Mañá ás 11h será inaugurada na Sala de Exposicións Municipal a mostra Milataria 2. Tui e a Brilat, 50 Aniversario. A organización corresponde ao Concello deTui coa colaboración do Grupo Filatélico e Numismático Tudense e da Cámara Municipal de Valença. Coa mesma trátase de homenaxear a Brilat co gallo do seu 50 aniversario, tal e coma explicaba Carlos Pérez Fonterosa, do grupo filatélico tudense, mentres que Juan Martínez explicaba qué poderemos ver nesta mostra.

A alcaldesa de Tomiño, Sandra González, e a concelleira de Medio Ambiente e Optimización dos Servizos Públicos visitaron esta mañá os estudos da Radio Municipal de Tui para debullar a acción de goberno dos últimos meses.

O Banco de Tapóns do Baixo Miño, BANTA, pon en marcha a súa décimo segunda campaña para axudar ao neno tomiñés Leo, afectado por unha enfermidade rara denominada microduplicación 22q11.2. A súa nai, Vanesa Vietez explicaba en qué consiste e cómo lle afecta. José Carlos Balea, presidente BAnta deu conta de cómo o van axudar

O músico tudense Samuel Diz participará no concertó que este xoves se celebra en Santiago de Compostela coincidindo co centenario da primeira viaxe de Federico Galicia Lorca a nosa terra.

Samuel Diz presentará o seu traballo discográfico “impresións e paisaxes: como o primeiro libro de Lorca” en diálogo cun dos maiores coñecedores da vida e obra do poeta, o recoñecido hispanista Ian Gibson.

O próximo luns 31 de outubro haberá unha visita guiada denominada Cemiterios e Cárceres, coma véspera do día de Todos os Santos, dentro das visitas guiadas gratuítas que ofrece o concello de Tui. Estes percorridos mudarán de horario dende o 1 de novembro realizándose de martes a venres ás 12h polo Tui xudeu e ás 18h polo Tui medieval, e os sábados e domingos ás 13h polo Tui xudeu e ás 19h por Santo Domingo. O punto de saída é a Praza da Inmaculada.

O Concello de Tui buscará un contacto permanente coas forzas de seguridade presente en Tui para establecer protocolos de actuación en distintos ámbitos. Así o expuxo o alcalde de Tui, Enrique Cabaleiro, tras a reunión que celebrou onte con efectivos da Garda Civil, Policía Nacional e Policía Local. Tamén se referiu a outras cuestións coma o tráfico, a zona azul...

Este xoves a futura asociación do Conxunto Histórico de Tui dará un paso fundamental de cara a constituírse formalmente. Os veciños e veciñas reuniranse ás 20.30 horas en primeira convocatoria e ás 21.00 horas en segunda, na Sala Félix Rodríguez, do edificio da Área Panorámica.

Hoxe o Sergas iniciou a campaña que baixo o lema “Recorda, para a gripe temos vacina”, estará en marcha durante 9 semanas. Na nosa provincia haberá arredor de 250 puntos de vacinación –uns 150 na área de Vigo-, repartidos entre centros de saúde e consultorios, centros hospitalarios, residencias e centros para a terceira idade, etc.

A Xefa do Servizo de Alertas Epidemiolóxicas, María José Faraldo, lembrou esta mañá nesta sintonía da necesidade de vacinarse tódolos anos nos grupos de risco porque o virus pode mudar e a vacina ten unha duración corta no tempo. De feito, este ano o virus mudou con respecto ao ano pasado polo que é aínda máis recomendable a vacinación.

Un centenar de prazas das rúas Augusto González Besada, Foxo, Rosa Bahamonde, Travesía Foxo e Calvo Sotel volverá a ser de estacionamento gratuíto limitado no tempo dende o 1 de novembro ao implantarse de novo a zona azul.

Os condutores que estacionen nestas rúas deberán colocar o reloxo indicativo coa hora de chegada, que poderán obter na tesourería na casa do concello por 0,60€, sendo tamén válido o reloxo de calquera outra zona azul.

Así o explicou o concelleiro de Seguridade, José Ramón Magán

Mañá sábado a cita será para o público infantil e familiar nun espectáculo con música, humor, diversión.... Galitoon presenta “Güela-Güela” para público a partir dos dous anos. A obra achéganos con diversión, humor e música as aventuras de Willy, unha pequena cegoña, na súa viaxe por levar a un bebé ata os seus pais. Ten ademais un dobre obxectivo, entreter pero tamén ensinar.