que o venres impartirá a aula “Abordaxe dos mitos sobre neuroeducación”. Hoxe Jose Font falou con el no programa Día a Día.

A inscrición está aberta en www. unedpontevedra.com, no 986 85 18 50 ou persoalmente na Aula UNED de Tui. A matrícula tem un prezo de 22 euros.

Hoxe noite de Jam Session no Betún a partir das 22h e mañá, á mesma hora, será a quenda de José Valente com jazz, improvisación e música electrónica, tamén ás 22h. Mañá a entrada custará 3€

Os sons e as imaxes da Costa da Morte xunto a unha historia de amor son o fío condutor de Sicixia, a película dirixida por Ignacio Vila que ás 21.30h se proxecta na Área Panorámica. O propio director falounos deste filme que precisamente tamén hoxe estrea en Barcelona.

As entradas para esta noite en Tui pódense mercar ata ás 12h en www.culturatui.info e dende ás 20h no despacho de billetes.

O Paseo da Corredoira acolle este domingo ás 19h un desfile de moda de cerimonia e festa organizado por ACITUI, do que nos falaron o presidente Juan Carlos Blanco, xunto a Hortensia Martínez de La Flor e Patricia Estévez de Volvoreta. Amais ACITUI realizou onte na nosa sintonía o sorteo da campaña do Día da Nai. Os gañadores foron foron Marila, Marita, Isabel, Lita, Puri e Luís polas compras realizadas en Papelería Valverde, Academia Eis, Polisport Tui, Carlos Joyero, Opticalia Tui, e Edades Tui. Lévanse un vale de compra de 50 € para consumir en establecimientos asociados.

As Comunidades de Montes Veciñais en Man Común (CMVMC) das Parroquias de Randufe, Areas, Malvas e Pexegueiro, organizan este domingo a I Festa da Árbores e de Artesanía de xeito conxunto. Ramón Martínez, presidente da Comunidade de Montes de Randufe deu conta dos obxectivos da festa e do programa previsto.

A asociación de Parkinson do Baixo Miño organiza dúas actividades para mañá venres das que hoxe nos falou Felicitas Iglesias. De 10 a 12h Obradoiro de Meditación: consciência e atención plena no día a día na Área Panorámica e ás 20h no Centro Sociocomunitariao charla coloquio “Cómo amarse a un mesmo” a cargo de Noelia López autora do libro “Como amarse a un mesmo” e Alejandro Feijo, coach persoal.